الأستفسار عن بعض المعلومات للأنتاج الدرة الهندية

[RoBBeN]

بسم الله الرحمن الرحيم

أخواني اصحاب الخبرة في أنتاج الدرة الهندية..

أنا هاوي قديم في تربية طيور الببغاوات وخاصتاً ( الكاسكو )
بس هالمره حاب أنتج (الدرة الهندية).. الأخوان ما قصرو وخذيت معلومات قيمه فادتني ولله الحمد في صنع القفص الحر لهم (=

طبعاً حجم القفص 3*2 والأرتفاع 3 امتار تقريباً عندي فصلين واحد على حسب كلام الي شريته منه مفرخين الموسم السابق بس الفصل الثاني للحين ما فرخو ولا مره لأن توهم طايفين الـ 18 شهر

الحين الي بقى اسويه لهم( صناديق التفريخ ). جاهزين بس محتار شلون اخليهم..
س - أقصى واقل أرتفاع مثلاً..؟
س - واتجاه الصناديق. اتجاه فتحات الصناديق متقابلين ولا انوع ..؟


وعشان اهيئ لهم طبيعة البيئه المعتاده لهم..
س - تنصحوني بأي نوع من انواع الشجر..؟
س - تنصحوني بوضع جذع واحد ولا أكثر..؟

وأخيراً يا شباب حاب استفسر عن الفيتامينات المقوية للهرمونات..؟
س - اسماء الفيتامينات والبروتنيات الخاصه..؟
س - الفترة الملائمة لأعطائهم الفيتامينات..؟
س - شنو انواع الفواكه والخضراوات المقوية للهرمونات..؟

ويعطيكم الف عافيه
تحياتي..

[حمتو]

اتمنى احد يفيدنا ,, لاني حتى انا ابغى انتج للدره

و ياليت يا روبن تنزل صور للقفص عشان استفيد

[RoBBeN]

ولا يصير خاطرك الا طيب اخوي (حمتو )
للحين القفص تحت تحت الأنشاء
بأذن الله اليوم يجهز
أن شاء الله راح اصوره وانزل الصور أخوي
تحياتي يالغالي

[مجنون فلته]

السلام عليكم

س - أقصى واقل أرتفاع مثلاً..؟

يكون بأي ارتفاع عادي اهم شي القفص يكون حجمه تمام ويكون المكان هادئ

س - واتجاه الصناديق. اتجاه فتحات الصناديق متقابلين ولا انوع ..؟

يكونون مومتقابلين الفتحات احسن

س - تنصحوني بأي نوع من انواع الشجر..؟

س - تنصحوني بوضع جذع واحد ولا أكثر..؟

يفضل انك تخلي لهم عصا احسن وافضل

س - اسماء الفيتامينات والبروتنيات الخاصه..؟

ماحضرني اسم المقوي حاليا بس يبيعونه بالسوق ويستخدم تقريبا لجميع انواع الحيوانات الداجنه وسعره تقريبا 10 ريال انا اخذه من البحرين متوفر عندنا

س - الفترة الملائمة لأعطائهم الفيتامينات..؟

بداية شهر واحد وتفريخ الدره يصير في شهر 3

س - شنو انواع الفواكه والخضراوات المقوية للهرمونات..؟

الجزر التفاح الكمثرى بالتوفيق

[RoBBeN]

أخوي محد رد علينا مع الأسف بس أنا استفسرت وعرفت اساسيات القفص ,,
والحمد لله خلصت منه وصورته لـ عيونك يالغالي ,,

:: حة القفص ::
القفص مساحته 3 في 2
وأرتفاعه 3 أمتار تقريباً




طبعاً غطته بـ السعف عشان يحسون بالهدوء وما يجوفون الرايح والياي
الهدوء شي أساسي للأنتاج ,,

:: عدد الفصول الي عندي (2) ::
حطيت أربع صناديق للتفريخ لأن على حسب علمي النثيه أحياناً تحجز لها صندوقين.
وغيرت مستويات الأرتفاع عشان النثيه القويه دايماً تحجز أقصى أرتفاع والنثيه الثانيه ترضى بالصندوق الأقل ارتفاع.




اتمنى انك تستفيد من الصور والموضوع يالغالي
وادعي لي بالتوفيق لا تنساني

..تحياتي..

[RoBBeN]

يعطيك العافه يالغالي ( مجنون فلته )
تسلم ع المعلومات,,
ويا ريت لو تعلق على الصور وتعطيني رايك وتخبرني اذا في عيوب ياخوي

..تحياتي..

[RoBBeN]

بالنسبه لـ الفيتامينات
في دوه يحتوي على 14 فيتامين أسمه ( feri-vit )
نضع ملعقة متوسطة الحجم في 2 لتر ماء
كل خمسة الى سبعة ايام
وهذا الفيتامين غني بجميع الفيتامينات الي يحتاجهم الطير
نقدر نعطيه منه في أي فتره وأي موسم ,,
موجود فالأسواق

اضيف ايضاً البيض المجفف مفيد للأنتاج
أنا خلطته مع الفواكه لأنه ما يصير اقدمه لهم بروحه ما بياكلونه لأنه فتات ناعم

.. تحياتي ..

[مجنون فلته]

السلام عليكم

حاضر لك اخويي

فيه كم شغله بسيطه عزيزي

ارضية القفص قاشي شكله لو تفرش لهم الأرضيه خشب مطحون احسن وكل فتره تغيره لهم عشان يصير لهم المكان دافئ

والسعف لو تخففه عن القفص شوي احسن عشان يتعودون على الرايح والجاي عليهم ومايضلون دائما خايفين

والعصي الاحظ انك مخلي لهم بس فوق

لو تخلي لهم بعد وحده في وسطة القفص افضل

وبالتوفيق ياخوي

[RoBBeN]

تسلم يالغالي ( مجنون فلته ) وما قصرت

والحين بكمل الشغلاة اللي نصحتني فيهم وان شاء الله يكون كل شي على خير

بس عندي سؤال يالغالي اقدر ازيدهم فصل ثالث تعتقد المكان يسعي

ولكم جزيل الشكر


تحياتي
RoBBeN

[مجنون فلته]

عادي اخوي تقدر تزيدهم يكون افضل لتوالف