لحقو علي جريمه قتل بين البادجي وطير مصاب يحتاج علاج

[بوعقاب]

صباح الخير ياشباب

موضوعي غريب واول مره يصير عندي هالشي

الله يسلمكم انا عندي جوز بادجي بالغين وجوز الانثى بالغه والذكر مراهق وحطيتهم مع بعض في قفص صغير وصار لهم شهر
بس امس انصدمت لين جيت شفت الجوز الي يتكون من الانثى والذكر المراهق
منتفين ومجروحين وريش راسهم كله طايح وعينهم انفقعت بس عين وحده واشكالهم تخوف يعني متعذبين عذاب وشلتهم على طول والذكر بعد فتره بسيطه ماتحمل ومات
والانثى عاشت للحين عندي بس مجروحه جروح بليغه وفقدت عين واحده

يعني معقوله البادجي كذا يسون
يعني قعدت اتامل بالبادجي الي سوو كذا اقول هذا بادجي ولا صقر

ياليت تشوفون لي حل مع الطير المجروح وشلون اعالجه
مطهر ولا ايدين ولا كيف
وانا اتمنى له الموت على الحياه لان بيتعب ولو تشوفون حالته بتقولون الموت ارحم له والله

ومادري شسوي ويا الجوز السفاح
مادريا احطهم ويا طيور الروز عشان يعرفون ان في اكبر منهم وان الله حق
ولا اشتري صقر شرياس واهده عليهم

استغفر الله الواحد مافكر كذا الا من حرقه قلبه

وان شاء الله الظهر بنزل لكم صور للطير المصاب

تحياتي

[بوعقاب]

[طيور الزينة]

الله يعوضك بالخير يااارب

أولا : اعزل الطيور السليمة عن المصابة بكدمات

ثانيا : قم بتنظيف الجروح

ثالثا : ضع على الجروح صبغة اليود ( المكروكروم ) الموجودة في الصيدليات البشرية


بالتوفيق لك

[بوعقاب]

الله يعطيك العافيه
وجزاك الله خير

[عبدالمحسن جان]

المشاركة الأصلية كتبت بواسطة طيور الزينة

الله يعوضك بالخير يااارب

أولا : اعزل الطيور السليمة عن المصابة بكدمات

ثانيا : قم بتنظيف الجروح

ثالثا : ضع على الجروح صبغة اليود ( المكروكروم ) الموجودة في الصيدليات البشرية


بالتوفيق لك

أتفق معك

بارك الله فيك