ممكن اعرف نوع الببغاء هذي .. وايش اللي يناسبها ذكر

[رهام الغلا]

السلام عليكم ورحمة الله وبركاته

كيفكم شخباركم ..

عندي كم سؤال فديت قلوبكم واتمنى تساعدوني فيها

لاني مالي في الطيور انا..

عندي ببغاء ودي اعرف نوعها وكم عمرها .. ع اني اعرف بس مو متأكده لانها صارلها عندي .. >> انتوا حدوو هع

وبقا ازوجها وابي اسأل شوي

ايش النوع الذكر اللي يناسب وكم عمره يكون ؟؟ بليز لاتطنشون علشان اجيب الذكر اللي يناسب لها

يعني
س1 _ نوع الببغاء اللي في الصوره ايش ؟؟

س2_ ايش الذكر اللي يناسبها وكم يكون عمره ؟؟

هذي صورها وعلى فكره مش متكلمه هي ..






[/]

[Almaha.K]

هذي دره

وبالنسبه للعمر شكلها صغيره

والذكر الي يناسبها من نفس النوع ((دره))

التزاوج يكون عند عمر سنتين وفوق

والي عندك شكلها اصغر

[رهام الغلا]

لا فديتك كبيرررررره مو صغيره عمرها بالسنين والله..

وعندي سؤل ثالث

انا شفت ماقطع يوتوب نفس نوع الدره حقتي بس يتكلمون

وانا عندي من زماااااااااان بس ماتتكلم ؟؟

ابي اسأل نوعيتها تتكلم ولا لأ

لانها عندي من زمااااااان اكثر من سنتين بس ماتتكلم

[Almaha.K]

الدره تتكلم بس بشكل قليل

ولازم تدربينها على الكلام

وافضل عمر للتدريب من 4-6 شهور

وكل ماكبرت يكون اصعب التدريب

لكن انتي حاولي

ابدي اول شي بالكلمات السهله وكرريها عليها فبداية كل يوم

بس مو اكثر من ربع ساعه عشان ماتمل

واذا بدت تقلدك كافئيها مثلا عطيها حب او تفاح

بس بتتعبين شوي بالبدايه لان مثل ماقلتي عمرها كبير

وبالنسبه للتزاوج اذا جبتي ذكر لاتحطينه معها بنفس القفص

حطيه بقفص ثاني بس يكون جنبها لمدة اسبوعين

واهتمي بتنويع الاكل

بعد كذا انقلي الانثى لقفص الذكر

واذا شفتي انهم يتناقرون مع بعض بشكل كبير افصليهم مره ثانيه

[رهام الغلا]

الله يرضى عليك ويوفقك والله افكارك حلووه
هي كبيره وانا الحين صرت دايم ادخل لها

واسولف لها
واذا صارخت اقول عيب للالالا تسكت وتنزل راسها بدايه حلوه حسيتها صارت تفهم

ولما اسولف ولا اقول اسمها >> اينوشا

تسكت وتسمعني كل يوم بدخل عندها وبناديها اينوشا واذا تعلمت وصارت تتكلم بدعي لك والله فرحتني ردودك

انتظر ردود القيه

وابقها تتعود ع يدي وماتعضني امس شلت الحب عنها وجلست اكلها بيدي امد لها بالقفص واحط عليه مربى تاخذه تلحس المربى وتقط الحب هع

واكتشفت انها تحب التونه لما تشم ريحتها تصارخ لما اعطيها تسكت

[Almaha.K]

الله يحفظها لك

حاولي تطلعينها برا القفص حطيها فوقه مثلا واكليها وهي برا

شوي شوي لين تتعود وتطلع على يدك

وكل ماحسيتي انها تستجيب كافئيها

[رهام الغلا]

من عيوني بعد شوي بنقلها للقفص الثاني علشان التنظيف ولو اني خايفه بس بحاول اطلعها

بس اخاف تطير واتوهق فيها تعضض القطااوه هع هع

[naasooh]

الأعضاء ما قصروو
والف مبرووك
والله يعطيك خيرها ويكفيك شرها
و
راايي لك أتشوف المواضيع المثبته فيهاا تفصيل راح يفيدك بمواضيع كامله عن نفس اطير الي تقتينيه ( الدره )
وبالتوفيق

[رهام الغلا]

انا ابقا نوعها ايش يعني دره شنو
في دره باكستانيه وفي نيباليه وفي هنديه ..


ابي اعرف نوعها وعمرها بالتحديد للحين ماجاني جواب

[شيبردد]

هذي دره هنديه