الحقوني عقدني الببغاء

[هاوي حيوانات]

الببغاء الرمادي حقي الحمد للاه بدا يصفر بعد يمكن شهر منما شريته
وعمره الان يمكن 10 شهور

والمسه عادي والمس منقاره ما يعض والمس رجوله


لاكن ما يطلع علي وصرت اول ما احط يدي

قدام رجله بالوضعيه الي

صار هو يفهم اني ابغاه يطلع على يدي يتسل

ق القفص وللا يغير مكانه وانا ابغاه يطلع على يدي كيف

[معاد تفرق]

ببغائك محتاج تدريب

واحسن طريقه لتدريبه على طلوع اليد يكون فوق ستاند افضل من القفص

[هاوي حيوانات]

عني اخليه طول الوقت على ستاند

[عاشق المكاو]

السلام وعليكم اخوي
انا برأي الطائر إذا انت تريد ان تتدربه على تقليد الأصوات الأفضل ان لا تدربه على طلوع اليد وشي ممتاز انه لايعض لأنه إذا تعود على طلوع اليد سوف يبدأ بعدم الكلام ويحاول التودد لك عن طريق طلوع اليد وينسى التحدث إلا إذا لست تريده ان يتحدث فالطيور التي يعشق اصحابها موالفته جداً كطلوع اليد والكتف غالباً ماتكون للزينه ونادرة التحدث كالمكاو لجمال ألوانه وعن تجربه شخصيه لدي ببغاء أمزون لم اوالفه على طلوع اليد ولكن على عدم العض بوضعه على الإستاند وإعطائه مايحب من الطعام المفضل لديه ...
هذا رأي الشخصي وبالتوفيق ان شاء الله

[توتي]

انا طيري الرمادي كان يطلع على اليد وكان يتكلم ما شاء الله عليه.. كل شي يجي بالتدريب المستمر..


انا كنت اخلي الطير ينزل على الأرض عادي وهو مرتاح ومطمأن وبعدين اشيل عنه القفص او الستاند عشان ينساه.. وكنت اجيب له مثل العصا واحطها تحت بطنه واقول له اطلع.. ومرات كان يطنشني ومرات كان يسمع الكلام ولكن بالتكرار تعلم بمجرد اني اقوله اطلع يطلع على يدي وبعدين على كتفي وبعدين على راسي.. طبعا انا اتقطع من اظافره..

وحتى انه تعلم عندي اشياء كثيره.. في البدايه كان على ستاند ولكنه كان يوسخ البيت وكان ياخذ راحته وااايد في البيت فمرات اشوفه على الثريا ومرات اشوفه على السقف ومرات اشوفه على الستاره.. وقلت ما شي غير القفص.. ويبت له القفص.. وتعلم عندي على نظام واحد سبحان الله
لدرجه اني يوم ايي ادخله باليل اقوله ادخل ويدخل على طول صار يعرف انه وقت نومه.. تراه الرمادي طائر ذكي لا تستهينون فيه.. والله اني افقتده واااااااايد

[هاوي حيوانات]

جزاكم الله خير وشكرا على الافاده

[naw6ras]

السلام عليكم ورحمة الله وبركاته
سوف احكي لكم طريقة تعليمي للببغاء الطلوع على اليد كان اخليه فوق القفص واجي واحط على يدي قفازات وهو اول ما شوف القفاز يخاف يحاول يهرب فكان يرجع الى نهاية القفص كان احطله يدي واخوفه بالقفاز اللي في اليد الثانيه حتى يضع رجليه على يدي وابعده عن القفص مرتين او ثلاث مرات في اليوم حتى تعود الحين احطه في الارض واحطله يدي يجي على طول يطلع

ارجو اني وضحت الطريقه