منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
 |
|
|
أدوات الموضوع | إبحث في الموضوع | طرق مشاهدة الموضوع |
08-06-2010, 11:21 AM
|
#1 |
|
هاوي فعال
|
قصتي مع ركوب الخيل :)
ابقولكم سالفه صارتلي انا والشباب اولاً نبدا بالسنه السالفه هذي تقريباً عام : 1420هـ المكان العزيزيه / الشرقيه اليوم الجمعه كالعاده اجتمعنا الخميس بالليل وتعشينا مع بعض وكنّا خمس اشخاص انا وزميل الطفوله ابوسالم واخوي وابناء عمي .. ابو بدر وابوعبدالله وبعد العشاء اتفقنا نروح البحر يوم الجمعه العصر ونركب خيل ، حبينا نغير .. كل اسبوع دبابات فقلنا هالمرّه نبيها خيل جا يوم الجمعه واخذت اخوي ورحنا نمر كل واحد في بيته .... وتوجهنا الى البحر والحلو بالعزيزيه ان مكان ركوب الخيل مخصص .. شبيه بالمضمار تقريبا والدبابات لهم مكانهم ..يعني الامر مرتب ومنظم إلا ماندر اللي يطلع بالخيل او الدباب برا قلنا نبي نستأجر دفعه وحده عدد 5 خيول ونمشي مع بعض .. ابوعبدالله من يومه يخاف الخيل وبحكم ثقل الوزن فاعتذر وقال ماني راكب .. أما ابوسالم فأخذه الحماس الزائد وبحكم إنه افضل واحد فينا فاختار خيل وعلى عجل ركب وانطلق وتركني انا وابوبدر واخوي  اخذنا لفه نبي واحد عنده مجموعه عشان نستأجر وننطلق من مكان واحد فما لقينا والاغلب خيولهم طالعه وبعد لفّه لقينا واحد عنده خيلين .. ذكر وانثى .. وشخص ثاني عنده خيل لكن بدون سرج واخوي قال انا لهاااااااااااا ان ابي اللي بدون سرج اخوي ركب الخيل وتوكل على الله انطلق ماشاء الله وانا وابوبدر اخذنا الخيلين اللي عند ذاك الصعيدي ... طبعا ابوبدر ركب الخيل وبدا بالمشي و قال مانبي المضمار خلنا نتمشى على السيف افضل من المضمار المملقلت تم انا ركبت الخيل وطلبت الصعيدي ابي حبل او عصا عشان ابي الخيل يجري بكل قوته فقال مايحتاج والخيل اللي معك اسمه ريشه ههههههههههههه حلو دامه ريشه توكلنا على الله ابتعد ابوبدر عني قرابة العشر امتار وناديته بصوت عالي اصبر يبوبدر خل اجي جنبك ... فما كان من خيل ابوبدر يوم اتضحت الرؤيه امامه وتفرقت السيارات المارّه من قدامه إلا وانطلق كالبرق وطبعا الاخ ريشه اللي انا ممتطيه ماصدق خبر ومجرد شاف اللي قدامه انطلق وينطلق ورااااااااااااااااه طبعا محدثكم + ابوبدر ميح بالخيل ... يعني مالنا سابق خبره ولا ركوب خيل ابدددددددددددددد قعدت اسحب باللجام ومافي امل يوقف واسحب بكل قوتي ومستحيل يخفف السرعه وانااااااااااااااااااادي يبوبدرررررررررررر يرحم والدينك وقققققققققققف وابوبدر متمسك بطرف السرج وتارك اللجام يسرح ويمرح ويلتفت علي بصعوبه ويقول مقدر مقدر مقددددددر اوقفه ولا اعرف هههههههههههههههههههههههههههههههههههه انا دموعي قامت تنزل من شدة الضحك وخيولنا تجري بكل قوتها زي ماتبي وتلفلف فينا يمين ويسار لغاية مادخلت في زحمة سيارات فوقفت غصب عليها ونزلنا منها وسحبناها مع اللجام الين الصعيدي .. فقال هاااااااااه ياشباب إزاي الخيل ومالكم نزلتو منها قلنا ابد .. مجرد نريحها وحبينا نتمشى شوي ونسحبها نريحها المهم سلمناه الخيول وعطيناه الحساب الحين من باقي ... اخوي + ابو سالم ... طبعا ابوسالم آخر عهدنا فيه منطلق شمال وماعاد شفناه اما اخوي فكان بالمضمار وانتهى الوقت وقعد يناديه صاحب الخيل عشان يسلم الخيل فاخوي حب يجي منطلق .... وكان جنبنا واحد ومعه ولده صغير واخوي جاي منطلق من بعيد واللي جنبنا يشرح لولده يقول شوف هذا ماشاء الله عليه واخوي بدا يميل على جنب بحكم عدم وجود السرج ومافيه خبره اصلا ونشوفه من بعيد يشد رجوله اكرمكم الله على بطن الخيل لكن مازال يميل وشوي يتعلق بشعر الخيل واللي جنبنا يقول