|| صححولي جم معلومه ولله دخت ×_×"

[|| PyTHoN ||]

السلام عليكم

< ابتلشتو فيني

عالعموم باركولي شريت Ball Python و علطول حذفت الهمستر و عرمشته

و باركولي قريب الهمستر تولد < عشان أوكل الـ Sand Boa

المهم

اشتريت هاذي حيه ثانيه و ماني متأكد من نوعها
البياع يقولي هاذي مالت جبل و مادري شنو @@"
و انا أطالع من شكل الحراشف مادري أحس انها برمائيه
أقوله متأكد يقولي اي المهم مو مقتنع بكلامه

هاذي برمائيه صح ؟؟





<< شرايكم بتصويري بس < اذلف

و اذا صح عيل بتأكد هم من جم شغله

قالي إنها تاكل بيض ؟! صح هالكلام ؟

عموماً إذا برمائيه
أبي أسمها بالإنجليزي ؟
أعتقد أوكلها جولد فيش و سمج صغار ؟
و تاكل همسترات صغار ؟ توهم منولدين ؟
و عادتها كباقي الحيايه تقعد مده طويله بدون ما تاكل عدل ؟

و سويت شي عبيط انا

حطيتها مع الـ Sand boa بنفس الحوض

عشان البرمائيه توصف الماي و الطبيعه للرمليه و الرمليه توصف لها جمال الصحراء
< بره

المهم الحوض خليت فيه نشارة خشب و دفايه و في ماعون داخله ماي < حمام مشترك

فممكن يتعايشون صح ؟ لأن الرمليه ماشالله مخفيه ما تدري انها موجوده !

و قبل يوم سألت عن الرمليه قالولي مو ضروري الرمل فخليتها بخشب من جذي

و بس

< أدري قرقه عالفاضي

[Octopus]

بيسعدوك خبراء الثعابين

[الآسطورهـ]

وعليكم السلام ورحمة الله وبركاته

فعلا اخي هذا ثعبان برمائي

ولا يمكن يعيش مع الـ sand boa

يبيلك توفر له حوض وتحط فيه مويه "ارتفاع 2 سـم تقريبا" + صخره عشان يريح عليها

وبالنسبة للأكل ..

مثل ماتفضلت ياكل قولد فيش بس احجام صغيره أو اي سمك صغير

حبه او حبتين بالاسبوع تكفيه

[|| PyTHoN ||]

^

يعني ما تاكل همسترات أو فيران صغار ؟!


و على فكره تراها صارت صاحبة الرمليه @@"
أشوفها قامت تدفن نفسها بعد :q اختربت !

ولله مشكله وين أحطها الحين @@" ، يعني نهائياً ما تعيش مع الرمليه ؟ يعني عشان مثلاً لا يتهاشون ؟ إذا جذي لا أشوفهم هادين و مثل ما ذكرت في ماعون ماي قدها تقدر تدشه و تسبح فيه بعد !

..

[TNT]

افصلهم بس لا ياكلون بعض وحط للبوا رمل ناعم وحط للبرمائيه حوض ماء زي ما قال الاسطورة

[|| PyTHoN ||]

عموماً مفكر أفصل الحوض نصين
يعني الحوض كله عرضه 60 سانتي

راح أخليه نص بالنص يعني 30 للرمليه و 30 للمائيه

و العمق هم 30 و الإرتفاع تقريباً 37 ^^"

أعتقد بناسبهم راح أخليه زجاج بالنص و أضبط كل شي

طبعاً بيئة الرمليه عرفتها و بحطلها دفايه بس المائيه @@"

شلون أخلي الماي دافي ولا الإضاءه كافيه ؟!

[وزة]

لا حراااااااااااااااااااام بليز لاتأكلها هامسترات >>حتبكي اهئ اهئئئئئ والله حرام اكيد قلبهم يدقدق في الدقيقة الف مرة من الخوف اعطيهم بيض احسن

والله يباركلك فيهم ^^

[|| PyTHoN ||]

^

لو بإيدي جان ما وكلتهم أصلن أحب الهمسترات

السبب إني اخاف أمسك فار :q ، حتى لو بكرتون ما أحب يععع ما أتخيل الحيه تاكله بعدين أمسكها @@"

عالعموم جم سؤال ما جاوبتو عليهم

مثلاً الحوض لو قسمته بكون 30 × 30 لكل حيه [ Sand Boa + البرمائيه ]

هل بكون كافي لهم ؟

و البرمائيه تاكل همسترات صغار توهم منولدين & بيض فري أو اي شي حمام عصافير ؟

و التدفئه بتكون كافيه مجرد الليت المحطوط للعلم اهو الطويل مو لمبه يعني ^^" ؟
لأن أخاف لو الماي صار بارد تموت الحيه ×_×"

و شسم الحيه بالإنجليزي ؟


..

[الآسطورهـ]

ممتازه الفكره اذا كنت بتفصلهم عن بعض بعازل زجاجي

لكن انتبه من تسرب الماي

عالعموم فيه احواض بلاستيكيه سعرها عندنا 40 ريال تقريبا ,, 3 دنانير تقريبا

هذي ممتازه تناسـب الثعبان البرمائي ..

بهالموسم مابتحتاج دفايه لأن الماي غالبا بيكون معتدل الحراره

لكن اذا جا الشتا تقدر تحط لها لمبة صفرا لأنها تصدر حرارة

من ناحية الاكل .. ممكن تاكل مواليد فيران "بينكي"

وإن شاء الله احد يفيدنا بالإســم : )

[|| PyTHoN ||]

لا أنا الحيايه كلهم بغرفتي = مكيف @@"

من جذي مابي حوض ثاني مافي مكان + التدفيه مو معقوله بحط أجهزه ثانيه بعد
زين عالأقل جم درجة الحراره ؟!

شالحل ؟

..