تجربتي في تربية الطيور لاول مره

[زيزو البطل]

زيـــــــــكو

اللهم لاتؤاخذني بما اخطيت ولا تحملني مالا استطيعه

كان كل صبح يجي لما عند الصاله ويقول كلمته الوحيده ((هلو))
لانها اول كلمه تعلمها وانا اللي علمته كنت ابغاه يقول السلام عليكم بس سنه كبير فوق السنتين وبغيت ابدا معاه بالكلمات الصغيره واللي فيها مد مثل أ و ي لانها اسهل عليه في التعلم وفعلا تعلمها بسرعه ومن كثر ماقوله شااااطر صار يقولها بس مخربطه <<زين من حمده لو جابت بنت هههههه
ومن ناحية اللطافه فهو لطيف مع الجنس اللطيف والصغار مايجعر لهم وحتى اذا عض الصغير يعضه ع قده يعني بشويش!
اما الجنس الثاني فمن يوم يشوف أي رجال قرب ع القفص يعطيه صرخه تخويفيه فقط ماكان يجعر نوعه هاااادي الا اذا خاف حدث ولا حرج..
يطلع ع اليد لما اقوله زيكو اطلع يطلع وهو خايف بس ماعنده مجال يرفض فيختار السهل احسن له
سافرت لمكان ماا وبيت مااا مكان احب الى قلبي من بقاع الارض ومكان ارتاح فيه رغم ان زيكو يعارضني الرأي تماااماا لاكن اضطريت اخذه معي ويقالي كنت بحميه من الاشيقاء الاربعه بس ماافي فايده لو احب السماء ماتركوه لحاله
نجي لمغامرات البيت العامر اللي رحت له وسكنت فيه شهر واحد بس..
1-يجي ((توفي))<<دلع الصغير بمشيه متختله من غير مايحس زيكو رغم انه منتبه لحركات نواف لاكن زيكو بيسوي بطل مايخاف يجيه ثم يضربه ضربه خفيفه تروع البطل لاكن يبقى صامداا في مكانه خشية من الاعداء ان يعرفوا نقاط ظعفه
2-يجي الجندي فصول بسرعه قصوى وينط فوجه زيكو في البدايه زيكو تحمد ربي ع العافيه وقال يالله لاتبلاني
3-زيكو بطبعه شرس يعني مو اليف مره فيكره لمس الغرباء له المسلسل الثالث يجيكم داحم الزاحف ويتوقع ان زيكو يحبه؟؟رغم ان زيكو يقول في نفسه((والله لو تقرب لاعطيك عضه اعلمها في يدك فاحسن لك بعد عني))يقولها زيكو وهو منفص عيونه ع داحم ونافش ريشه وهاذا يعني انه في وضع الاستعداد البدائي ويقرب داحم وهو متجاهل تهديد زيكو ومايدري وش بيصير له وفي كل مره يقرب زيكو يمد رقبته عليه وهذا وضع الاستعداد التام بس لاحياة لمن تنادي يحط يده على ظهر زيكو بكل ثقه فتجيه عضه ماكان يحلم فيها وفعلا طلع داحم وهو ماسك يده ومتألم من العضه وزيكو يناظره بنص عين ويقول تستاهل انا محذرك بس ماتفهم خخخ
4-المسلسل الرابع الذي يتكرر يوميا ((نيوف)) وماادراك من نايف هو اقلهم شرا ولاكن اكثرهم اصارارا يأتي مسرعا ويضع وجهه في وجه زيكو ويصرخ عليه ((بعععععع))
وردة فعل زيكو يناظر فيني مندهش ويقول في قرارة نفسه((تكفى خلنا ننحاش يرحم امك))
وهالمسلسلات تكرر دايم حاولت بيدي ورجلي احمي زيكو منهم بس للاسف ماقدرت ع هالصغار لانهم اذا ماسواا شي قدامي يسوونه من وراي
بالاخير زيكو اختار الصمت الاختياري تعبيرا ع عدم الرضاء حاولت اصفر له واقعد معه بس مافي فايده مرض وتعب وديته البيطري بس ماعنده ماعند جدتي عطاني محلول احطه بالماء لمدة 6 ايام بس للاسف زيكو راح قبل يتم 4 ايام ومالا حظت أي تحسن من الاسوا للاسواء ولكن اللي قاهرني انه مات يتالم ماعرفت وش فيه لان مالحظت عليه أي اعراض مرض سوا السكوت فقط والا هو ياكل ويشرب عادي
استفدت من المنتدى حاجات كثيره في طريقة التربيه والترويض فقلت اضع تجربتي بين ايدكم خاصه للمبتدئين مثلي ولخصت بعض النقاط اللي سويتها مع زيكو
1-كنت اعطيه الفول السوداني دايم والبيطري قال مايصلح لانه يسبب اسهال عطه حبتين في اليوم بس
2-اعطيه حب مشكل وتفاح ومشمش وكمثرى في البدايه يرفضها بس اخليها عنده واروح والقاه جاي يتسحب يذوقها ثم ياكلها
3-استعملت طريقة المنشفه للترويض ولاحظت انها زادت شراسته ومانفعتني رغم اني طبقتها بحذافيرها بس ماادري وين الغلط
4-الترويش في البدايه كان رافضه بس بعدين صار مايقاوم يتروش عادي
5-الحك ع راسه خلف العيون اذا كان زعلان تهدييييييييه
6-الطير الجديد لازم يكون في مستوا عالي يعني ارفعه او علقه ع الجدار لين يتعود ع اهل البيت
بس هذي تجربتي كتبتها وانا زعلااااان حدي ع زيكو يارب ماتذنبني فيه والحمدلله ع كل حال والله يرزقني احسن منه



لكم ودي...

[القلم الجريء]

بصراحة ما أعرف أش أقول

[عبدالعزيز1]

الله يعوضك خير يازيزو

امر الله ومكتوب


لكن استغربت تقول ماقدرت اوقف العيال عن ازعاجهم للطير !!


اقل واسهل شي ترفع بمكان عالي مايطولونه

[ابو محمــد]

الله يعوضك وان شاء الله تستفيد وتفيد من تجاربك.

[عاشقة الظلام]

الله اعوضك ان شاء الله

[عاشق~الحمام]

..~|| الله يعوضك ||~..

[ريكووو]

الله يعووضك ياارب

تقبل مرووري

[fawzi]

الله يعوضك كل خير ان شاء الله وانت بذلت كل مافي وسعك كي تنقذ بغبغائك ولكن قدر الله وماشاء الله يرحمه وان شاء الله ربي يوفقك بطير ثاني وتستفيد من تجربتك الاولى تحياتي لك وتقبل مروري.

[الوسام الذهبي]

الله يعوضك خير ان شاء الله

[احمد 14]

الله يعوضك خير واحساسك وصل ونتبه علىا الجديد من الشله والله يرزقك بأحسن منه