سؤااااااااااال مهم خاص بالثعابين

[madtaz]

يا شباب استشرتكم قبل فترة عن انواع الثعابين

واخيرا جبت jungle carpet python ز

وما شاء الله عليها روعه

وكلمت راعيها الاول وقال انه ماكلها قبل 5 ايام واقدر ااكلها الحين

المشكلة اني دورت فيران ما حصلت

لقيت هامستر صغيرون مرة حطيته ما اكلت !!

سويت هاند فيدنج ( اكل اجباري ) وعلي الفاضي

واخر شي اكتشفت ان حجم الهامستر مع انه كتكوت مرة صغيييييييييييييييير

اكبر من فم الثعبان ؟!؟!؟!؟!؟!!؟

الثعبان عمره 7 شهور علي كلام راعيه

والطول حوالي 73 سم

يعني بالعربي شلون بتاكل شي اضغر شي منه اكبر منها بواجد ؟؟؟

ايش ممكن اعطيها تاكل ؟؟

الجو تمام عندها والرطوبة موجودة !!

رحت لكذا محل قالو ترا بتموت عندك لانه صعب تلقي شي تاكلة !!و هاذي اصغر انواع الهامستر

وطلع كبيرة مرة عليها !!!

مافي بدائل ؟؟؟؟؟؟؟؟؟؟؟

او نصيحة ؟؟؟ او اي شي ؟!؟!؟!؟



بالنهاية . حطيت الهامستر بعلبة صغيرة وخضيتها الين ما سطلته وشكله كان نص حي نص ميت

وخليته عندها واتوقع الحين انه مات اخليه يوم او يومين الين ما تاكله ؟ ولا ممكن يسوي تلوث ؟

او تطلعله بكتريا ولا اشيله علي طول والقي حل ثاني ؟؟

[madtaz]

قريت في احدي المواضيع انها تاكل بيض ؟ صحيح ؟؟

[|| PyTHoN ||]

شكبر الحوض ؟
شنو حاط فيه ؟
جم درجة الحراره ؟
و جم درجة الرطوبه ؟

__

اول شي السبب ممكن يكون انها بعدها مو متعوده ،
خلها و لا تشيلها بعدين وكلها ، و مسألة الحجم عادي تاكل شي اكبر
من حجمها لكن مو يعني تعطيها دبل دبلات

و مستحيل هامستر صغير لا ؟!

الصغير ياخي يكون نص الصبع ، و هاذا زين لهم حتى اول ما يطلعون
من البيضه ، انت يمكن ماخذ كبير ، دور صغير و حجمه زين لها

و ليش ذبحته اصلاً -_-" ؟ كنت تقدر تخليه بعدين تعطيه

انت خله يمها بس لو مات ساعه او ساعتين شيله ~

اصلاً بتلقاه صار يابس حتى ,,

و مبروك عليك

[madtaz]

الحوض كبير حول 30سم عرض * 80 طول * 70 ارتفاع

درجة الحرارة مدري كم بس انه حار وفيه رطوبة كويسة

واصغر هامستر لقيتة فعلا بطول الاصبع او اقصر شوي وعليه شعر وما لقيت غيره

الحين بجرب مع بيض فر ني او وبجرب مع بيضة مسلوقة

[madtaz]

صورة الثعبان

[|| PyTHoN ||]

هاذي تقدر تاكل هامستر حجمه وسط حتى
توقعت اصغر من جذي ، ما عليك من حجم الراس ~

عالعموم ، حط ترمومتر الي يحسب الحراره و الرطوبه
تأكد ان الحراره 28 تقريباً و الرطوبه 70 % تقريباً

و ما قلت شنو مكونات الحوض ؟ يعني شحاط فيه ؟

+ 30 سانتي ؟! صغير ياخي ، الإرتفاع مو مهم المفروض
يكون الطول 80 و العرض 70 و الإرتفاع 30

خصوصاً الي عندك بتلاحظ انها حركيه و تحتاج مساحه واسعه

.
.

[madtaz]

الحرارة مثبتها علي 30

طبعا في موية يعني وفيها رطوبة !!! واطراف القزاز عليها بخار

المكان واسع لها ومرتاحة وكبير مرة

ارضية الحوض تراب حق زراعه احمر عادي

شوية احجار ناعمة زي حقت احواض السمك

حجر ناري كبير شوي ( بناء علي كلام الشباب في المنتدي ) علشان التقشير

وركبت لمبة داخلية وعليها تايمر علي درجة حرارة 30 ووعاء موية حجمه كويس

وجذع شجرة لاني سمعت هالنوع يحب التسلق !!

[jassim99]

جرب حط كهف تختبأ فيه و انطر عليها 3 او 4 ايام اذا طلعت من الكهف بروحها عطها هامستر او فار و ان شاءالله بتاكل اذا درجه الحراره و الرطوبه تمام

حصلت معاي مع البوا الصغيره ماكلت الا يوم حطيت كهف

عموما لا تخاف عليها تره ممكن تقعد فتره طويله بدون اكل

و اذا توهقت اتصل على صاحبها الي شريتها منه و اساله شنو كانت تاكل عنده يمكن متعوده على شي معين :s

و مبروك عليك ماشاءالله جميله

[madtaz]

اجل ابسويلها كهف واشوف وراعيها الاول يقول فيران بس من وين الاقي فيران !!!!!

كل اللي موجود هامستر صغيرون وبجرب طريقتك اخوي !!! ويا رب تظبط


بس السؤال مافي بديل ؟؟؟؟؟

يعني بيض مسلوق ؟؟ لحم مقطع ؟؟؟ قطع دجاج صغيرة ؟؟؟ لحم مفروم ؟؟؟؟؟

[|| PyTHoN ||]

لا لازم حي او ميت توه او لو انه مثلج تكون مذوبه بماي دافي ~
لو انك ما تقدر توفر احتياجاتها و الأهم الأكل رجعها احسن ,,

تراب احمر ؟!
شنو هاذا @@" ؟!

+ ماله داعي أحجار ، شيلهم احسن اهي راح تحك نفسها
بالأطراف و تفسخ الجلد ^^

و مثل ما قال جاسم الكهف لا تنساه

.
.