طريقة تدريب الببغاء الأفريقي الرمادي الكونجو بالتفصيل

[TNT.0555]

السلام عليكم ورحمة الله وبركاته
ابتدأت من الأمس بتدريب ببغاء ( كونجو ) كان الطير يجعر بقوة ويخاف جداً
لدرجة أنه يتخبى في زاوية في القفص ولا يوقف على العصا وبعد الفحص قررت
انه الطير يحتاج إلى مايلي :
1- قص أجنحة لمنعه من الطيران ؛ لأنه يخاف ولا يثبت في مكانه .

2- شلع ريش الذيل ؛ لأنه مكسر وتعبان ويحتاج الطير لريش جديد .
3- برد الأظافر ؛ ماكان ضروري بس حبيت أوضح من أجل موضوع قص الأظافر .
من أهم الأحداث لي حصلت معنا :
1- هرب مني وراح ورا الكنبة وعانيت معاه لزين ما طلع .
2- انكبت المويه على الأرض ووقفت عليها وتبلل بنطلوني .
3- الحمد الله ما حصلت لي ولا عضة .
التطورات :
1- الطير ما يجعر مثل الأول .
2- يأكل من ايدي .
3- وخلاص علمته ما يعض .
المشاكل لي تواجهني :
1- الطير يعطس بكثره .
2- ولا يوقف على العصا .
3- غير ثابت في مكانه يدور على زاويه يتخبى فيها .
اتمنى منكم وضع اقتراحاتكم وتعليقاتكم من غير تردد

[mmc260]

الله يعينك عليه
لقيت فرخ رمادي بنفس المواصفات ما شريته ؟؟؟؟

خفت من راعي العماره يطردني من السكن
هههههههه

عزيزي اذاتوك بادي امس تدريب الطير ووصلت حق اللي وصلته فهذ يعتبر تنجاااااز لك وللطير نفسه والله يوفقك معاه
وكل اللي اقدر اقولك عليه استمر في تدريبه بنفس الطريقه وراح يصير كل اللي تبيه
ومالك الا الصبر عليه

[كاسكو البحرين]

هلا

اولاً اخوي بخصوص الذيل انا ابصراحه مو فاهم شنو كلمة (شلع) وان شاء الله اللي فهمته صح
عموماً يجب علينا تجنب هذه الطرق ولاتستعجل وتحاول تقص الذيل اوردي الذيل راح يتبدل في موسم تبديل الريش بالأكمل ، والجناح يتم قصه بالترتيب لعدم تشوية الطير ، واي ريشة زايدة بالطير لاتحاول تقصها خلها ابروحها اطيح وقت اللي ينظف نفسه الطير ويرتب ربشه ، وعندي لك نقطة دام الطير يختبأ بجانب من القفص فهو خائف ومحتاج وقت لحد ما يآمن لك وللمكان الجديد
فلا تستعجل على ترويض الطير خله ياخذ وقته عشان يثق بالمكان ولاتحاول تستخدم معاه طريقة تزعج الطير مثلاً تلاحق الطير من زاوية الى زاوية كثر من ان الطير ياكل من يدك وان استطعت ان تمسح عليه واايد زين وخلك هادئ والصبر مهم في هذه المرحلة

بالتوفيق

[بروق السحايب]

ادعولي مع الطير الي عندي >>>>> تراه جننني

[Camel-KSA]

يا جماعه الخير .. الرمادي اللى عندي جنني بلعض .. يا ليت تعطوي طريقه عشان اروضه .. و الرجاء الارسال على الرسائل الخاصه ..

[أسير الأفريقي]

شكلك قاسي عليه من كلمة شلع الذيل اللي تقول لكن يا اخي العزيز هذا مخلوق ضعيف وحساس جدا جدا عامله برفق حتى عملية القص يستحسن ما تقص له انت خلي شخص يقص نصف كل من الريشه الرابعه والخامسه والسادسه من كل جناح وتقرب له بالاكل الحلو كالتفاح او العسل وشوي شوي مو ضروري انه يتروض في اسبوع او شهر اعطه فرصه خليه يحبك لأن لو حبك والله انه رايح يسعدك والله يوفقك ويصلحه لك على كل حال

[مدرب الأفريقي]

مشكور على الموضوع

[نصور!]

يا اخويTNT

اهنيك ع هذه التطورات اللي صارت معك في اول ليله ماشاء الله عليك

انشاء الله تسير امورك ع كل خير

وبداية موفقة

[yasert]

ماشاء الله تبارك الله

[TARIK01]

مشاء الله لا قوة الا بالله
لا تقسو على الطائر كثيرا و اصبر عليه حتى يأمن و يطمئن