كم سؤال عن الـ Ball Python

[|| PyTHoN ||]

السلام عليكم ,,

حبيت أسألكم كم سؤال بس

اشتريت الحيه قبل أسبوع و الريال قالي موكلها قبل أسبوعين
أمس شريت لها كتكوت " يعني 3 أسابيع ما كلت "
حطيته ولا سوت شي خليته تقريباً نص ساعه

العصر رحت اشتريت فار و خليته هم تقريباً نص ساعه ولا سوت شي
و اليوم حطيت الفار مره ثانيه من 11 الصبح الى 5 و نص !

ولا كلته ؟!
شسوي الحين ؟



و سؤال ثاني
لاحظت على راس الحيه هالشي





< هاذا تبديل جلد ولا شنو
لأني سمعت ان لما تبدل الجلد ما تاكل ؟
و اذا مو تبديل الجلد هل يروح هالشي لما تبدل ؟

و سؤال ثالث
الحين بقفصها < طبعاً حوض زجاج
أساساً هو للسمك المهم خذيته و ضبطت كل شي
و خذيت دفايه بعد المهم الليت الأبيض يضرها ؟
أحس انه قوي شوي ؟
و مرات أفتح الحوض من فوق أحس ان داخل في رطوبه شوي ؟
تضرها لا لا ؟

و بس

[Corvette Man]

سلام اخوي
هذا النوع من الاصلات يسمى الخجول ومتعب في الاكل
حاول انك ما تقرب منها يومين وغطي القفص بمنشفه او قماش لا تخليها تشوف احد
وبعدين حطله الفار بس حاول انه يكون بالليل يعني خلي اللمبات شغاله 12 ساعه وتطفيها 12 ساعه
وبالنسبه للرطوبه ما تضرها اما الشي اللي فوق راسها انا ماني شايفه ويمكن يكون قشور
جرب هاذي الطريقه وان شاء الله تاكل

[|| PyTHoN ||]

^

بس ما أقدر أخلي الفار معاها بعد :/
قريت قبل ان المفروض نخليه 10 دقايق ان ما كلت خلاص
و اذا خليته ممكن الفار يمرض الحيه !

انزين شكثر تقدر تقعد بدون أكل ؟ يعني أبي مده تبقى فيها يوعانه
بعدها اهي من نفسها تاكل و تونسنا معاه ؟!

و اذا تقول ان قشور يعني تروح ولا علطول تبقى ؟

[TNT]

الي في راسها هذا حرق من اللمبه يمكن اللمبه عندك جوا القفص مو مغطيه

أو يكون الحرق من المحل الي شريته منه بس عادي يروح بعد فتره

أنا كنت حاط اللمبه جوا الحوض بدون غطاء والاصلات تحاول تطلع وتلمس اللمبه براسها و جسمها

بعدين اكتشفت ان اللمبه لازم توضع بحامل خاص وخارج الحوض بعد يكون أحسن

الاضاءه لو تكون لمبه uv أحسن تعويض عن أشعه الشمس وتشغلها في الصيف 6 ساعات

والشتا 12 ساعه وزي ما قلت لك اشتري حامل مخصص لإضاءة الزواحف

وآسف على الاطالة

[|| PyTHoN ||]

^

أهااا ~

بس الحين المشكله ويا الأكل شلون ؟
و الرطوبه ؟

[TNT]

تغيير الجلد اذا بدا تغيير الجلد تكون عيون الثعبان بيضاء وينصح بعدم اطعامها في تلك الفتره

بس اذا عيونها عاديه

معناته انها ما بعد تأقلمت على المكان وفيه عندها توتر

[TNT]

ملاحظة :


لازم تكون درجه حراره الحوض من تتراوح من 23 الى 29

لازم يكون عندها حوض مياه يكفي للاستحمام والشرب

تنظيف الحوض باستمرار وضع ارضيه مناسبه او مخصصه

ديكورات تتناسب مع بيئته الافتراضية

الاضائه تكون في النهار وفي الليل تطفئ الاضاءه

مع العلم أن البول بايثون تحب الاماكن المعتمه والهادئه

[|| PyTHoN ||]

هاذا حوضها ^^"



< فيه شي غلط للعلم الدفايه موجوده
حاطها تحت البيت " السله "
و الأرضيه خشب مثل مال الهمسترات

و هاذي الحيه بس بصور واضحه و قريبه
< ترى هاذي أول تجربه لي فما أعرف





انزين ممكن أوكلها بمكان غير مكانها ؟
يعني مثلاً أخليها بكرتون و بالحوش ؟
ولا لازم بحوضها أشوف بيوتيوب كأنه عادي
كل مكان يوكلونها ؟

و آسف عالإزعاج تعبتكم معاي

[TNT]

الخبراء ينصحون بإطعام الاصله خارج الحوض

انا ابيك تجرب شي

حطها برا الحوض في كرتون أو اي شي ثاني وحطها في الظلام

بعد شوي دخل عليها الفار و بعد عنها وخلهم شوي وشوف اذا كلته ولا لا

[|| PyTHoN ||]

ما كلت
أوكي يصير أحط هامستر داخل حوضها و احط للهمستر أكله
و يعيش لين يجيه اليوم ؟