يا ناس والله العظيم أنا مليت !!!!!!!!!!!!!!!

[الجااارح]

السلام عليكم ورحمة الله وبركاته
أخواني الحبايب بالله وش رايكم بالنصب في هذ الأيام تعبت أدور على طير رخيص وجيد كل مارحت مكان أحصله غالي وما أدري على أيش أولاً عندنا في الرياض برد يهد الحيل ويهلك الطير ومع ذلك ما لقيت طير بالسعر المناسب أقل شئ لقيته بالرمادي 1300 ريال وفي جدة نفس الكلام رحت هناك يوم الجمعة ولقيت نفس الموال أقل طير لقيته بـ 1000 ريال وليته سليم عينه رايحه وطي أجارنا الله وأجار طيوركم أعزائي القراء مع العلم إني أخبرها زمان يعني قبل تقريباً سنتين أو أقل شوي بـــ 750 أو 850 زي كذا طير جيد وعليه الكلام وإذا كان يتكلم تحصله بـــ 1500 ووليف بعد من الرمادي واليوم أرتفعت الأسعار دبل ليش ما أدري وش رايكم بهذ النصب ولا وش هو الحل ياحبايبي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[كاسكو البحرين]

الله يساعدكم على غلاء اسعاء الطيور

والله ياخوي هذا حال الدنيا الناس من تجوف شي ماشي سوقة قاموا علو لسعار على ايش ماتدري

بس اذا لك خاطر ترى في البحرين هالايام فيه من نوع الكاسكو الرمادي ترى اكثير اكثير عدنا

في فروخ على 7-8 شهور وفي منهم على سنه تقريباً

بس بيطلع عليك السعر في المجيئ اخوي من بترول السيارة والتأمين والشغلات هذه وفوق كل هذا التعب

على العموم الكاسكو عدنا في البحرين قل سعره لانه صار لستيراد مفتوح الظاهر

سعر الفرخ 65 دينار او 70 دينار على حسب المحل

وفي على 55 بس مو فروخ على سنة أعمارهم

علماً الطيور غير أليفة ولا متعلمه ...سعر الاليفين والتعلمين غير على حسب القدرة للطير


اتمنى لك كل خير وان شاء الله تلقى لك طير جميل يسعدك ويفرحك ان شاء الله

تحياتي

[abdualaziz_m]

السلام عليكم للاسف اقولك ياخوي ان هلاسعر الي انت قايلها هاذي ارخص الاسعار انا لفيت محلات الطيور بالرياض اقل شي ب2000 وانت طالع الى مالقيت واحد ب15000 الف ريال بس فيه حركه حلوه روح لحراج الحمام تحصل هناك طيور نظيفه وصغيره ب1000 ريال وان قلت تحصلها ب800 ريال بس تاخذه بقراطيسه وانت عليك التدريب وكل شي

[طلولي]

السلام عليكم
ترى كل الكلام الي قالة الجااارح صحيح اسعار الحيوانات في السعوودية مرتفعة جدا جدا مادري ليش
آنصحك تاخذلك اجازة وزورنة في البحرين ترى الأسعار وااااايد رخيصة وتلقى كل الأحجام

[كروان]

انا حصلت الرمادي امس بسوق الحمام بالعزيزيه ب 800 الى 750 ريال بس انت عليك التدريب الله يعينك هناك رخيصه

[خالد999]

اخوي اسعارها عندنا بالخبر على 900 ريال و الاليف على 1500
اسعارها كلها نزلت صاروا يجيبونها من البحرين

[مدرب الأفريقي]

كل شي غلي يا حلو بعد المرض القالو عليه وتسكرت الحدود علا الطيور

[تروكي10]

رح لي سوق الحمام في الرياض وتلقى الي تبي

[سوق الغزل]

الله ايوفق وانشاء الله تلاقي الي بالك والي عله مزاجك يارب قولوا مين

[ابو ساره الخالدي]

أخوي إذا السعر ألف 1000 ريال ونضيف وصحتهطيبه حلو السعر إذا كان أفريقي
إذ الكوري عندنا مايتعدا 500ريال
وإذا تبي أدورلك عندنا بدمام قلى
وعطني رقمك أتصل عليك يوم الجمعه الصباح