يلا تعالو ابا نصيحكم باسرع وقت بليز

[*القلب الصافي*]

السلام عليكم

انا باجر بسير اشتري بسه

بس بعدني متردد

الله يخليكم قولولي اي نوع الي هادئه وما في اي شرسه؟؟

ومتى اروح افحصه؟؟

ومتى اوديه للبيطري؟؟

شو الي لازم يكون عنده قبل ما يايه عندي؟؟

كيف اخليه يتعود علي وما يشرد مني؟؟

تنصحوني اشتريه بعمر كم؟؟

ارجوكم جوبوني

[Dominique]

هاي

شوفي حبيبتي أول شي وأحسن شي تاخذيلج قطوة بعمر ال3 أشهر

لأنج راح تعودينها على شغلات واايد بدون ما تتعبين معاها بعدين وأهمها ( الحمام ) يعني صندوق الرمل الخاص فيها اللي تقضي حاجتها فيه وانتي بكرامة..

إذا خذيتيها كبيرة 7 أشهر فما فوق يكون صعب تعودينها على كل شي وخصوصا اسمها وهذا رابط شلون تعودين القطوة على اسمها بتجارب الأعضاء المختلفة

كيفية تعليم القطة اسمها


وشلون تعودينها على الحمام :

أول ما تييبينها البيت على طول فتحي قفصها على صندوق الرمل مباشرة لأنها إذا شمت ريحة التراب كل ما تبي تقضي حاجتها راح تدل صندوق الحمام على طول..
ولا تغيرين مكان الصندوق وايد.. يعني خليه بمكان واحد على طول ..

وتنظفين التراب بشبل ( يانه يكون مع الصندوق لما تشترينه أو انتي تشترينه بروحه بس أغلب الأوقات يجي مع الصندوق ) كل يومين علشان لاريحة، طبعا تشيلين الوسخ بالشبل وتقطينه بالزبالة يعني مو كل يومين تحطين تراب جديد جذي راح يطلعلج مصرف ثاني، آنا عن نفسي كل أسبوعين أو 3 أشتري كيس رمل جديد .


بالنسبة للرمل

فيه أنواع رمل اللي أغلبنا نستخدمه وآنه شخصيا أشوفه من أحسن الأنواع واسمه tidy cats في منه تكون حبيباته رمادي بأزرق وفي رمادي بأحمر وريحتهم حيل حلوة.. وهذي صورته



وكان ودي أحطلج مواضيع للمشرف قطو كويتي بس للأسف الصور مو شغالة في المواضيع .

ممنوع منعا باتا تستعملين تراب الحدائق أو الرمل العادي للقطط لأنه يحتوي على الدود والباكتيريا .

أول ماتيبين القطوة وبويهج سييييييدة على البيطري قبل لا تدخل البيت

إذا كنتي شاريتها وفيها دود وانتي ماتدرين بتلاحظين انه فيها اسهال وعلى طول أثر البراز لاصق بذيلها وأرجلها من ورا..

فلازم تعطينها كورس ديدان

والتطعيم العادي يكون أول مرة بعدين عقبها باسبوعين تطعيم ثاني بعدين عقب التطعيم الثاني باسبوعين تطعيم ثالث بعدين كلسنة مرة

والتطعيم مهم لج قبل القطوة لأن القطوة إذا مرضت راح تعديج بس اذا مطعمة يكون مثل حاجز فما تنقلج المرض وتحتفظ فيه بجسمها

تحملي تطلعينها بره أبدا أبدا

لأن القطط اذا أكلت طير مثلا من بره البيت ( يعني صادته ) وكان فيه انفلونزا الطيور على طول راح يصير بالقطوة .. وبعدين قطط الشوارع دائما مصابة بالفطريات والأمراض الخطيرة فتعدي القطة

ولا تخلينها تاكل حشرات ..

وهذا موضوعي شامل عن الأكل إذا حابة تعرفين شي وفيه بعد تجارب الأعضاء اللي ماقصروا بالردود

مثبت: وصفات شهية لأطباق قططك الملكية .. ‏


قبل لا تيبين القطوة البيت ( قبل لا تشترينها ) لا زم يكون عندج:
" صندوق تراب مليئ بالتراب الكريستال ، ألعاب كور، ليزر أي شي يخرخش، ولازم يكون عندج مثل سرير صغير من القطن أو القش ويفضل انه يكون مغلغ من الأعلى حتى تختبئ فيه القطة ، صابون ديتول أو لايف بوي لج انتي للاستعمال إذا لا سمح الله كان في القطة براغيث او شي ،
بعدين انتي مع الوقت راح تعرفين شنو تحتاج القطة من لوازم .

اسره للقطط...ادخلوا وشوفوا

بس من ناحية أي نوع..

آنه بالنسبة لي دمدم عاجبني.. صج كسلان.. بس وقت اللعب يهبل

بس في وايد أعضاء بالمنتدى يحبون السيامي لأنها لعوب على طول وحيل

وفي البعض يفضل الهيمالايا لأنها خليط بين نعومة الشيرازي ولعب السيامي

وانشالله اللي عنده معلومات أحسن من معلوماتي يفيدج
.
.
.

[*القلب الصافي*]

مشكوووووووره وما قاصرتي

والله اني مستانس الحين ^^

بس ما اعرف اذا اشتريت القطوه بيفرحني ولا لا هههههه

انتي تقولين تراب الكريستال

هذا اي واحد؟

انا بس اعرف الرمل الي يبعونه في الجمعيه

نوعه
thoms

عرفتيه؟؟

[*القلب الصافي*]

بالنسبه للهملايا ما باخذها

لانها وايد كسوله وما تلعب

[مخاوية قطاو]

دومينيك ماشاء الله كفت ووفت ومابقت شي اقوله
بس بقول انتبهي تاخذين همالايا لان فيهم كسل ولا سوداني
انتبهي

[جاكور]

أختي......
أنصحك بالسيامي أنا شخصياً عندي سيامي
ومششششكورة...

[*القلب الصافي*]

تسلمووووون ع مروركم الغاوي

ويلا الباقي تستبخلون تجوبون علي؟؟

يلا بليز جوبو اليوم اخر يوم