ترويض الفروخ الافريقيه في اقل من 3 ساعات { ورشه عمل }

[د. إحتـراف]

بسم الله الرحمن الرحيم

قبل 3 اسابيع اتصل على احد الاصدقاء يبي يشتري له ببغاء ورحت انا وهو سوق الحمام وشريت له فرخ افريقي في عمر 5 اشهر

الفرخ مصيود متوحش يعض ويجعر , واعطيت صديقي التعليمات المهمه للفرخ للحفاظ عليه

اليوم اتصل علي صديقي يقول الطير للحين يعض ويجعر وجيت عنده اليوم واول شي طلعت الطير من القفص وحاولت اني اقرب منه كان راافض بشده يهجم ويجعر , وقلت اجرب طريقه اخوي ابو فيصل في توليفه .

وهذا رابط موضوع اخوي غسان الاشقر

http://www.2zoo.com/vb/showthread.php?t=151466

وهذي اول محاولات للقتراب منه







وبعدها خليته مده نص ساعه بدون ما اكلمه فق يراقبني وانا ما التفت عليه , جاب خويي القهوه والشاهي وبعدها قلت لطير اذا انت خايف ماراح المسك , قربت يدي وحاول يهجم وخليته مده 10 دقايق وقلت له نفس الكلام وبعدها مسحت على راسه بكل هدوء وهو متقبل الوضع ولا يسوي اي شي فقط كل ماسويت حركه مفاجئه يحاول يدافع عن نفسه , وانا المس راسه اقوله { لا تخاف } { ليش خايف } وصديقي ضحك علي يقول كأنك تكلم بزر .

وهذي البدايه بعد المسح على الراس










وجلست امسح على الطير مده طويله كبدأ يتجاوب معي وانا اتكلم معاه لا تخاف وش فيك خايف

واقوله تعال عندي وهذه النتائج بعد مرور ربع ساعه من الصور الاولى









خويي انقهر مني لانه تولف وصار شبه حمامه معي ويقرب مني وانا احركه يمين يسار ولا فيه اي مشكله لا جعير ولا عض

وهذه الخطوات لتوليف الطير الفرخ ولا يحتاج أي تعب او جهد يبغاله كل يوم فقط 3 ساعات او اقل وعن ماقريب راح تشوفون صور لطير وهو مثل الحمامه

أشكر اخوي غسان الاشقر على موافقته اني اطبق الطريقه وانزلها لكم

اتمنى ان تكونو استفتدتم من هذه الطريقه

تقبلو حبي لكم

[mr.me]

متميز ماشااء الله عليك

اخوي اذا ممكن ترسلي السعر الي شريتو فيه الطير

ومشكووووووووور

[الكوس]

دووووووم متمييييز يا دكتور احتراف

عقبال ما بنطقون

[ميدو 5]

ماشاءالله تبارك الله عيني عليك باردةيا محترف الترويض يااستاذنا العبقري ترويض ولااروع في وقت قياسي ماشاءالله الخبرة تلعب الدور الكبير في عملية الترويض وصديقك لازم ينقهر المسكين له 3اسابيع وماقدر يلمسه وانت ماشاءالله بجلسة خليته طوعك ولكن يجب ان يتشجع ويكرر مافعلته حتى يروض الطير ويمارس بنفسه حتى يكتسب الخبرة
لك الشكر الجزيل على الموضوع المفيدو الاكثر من رائع وجزيت خيرا على ماتبذله من مجهود لاعضاء هذا المنتدى.

[Čłάŝŝίç]

ماشاء الله تبارك الله

أخوي أهنيك على إبداعك

والفروخ معروفه بأنها سريعة الترويض

ولا تحرمنا من إبداعاتك

تَـَ‘حياتيًْ

[no0La]

اي تدريب او ترويض يحتاج طولة بال وصبر
والاهم ماتبين للطير خوفك
ولا تحاول تقرب يدك وتبعدها كذا مره
لانه راح يفهم انك خايف وتحاول تأذيه

هـ الطيور ماشاء الله عليها حذره وذكيه

اخوي د. احتراف طريقه ولا احلا
ابداع لا محدود كـ عادتك مبدع

موفق يارب وعساك ع القوه

تقبل كل الود والاحترام

[ashlee]

ماشاءالله عليك مروض خطير وباين صديقك ماعندو طولت بال هههه
طبعاً كل ماكان الببغاء صغير كل ماكان ترويضو اسهل
اللي عندي عنيدهـ وخوافه روضتها تقريباً 90% ماتخاف مني
بس تخاف من الالعاب والاكل الجديد واللون الاحمر
الله يعطيك الف عافيه د احتراف اسم على مسمى

[محب كاسكو]

مشاء الله اسم على مسماء دكتور احتراف

وطبعن الفروخ سهل تدريبها وخاصتن اذا كان تدريبها على يد مدرب بارع زيك

قل لخويك ما لها داعي تنقهر توك ما شفـت شي << ههههههههههههههههاي

{ارجو من اي عظو او زاير يرا هذا الموضوع يقول مـشـاء الله على الطير ترا العين حق}

تقبل مروري

اخوك محب كاسكو {ابوحواس}

[حسين سلام]

ماشاء الله


اسم على مسماء


الفروخ ترويضها سهل

[fiasl]

ما شاء الله عليك