كلب اخوي هاسكي ابي الحل

[MY LOVLY EMY]

كلب اخوي هاسكي ابي الحل
عمره 3 اشهر
واخوي معلمه على العض من يوم كان عمره شهر
بس انا ما ابيه يعضنا احنا
وبعد يرقا فووق ويجيب جزم او اي شي
ويخاف من الغربااء فا يليت تجيبولي الحل

[Musab Pro]

الحل هو تصحيح الخطأ وهو كالتالي .

1 انهر الكلب لما يعض وقول له بلهجه صارمه NO ولو احتاج الامر تدفه شوي بيدك

بدون لا تعوره بس عشان يفهم انها خطأ. واذا ما فهم اصبر عليه لان توه صغير.

2 اوجد له البديل .. جيب له العاب او عضاضات مثل هذي



وكافئه اذا لعب فيها وحمسه بالصوت والاكل و التربيت عليه .

3 لاااا تكرر نفس الغلط وتحرضه انه يعض اي شي يخصك مره ثانيه

واخيرا بعد فتره انشالله راح تحصل الخطأ هذا يتلاشى .

[MY LOVLY EMY]

اها اوكي بجرب واقولك

[rab7-saqr]

بالتوفييق

[zErOkA]

الافضل انك تحضر له بعض الالعاب
وانك تمنعه من العض بقول no
مشكورررر

[MY LOVLY EMY]

مشكوورين بس ما فاد اصلن مايعرف اسمه
وانا بنت =)

[Musab Pro]

يا اختي ... تدريب الكلب على معرفة اسمه موجود وشرحته اكثر من مره .

ولما تنهرين الكلب مو لازم يفهم حرفين معنى كلمة نووو لكنه بيفهم نبرة الصوت ومع الوقت يتعود عليها

ولو حسيتي انها ما نفعت معه كزيه شوي عشان يفهم ان هذا الشي غلط .

ولو ما نفع اضربيه على خشمه ضرب تأديبي يعني مو تكسرين له خشمه ! بس عشان يعرف انه غلطان

مع كلمة نوو عشان عقله يربط هذي الكلمه بالزعل اللي انتي تورينه و التصرف اللي المفرض يسويه يبعد

اما بالنسبه لتمرين الاسم ..

تحطين دراي فوود في جيبك او كيس .. انا شخصيا احطها بعلبة دخان فاضيه

عشان كلما شاف البكت حقي يعتقد ان فيه اكل ويجي عندي ينتضر مني اي امر عشان اكافئه

وهذا الشي طيب .. فهم الكلب اني مستحيل اعطيه مكافئه الا لما ينفذ امر ويطيب خاطري .

لما يجي الكلب عندك يبي الاكل لا تعطينه لين ينفذ الامر صح .

لنفرض ان اسمها ناتاشا .

الطريقه كالتالي ..

حطي يدك والاكل تحت رقبتك .. عشان لما تنادينه يطالع وجهك ..

تنادين له ناتاشا .. لما يطالع فيك تعطينه حبه وحده بس من الاكل .

نكرر نفس الشي .. ناتاشا و اول ما تطالع فيني اعطيها حبه . تكررين هالشي ٥ مرات مثلا ،

ركزي هنا بالموضوع .. ناتاشا راح تبقى تطالع فيك تنتضر الحبه الجايه .

هنا انا اوقف شوي واخلي تنشغل باي شي ثاني . لما تلتفت على شي ثاني اقول لها ناتاشااا

اول ما تطالع فيك اعطيها حبه .

هنا يرتبط بمخها ناتاشا شي حلو وله مكافئه والتصرف المطلوب مني هو النضر الى وجهك الكريم

ركزي يا اختي لااااا تعطينها اذا ما طالعت فيك والتركيز عند الكلب غالبا يكون ضعيف لما يصير حولك زحمه

حاولي تضبطين جو بحيث ان انتي والكلب وما في اي شي ثاني يشتت التركيز ..

اخليها مره ثانيه تطالع اي شي ثاني .. وبعدين اناديها ناتاشااا .. اذا طالعت فيني اتآكد ان

المعلومه تثبتت صح واكافئها واشجعها قووووود دووق وامسح على راسها .

يكرر الموضوع بشكل يومي لين يرسخ الموضوع براس الكلب زي النقش على الحجر .

اتمنى لك التوفيق

[MY LOVLY EMY]

مشكوور اخوي Musab Pro
واسمه بوب وهو ذكر وانشاءالله تنفع هالمره