كم جرعة اجمنتين لقط عمره سنتين..؟

[HaiDy]

ليلى ..ذكر عمره سنتين .. امريكي شورت هير .. ماطعمته ولا مره والحمدلله صحته عال العال لولا قطط الشوارع !


طلع امس الحوش كعادته يتمشى في الحوش والا يلقى له بسة من الشارع وقعد يتذابح هو وياه

وكان هو بسم الله عليه المسيطر وهذاك الضعيف وليته سلم

المهم انتهى الهواش ودخلت ليلى البيت وحالته حاله عيونه محمرة وعليه مخوش (خموش) في انحاء جسمه

على شكل خطوط طولية (لونها زهري محمر واحسها تؤلم بقوة) حسبي الله عليه وكلها الحمدلله سطحيه بس اكيد تألمه وايده اليسرى

مورمه وتؤلمه اذا حركها وكونه بس من الشارع الي عاضه لابد اعطيه علاج للاحتياط

مسحت جسمه امس في فوطة مبلوله بمحلول البيتادين ودهنت الجروح في فوسيدين بس واجد

الجروح لذلك لابد علاج

حالته العامه : في حالته العاديه الحمدلله بس فيه شوية خمول

عطيته امس فيتامين والحمدلله ياكل دراي فود وشوي دجاج


شريت له اليوم (اجمنتين) علبته بنفسجي وابيض .. 228mg\5ml .. مكتوب على العلبه جرعة

المرتين باليوم..

سؤالي : اعطيه كم مل اجمنتين باليوم وكم مرة ..؟


^ اخذته من صيدلية ناديا الله يجزيها عنا خير الجزاء وكانت كاتبه الجرعه على حسب عمر القط هو

عمره سنتين بس مادري كم اعطيه ..؟







* ماعليش اعذروني ماقد وديته للبيطري ولا ادري كم وزنه هو جسمه اذا شلته ماشاءالله ثقيل

بس شكله الخارجي نحيف وصحته العامه جيدة ولله الحمد

[الخبيرة ناديا]

هلا حبوبه

اعطيه 1مل مرتين في اليوم لمده خمس ايام

والجروح اتركيها حتى تنشف ..يعني لاتبللينه بالبنتادين كل شوي.

المطهر مره وحده وخلاص..وباذن الله يتحسن

لان الجروح اذا كانت خفيفه تلتأم بسرعه. اما اذا كانت مفتوحه وتشوفين لون احمر او زهري من الداخل

فهي يبغالها ماء الاكسجين خففيف بماء عادي وامسحي عليها ولازم بيطري يخيطها لو هي لسا مفتوحه

ولو تحطين صور له افضل.

الله يشافيه لك

[HaiDy]

هلا فيك حبيبتي ناديا .. الله لايحرمنا منك"

يعني ماطهر الجرح يومياً ..

الجروح صارت اغمق لون من اول ونشفت شوي

يعني كل الي اسويه اعطيه العلاج وبس .؟

[HaiDy]

نسسسيت اقول صورت له 4 صور وحاولت اجيبهم للموضوع ماقدرت جهازي فيه مشكلة بالبلوتوث للحين

مانحلت وحاولت استعين بصديقتي بس البنت مشغوله..

وفيه ملاحظه انه بعد اول جرعه من الاجمنتين صار القط خامل اكثر من قبل !

عطيته 3 مل بس هو من النوع الي يشيل ويحط مايبي ينمسك ويمكن مع كثر الحركه ماوصل لفمه الا 2 مل او يمكن اقل



الله يشفيه ويخفف الامه ويحميه وبساستي من كل مكروه وبساستكم وجميع مرضى المسلمين

[الخبيرة ناديا]

لا انتبهي تكثرين المضاد له.

وشوفي سبب خموله يمكن عليه حراره؟

والله يشافيه ويخليه لكي.

[HaiDy]

صارلي 4 ايام اعطي ليلى الاجمنتين 1 مل مرتين باليوم وابشركم الحمدلله ردت له صحته ورجع ذاك الجمال اللي يشع من

عيونه بسم الله عليه .. يمكن مايكون هو حلو شكلياً لكن.. حبه وحنانه الحلوين .. مسمينه دلوع البيت !

حتى يوم طلب تزاوج العام رحت شريت له انثى مخصوص بس ماحبيتها زيه(هي ماتعبر عن شعورها بس تاكل

وتنام ) وجابت لنا احلى كيتنز بسم الله

عليهم الله يحفظ كل بساستي من كل مكروه وكل بساستكم ..


* يمكن تستغربون اسمه وهو ذكر .. المحل الي شريته منه قالي انه انثى وانا كنت قليلة الخبره بتحديد جنسه

وهو صغير فـ تم نجاح النصبه ولعب علي وصدقته وفعلا بسم الله عليه هو شكله ناعم المهم يوم كبر تبين لي انه

ذكر ! بس خلاص كلن يناديه ليلى حتى هو عرف اسمه مايمديني اغيره ..

اشكركم

[HaiDy]

ايه نسيت .. مشيت بنصايحك يا خبيرة ناديا خطوة بخطوة .. الله يجزيك خير ويفتح بوجهك ابواب الخير ويحفظ بستك "


بس عندي سؤال الله يرعاكِ :

بالنسبة للحرارة كيف اقيسها..؟ اللي اعرفه وقريت عنه بالمنتدى انه تقاس عن طريق الشرج بس ليلى مو

متعاون ابداً هواش وطقاق عشان العلاج مارح يرضى اقيسه عن طريق الشرج ومرة سألنا صيدليه بيطريه عن

مقياس حراره قال مافيه

[دلوعةقطوتي]

المسي اذنه من جوى حاره او لا
وطمنينا عنه والله يشفيه ويخليه لك

[الخبيرة ناديا]

المشاركة الأصلية كتبت بواسطة HaiDy

ايه نسيت .. مشيت بنصايحك يا خبيرة ناديا خطوة بخطوة .. الله يجزيك خير ويفتح بوجهك ابواب الخير ويحفظ بستك "


بس عندي سؤال الله يرعاكِ :

بالنسبة للحرارة كيف اقيسها..؟ اللي اعرفه وقريت عنه بالمنتدى انه تقاس عن طريق الشرج بس ليلى مو

متعاون ابداً هواش وطقاق عشان العلاج مارح يرضى اقيسه عن طريق الشرج ومرة سألنا صيدليه بيطريه عن

مقياس حراره قال مافيه

قياس الحراره فيه طريقتين واحسنهم من فتحه الشرج

الطريقه الاولى :

امسكي اذنها من الداخل وشوفي لو هي حاااره فيكون عليها حراره

الطريقه الثانيه:

فيه مقياس حراره زئبقي العادي او الالكتروني العادي تبع الاطفال ..وتدخلين طرفه فقط

في فتحه الشرج ..

مثل هاذي الصوره:



والله يسلمك ياقلبي ومشكوره على الدعوه الحلوه.

[HaiDy]

دلوعة قطوتي الله يسلمك ياعسل لا هو الحمدلله شفاه الله بس كنت اسأل عن الحراره ابيها ك معلومه مشكورة حبيبتي


.. ناديا .. مشكورة ع المعلومه و الله يعطيك العافيه ..