لولده شوف هذا اكيد عسكري بالحرس الوطني فنان ماشاء الله عليه وهو مايدري ان اخوي بيطيح اصلا هههههههههههه يحسبه يستعرض ..... الرجال انشغل مع ولده في البحث عن خيل .. وحنا اتجهنا للسياره .... واثناء التفاتتي الاخيره للاطمئنان على اخوي ... لقيت الخيل بدون خيّال هههههههههههههههههههه وصل الخيل لحاله ومالقينا اخوي وندور يمين ويسار .... انتظرنا وماجا رحنا نقرب السياره وحنا بطريقنا نسمع واحد يصفر وينادينا ونلتفت الا اخوي ههههههههه يأشر من بعيد يبينا نجيه بالسياره ورحناله الا وجهه كله تراب وملابسه ومخابيه مليانه تراب يقول طحت من الخيل وانحشت من ورا مابي احد يشوفني من الاحراج قلناله اجل لو سمعت الرجال اللي جنبنا وش كان يقول لولده ههههههههههههههههههههههههه وابوسالم لقيناه على مسافة كيلو تقريبا جاي يسحب الخيل هههههه اتمنى ماكون طولت عليكم اخوكم / فكتور |
|
|
08-06-2010, 01:47 PM
|
#2 |
|
هاوي فعال
|
رد: قصتي مع ركوب الخيل :)
والله مت ضحك حسيتكم مجموعة جحآ طيب تعلم ركوبه لينه يخلي آلجسم ماشاء الله هه كذبتو ع آلصعيدي آجل آلخيل تعبتِ كثر من موآضيعك المضحكهِ =) =$
__________________
 |
|
|
|
09-06-2010, 07:23 AM
|
#3 |
|
هاوي فعال
|
رد: قصتي مع ركوب الخيل :)
انا من بعد السالفه هذي خلاص ماعاد احب اركب خيل صرت اخاف |
|
|
|
09-06-2010, 10:35 AM
|
#4 |
|
هاوي نشيط
|
رد: قصتي مع ركوب الخيل :)
شكل الخيول متفقه عليكم
__________________
ذكريات ارنوبتي لولو 
|
|
|
|
09-06-2010, 03:58 PM
|
#5 | ||
|
المنســــق العــــــــام
|
رد: قصتي مع ركوب الخيل :)
اقتباس:
قـصـه حـمـاسـيـه بـصـراحـه  وبالأخـص ابـو بـدر  لـكـن الـي عـجـبـنـي فـيـكـم جرئـتـكـم وهـذا الـي يـعـجـبـنـي بـعـزيـمـة الـشـبـاب يـوم يـجـتـمـعـون  اقتباس:
لاتـعـلـيـق بـصـراحـه عـلـى ابـو ســـالـــــم ..  تـحـيـاتـي لـك يـافـكـتـور ويـاهـلا وغـلا فـيـك واللـه بـمـنـتـداك وقـسـمـك طـال عـمـرك وأسـعـدت بـتـواجـدك واللـه
__________________
 اَعَمَلَ عَلَىَّ أنَ يَحَبَكَ اَلَنَاَسَ عَنَدَمَاَ تَغَاَدَرَ مَنَصَبَكَ، كَمَاَ يَحَبَوًّنَكَ عَنَدَمَاَ تَتَسَلَمَهَ. وًّاَلَفَشَلَ فَيَ اَلَتَخَطَيَطَ يَقَوًّدَك إلَىَّ اَلَتَخَطَيَطَ لَلَفَشَلَ <.. وًّاَلَأحَتَرَاَمَ لَاَيَهَدَىَّ اَوًّ يَسَظَنَعَ وًّأنَمَاَ اَنَتَ مَنَ تَصَنَعَهَ بَفَعَلَكَ..> |
||
|
|
|
09-06-2010, 07:27 PM
|
#6 |
|
عضوية شرفية
|
رد: قصتي مع ركوب الخيل :)
ههههههههههههههااي
قويـة القصه بصراحـه امتعتنا يالغـالي . و الي ضحكني اكثر سـالفة الرجال مع ولده اجل الحرس الوطني .. والله من جمبهـا . يالله يمكن تكـون بداية هـواية لديكـم . ومنـور القسـم اخي فكتور وسلم على اخـليس معك بالمره . تحياتي لك . اخـ ابومحمد ـوك
__________________
 |
|
|
|
10-06-2010, 12:54 AM
|
#7 |
|
هاوي فعال
|
رد: قصتي مع ركوب الخيل :)
المشرف والمراقب مره وحده شرفتوني شباب |
|
|
|
10-06-2010, 02:44 PM
|
#8 | |
|
هاوي نشيط
|
رد: قصتي مع ركوب الخيل :)
اقتباس:
اكيد من شدة الضحك ولا ... الله يعطيك العافية امتعتنا بالقصة الطريفه تحياتي لك |
|
|
|
|
10-06-2010, 04:11 PM
|
#9 |
|
موقوف
|
رد: قصتي مع ركوب الخيل :)
|
|
|
|
13-06-2010, 07:20 PM
|
#10 |
|
موقوف
|
رد: قصتي مع ركوب الخيل :)
شكل الخيول متفقه عليكم ........ |
|
|
|
| Bookmarks |
| Tags |
| الخيل, ركوب, قصتي |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
جميع الأوقات بتوقيت GMT +3. الساعة الآن 09:16 PM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |