مربي كاسكو ولا تمساح ؟؟ :(

[طلال الشرقية]

السلام عليكم

مساكم الله بالخير

انا ياجماعة الخير عضو جديد واعجبني منتداكم الرائع بكل امانة اقولها وبكل صراحة يعني مافيه عضو ينزل موضوع الا عشرين رد عليه وكلهم اصحاب خبرات وهالشي حمسني والله اني اسجل واستفيد منكم وياليت ماتقصرون معي يالغالين

انا عندي كاسكو عمره ثمانية شهور اشتريته قبل اسبوع او عشرة ايام اول ماجبته افتح له القفص من فوق يطلع ويصفر وامد له يدي ويركب على يدي لين يوصل كتفي

ولكن يموت اذا بغيت امسك راسه او اقرب له وفيه حركة يسويها بعد يقوم ينتف ريشه ويقطع باظافره ويقوم يضرب القفص بمنقاره ولايعرف غير التصفير ومايصفر الا اذا مديت يدي عليه قام يصفر ويهاوش ويموت بشي اسمه عض وماياكل من يدي اذا اعطيه حب شمسي يرميه على الارض والله جنني يااخوان وش الحل معاه فيه امل اني اروضه انا عارف تبغون تقولون هذا عشرة ايام ويبي يسوي كل شي لا ياخوان بس ابي كيف اني اوكله وانه مايعض واني امسكه مع راسه ومع جسمه

واذا قربت يمه الحين يقوم يرجف مدري خايف شكله بس مدري ليش
بليز انتظرك ردودكم يالغاليين الله لايحرمنا منكم

[د. إحتـراف]

ياهلا وغلا فيك بين اخوانك يالغالي وتنورنا


اول شي الف مبروك عليك الكاسكو ويتربى بعزك والله يبارك لك فيه


ثاني شي انت استعجلت على الطير كثير لازم يجلس اقل شي اسبوعين بدون ماحد يضايقه الحين الطير ماخذ موقف منك وعشان كذا يعض ومايصفر كثير


اول شي ارفع الطير فوق كرسي او طاوله واتركه كم يوم وقدم له بنفسك الماء والاكل وانت تقدمهم له ناده بأسمه

لا تكثر له الاكل يعني في اليوم تعطيه ربع وجبته عشان يبدأ يتكلم ويصفر

ثالث شي لا يطلع من القفص نهائيا . وتبدأ من بكره تجلس معاه بدون ماتكلمه يعني كأنه موجود فقط اجلس وخله يراقبك هو .

اذا كنت تبي تمسح على راسه يكون الطير جوعان ومعك لاكل تقرب يدك من راسه وانت تقوله راسك راسك عشان يفهم عليك .

حاول اقل شي تقرب من الرأس او تلمسه اذا لمسته شل يدك بهدوء وان حاول يعضك لا تسحب يدك بسرعه لا , وهو يحاول يعضك بكل هدوء وصوت هادي تقوله عيب عيب او لا لا لا لا اذا عضك دخله القفص وحط عنده شوي اكل واتركه اليوم كله لا تكلمه ولا عطيه وجه .

اي سؤل انا في خدمتك

تقبل مروري

[طلال الشرقية]

يالبى قلبك والله فديت راسك ماقصرت اخوي

انا بطبق الي قلت لي عليه بالحرف الواحد بس اخوي هو يتنف ريشه وياكل اظافره اكل يعني مو لعب عادي هذا ولا كيف

واشكرك مرة ثانية من كل قلبي اخوي

[اللؤلؤ المكنون]

مبرووووك الكاسكو...

والله شهيتوني يكون عندي واحد....

ويتربى بعزك ان شاالله...

سلام

[سماوي الجبه]

سالفتك سالفه ودخلني العنوان هههههه كاسكو ولا تمساح ههههههه،،الاعضاء ماقصروا في الرد ،،

[طلال الشرقية]

يعطيكم العافية على المرور الطيب