اغبى كاسيكو في العالم

[هتـان]

قبل كل شي الطير اسمه كاسكو ولا كسيكو؟

شريت ببغاء لاول مره في عمري من شهر ونص وعمره تقريبا سنه ونص او سنتين غير مدرب ولكن ما يجعرررررررر كثير وبدا ياكل من يدي ومن كم يوم بديت بالتجويع عشان بس يوقف على يدي بدت تنجح الخطه لكنه ما نطق بس صفر شويه مره او مرتين

الغريب في الموضوع يا اخوان ان هذا الببغاء اي شي لونه اخضر ما ياكله يعني احط له خيار او جرجير او خس ماياكله ولا يقرب منه حتى الفلفل ما اكله غير مره وحده وبطل حتى الذره ماياكلها والرز المطبوخ مع اني عطيته رز ني وذره نيه واكل منهم واكل تفاح بعد جهد جهيد

ايه تذكر شي كل ما اقرب منه او احيانا بس يشوفني من بعيد يتنافض من الخوف كانه بردان


ايش الحل مع هالغبي تكفون

[جيري]

هههههههههههههههههههههه

اله يعينك

جرب معاه خضار اسمه ( الزهره ) الكاسكو اللي عندي مره يحببببببببببها

وجرب ( العنب )

وترا عادي اللي عندي له سنه وزي كذا

وأعطه (اللوز) اللي هو يفكه

وأعطه كمان ( تفاح ) ( بيض مسلوق )

والله يعينك خخخخخخخخخخخخخخ

[كاسكوه]

الله يعينكم على بعض

اللي اعرفه ان الببغاء الافريقي مايصلح له الفلفل الحار لان معدته ماتتحمله والله اعلم

ملاحظه : حاولي ماتجوعييييييينه

[theslick]

الغبي والله عندي الي له شهرين ومكانك سر .. لا جعير تركه ولا اكل ياكل من يدي ولا تكلم ولا تربى ماغير هالصبحيه بعض الاحيان يطقطق مثل الاصبع لاسمعته ودي اطقه بالجدار والمشكله جناحه ماطلع علشان امسكه الباب الله لايرده ذا الابله

[houston]

لاحول ولاقوه الا بالله
يا اختى حاولى تمسحين على راسه وتمسكينه .. فيه طريقه للاخ سكر بطريقه امساك الكاسكو والمسح على راسه
وهو اكيد يخاف منك .. لان جو البيت جديد عليه
اصبرى وبكره يلج البيت بصوته

[amazon777]

السلام عليكم
من تجربتي البسيطه .الببغاء يحتاج يكون قريب منك بحيث يشوفك أغلب الوقت أو أحد حوله, كذى يعرف إنك ماراح تأذيه وأنك انت ألي تهتم فيه.
الشي الثاني الببغاء ما يحب المفاجئه.
والطير يحتاج وقت حتى ياخذ على البيت. و الواحد ما يعرف كيف الطير كان يوعامل

و تقبلو مروري
أستغر الله

[هتـان]

شكرا يا اخوان على سرعة الرد لكن الى الآن مالقيت الرد الشافي

[كاسكوه]

من رايي تبيعينه وتشترين غيره شكلك كارهته بقوه

اشتري لك واحد مدرب وكيفي عليه

[هتـان]

يا اخوان انا ابي رد على الموضوع مش سوالف

اللي يقولي بيعه واللي يقولي الله يعينك واللي يقول الغبي اللي عندي

ابي رد وحل لموضوعي ما سجبت في هالمنتدى الا لاني ابي حل وابي مشاركات قيمه مش سوالف

انا اسف على الكلام الجاف ولكن هذا هو المطلوب مننا في المنتدى مشاركات ذات قيمه ومعنى وتجارب الاخوه عباره عن قوة دافعة للمنتدى ليستفيد منها الجميع

[كاسكوه]

المشاركة الأصلية كتبت بواسطة هتـان

يا اخوان انا ابي رد على الموضوع مش سوالف

اللي يقولي بيعه واللي يقولي الله يعينك واللي يقول الغبي اللي عندي

ابي رد وحل لموضوعي ما سجبت في هالمنتدى الا لاني ابي حل وابي مشاركات قيمه مش سوالف

انا اسف على الكلام الجاف ولكن هذا هو المطلوب مننا في المنتدى مشاركات ذات قيمه ومعنى وتجارب الاخوه عباره عن قوة دافعة للمنتدى ليستفيد منها الجميع

طيب اسفين على سوالفنا الغبيه اللي مالها داعي

كل واحد حاول يفيدك باللي يقدر عليه هذي كل السالفه