وين اهل الخبره

[عبيد المزعج]

السلام عليكم ورحمة الله
عندي سؤال....او اثنين
عندي ببغاء أفريقي في البيت..الببغاء والف مع أهلي كلهم الا ؟؟؟؟ أبوي(الوالد)..لين شاف ابوي مار جنب القفص أنهبل وقام يجعر ويتحرك في القفص...مع ان الببغان عندي له سنه..ومع ان أبوي يحبه مره وينبسط عليه ومانعني اني أبيعه بأي سعر... لكن دنيا..

كذلك فيه مشكله كلامه أحس انه مو واضح مره ويستصعب الكلمات الطويله مثل (لاإله إلا الله)مع اني من شريته وانا أقولها له...

الببغان معي حلو مره يلعب ويرقص ويسلم لين شافني وينزلي راسه...لكن مع اخواني مايسوي هالأشياء ولا يقرب لهم علشان يلمسونه...بس يكتفي بالكلام معهم...أحس انه يقول الكلام ويخب عليكم .....

وبعدين أسولفلكم عن ذا المصرقع(المهبول)

[ملووكه]

لين شاف ابوي مار جنب القفص أنهبل

ههههههههههههههههههههههههههههههههه

حـــــــــــــــــــلوووه

الصرااحه انا مااعندي خبره عن الطيوور بس جااايه كذا اتفرج عـ المووضووع

تقبل تحياتي ومرووري


::ملاك::

[توتي]

واضح انه الرماادي اللي عندك متعلق فيك اكثر منهم الانك انته صاحبه.. وبالنسبه للوالد تراه شي طبيعي جدا.. انا الرمادي اللي كان عندي كمل قراب السنتين بس ما يوالف اي حد في البيت الا ووجوه معينه مع انه كان في غرفه الطعام اللي نجتمع فيها وقت الأكل والكل يشوفه ويكلمه من بعيد.. لكن محد يتجرأ يلمسه ويلعب وياه ويدلعه غيري انا واخويه وبعض من افراد العايله.. الرمادي حذر شوي وخواف.. ان شاء الله مع الوقت راح يتعود على الوالد بس خله يتقرب منه اكثر..

وبالنسبه للكلام ا نتظر وكرر عليه الكلمات الطويله.. بس اللي اعرفه انه صوت الرمادي واضح جدا.. كصوت الانسان.. اذكر موني يوم تتكلم مرات نخربط بين كلامها وكلام اللي في البيت.. ما عليك اخويه غير انك تكرر له الكلام وراح يتعود..

الله يبارك لك فيه ويوفقك في تربية..

[العجيب]

زي ما قال الأعضاء الببغاء يتعود على وجوه محددة و يتعامل معها أكثر من غيرها

[الجااارح]

وعليكم السلام ورحمة الله وبركاته .............
أخوي عبيد
هذا اللي صاير معك هو شئ طبيعي بالمرة أنــــــــــــــــــــــــــا كان معي طير نفس القصة اللي تكلمت عنها ما يوالف إلا معي ومع الوالدة لإني أنا كنت دايم وياه وأما الوالدة فكانت هي اللي تروشه أكثر الأحيان وتأكله ومع باقي أفراد الأسرة طبيعي ما عدا أخوي العود ما كان يشوفه إلا ويرتفع الضغط عنده لإنه كان نادر ما يجي عندنا البيت وهذا حال الطير ياصاحبي لكن مع الوقت راح انشاء الله تعالى يتعود على ابوك واللي معك بالبيت ...............
والسلام عليكم ورحمة الله وبركاته .................

[كاسكو البحرين]

ج 1 : الصبر مفتاح الفرج

ج 2 : وقت تلقين الطير الكلام يجب ان يكون كلام عالي و واضح لانه راح يقلد النبره وقوة الصوت

تحياتي لك ويتربى في عزك


كاسكو البحرين

[عبيد المزعج]

ملوكه حياك الله...توتي.. العجيب.. الجارح

أول شي عبيد هذا اسم الطير..
ثاني شي الطير والله العظيم اني أحيانا أطلعه معي في استراحه أو أي شي وعادي كل الوجيه اللي هناك جديده عليه وعادي ولا يجعر ولا جعره..بس ابوي..خخخ...مع انه دايم يطيه اكل يبي يكسب الود ..لكن ..لاتحاول

شاكر لكم

[عبيد المزعج]

حياك الله كاسكو ويخليك ربي...وشكرا

[توتي]

اكيد ما خذ موقف من ابوك.. الكاسكو ما ينسى تراه.. في موقف صار لصديق اخويه يخبرني عنه اخوي يقول انه اشترى الرمادي.. واول ما يابه البيت.. قام يصارخ عليه يوم يجعر بدل لا يهديه.. وللحين الرمادي ما خذ موقف منه وما يحبه..

لا تنسى انه الرمادي طائر ذكي.. وما ينسى..

[عبيد المزعج]

والله يمكن..أبوي في الصباح وقت المدارس اسمع الصرااااخ..يلله..بسررررعه...وانت ماشي

يمكن ذا الأفريقي حساس

شكرا توتي