خمول عجيب بكاسكوي هلا

[7baieb]

السلام عليكم ورحمة الله وبركاته

اخواني الدكاترة والخبراء والاعضاء المحترمين

عساكم في اتم الصحة والعافية

سؤالي / بغبغائي الكاسكو اسمه هلا له يوم ونص خامل جدا ونافش ريشة وبرازه وانتم بكرامه طبيعي جدا لكن اكله قليل وحركته ضعيفه وهزيله

وديته للبيطري وعندما دخلت عليه الا وهلا يتحرك ومبسوط وما كأن فيه شي مع نفشة ريش بسيطه قال الدكتور ياخي ببغائك سليم ومافيه شي لكن بعطيك فتمين تحطه له في المويه وعندما رجعت للبيت الا وهلا رجع نفس ماكان لا حركه ولا شي خمول عجيب ونفشة ريش غريبه عليه ما تعودتها منه

وبصراحه انا خايف عليه جدا جدا

ارجو منكم اذا فيه شي تقدرون تفيدوني فيه فلا تبخلون علي

مع ملاحظة ان الببغاء هولندي محجل- عمره 7 شهور تقريبا الى 9 شهور- فطمته قبل اسبوعين

وعلى فكره قشرت له فص ثوم وخليته يقرط فيها من يدي عندما كان خامل وبعد ساعة استنشط شوي لمده ساعتين تقريبا

شكرا مقدما لكم

[غسان الاشقر]

هلا وغلا اخوى

تاكد لا يكون بردان وانه يشبع نوم

وحاول تفتح له وخله يطلع من نفسه ولعبه وحط عنده العاب كثيره


تقبل مروري

[7baieb]

الله يسعدك اخوي غسان

حارم نفسي من التكييف عشانة

ومن الساعة 9 مساءا الى الفجر في غرفة نومه ومظلمة بعد يعني حوالي 9 ساعات نوم

وكل يوم اول ما ارجع من دوامي الساعة 5 عصرا اطلعة من القفص والعب معاة وقبل المغرب بنص ساعة اطلة للحوش وارجعة للأستاند حتى الساعة 8 في القفص وتسعة مساءا نوم

لكن في شي غريب ان الببغاء متعلق فيني بالمره يعني اولادي اذا جوه يعضهم انا لو احط اصبعي باخر حلقة مايقول شي ومن الصبح الى بعد العصر والقفص معلق فوق على بعد مترين يعني اولادي مايؤذه

[غسان الاشقر]

المشاركة الأصلية كتبت بواسطة 7baieb

الله يسعدك اخوي غسان

حارم نفسي من التكييف عشانة

ومن الساعة 9 مساءا الى الفجر في غرفة نومه ومظلمة بعد يعني حوالي 9 ساعات نوم

وكل يوم اول ما ارجع من دوامي الساعة 5 عصرا اطلعة من القفص والعب معاة وقبل المغرب بنص ساعة اطلة للحوش وارجعة للأستاند حتى الساعة 8 في القفص وتسعة مساءا نوم

لكن في شي غريب ان الببغاء متعلق فيني بالمره يعني اولادي اذا جوه يعضهم انا لو احط اصبعي باخر حلقة مايقول شي ومن الصبح الى بعد العصر والقفص معلق فوق على بعد مترين يعني اولادي مايؤذه

انصح توديه لطبيب بيطرى اخر لان على كلامك ممكن الطير حالته النفسيه مش ولا بد.
بعدين يمكن يحس بالوحده لما تخليه من بعد الفجر الى 5 العصر.

انصح انك تكثف له تواجدك معه واعطيه العاب وخشب يكسره وسولف عليه وعلمه ليه انت تتركه كل هالوقت بحاله.تراه يفهم والله العظيم انه يفهم.

ما يشوف شر واى شى تبيه ترانا كلنا تحت امرك.

تقبل مرورى

[7baieb]

اشكر لك مشاعرك اخوي غسان

ولا خلا ولاعدم يارب

مافيه وحده ولا شي لأن عندي عدد 2 ببغاء اخرين افريقي وماشاء صحتهم جيده ومطنشهم نوعا ما عشانه وفي نفس عمره وكل واحد بقفصه

لكن ببحث اليوم ان شاء الله عن دكتور ثاني وبرحله

[7baieb]

هل الببغاوات تسخن

لأن عندما اقرب من انفه احس ان الهواء فيه حراره خفيفه

واذا مسخن وش الحل و كيف اكشف عليه

[د. إحتـراف]

طلع الطير في الشمس

يمكن يحتاج تشميس لمدة نص ساعه

[المسافر777]

اخوي اعزل الطير

خله بالحاله في الغرفة بدون اخوانه لمدة يوم او يومين اعتقد انك راح تشوف فرق

هذا اعتقاد لان بعض البغبغنات تغار من بعضها ...