شوفوا ببغاوات السنغالي الجديده وعندي اسئلة كثيررره

[فلونه]

اول شي باركولي

اشتريت اثنين من ببغاوات السنغالي

وعلى كلام صاحب الطيور انهم زوج

لاكني ماعرف افرق بينهم

وكمان في القفص فيه عش وفيه واحد منهم

دايم خواااف وماشوفه ابدا طول الوقت داخل جوا العش

والثاني اذا قربت منه كمان يدخل مع الثاني للعش

يعني شكل القفص دايم فاضي كلهم داخل العش

وانا عندي اسئله كثيررره

اتمنى اللي يعرف شي لا يبخل علي الله يرضى عليكم


اول شي كيف اعرف الذكر من الانثى؟؟

ثانيا كم اعمارهم؟؟ وهل هم صحيح في سن التفريخ او لسه صغار؟؟

عشان اذا لسه صغار راح اشيل العش من عندهم عشان مايدخلو فيه

وثالثا هل ممكن تأليفهم ؟؟

ورابعا والاخير ...ايش الاكل الي يناسبهم ويغذيهم كويس لانهم شوي ضعاف


اتمنى الاقي جواب عندكم لاني ابغى اهتم فيهم ومابغى اقصر معاهم في شي


وهذي بعض صور لهم من صاحب الطيور لاني ماعندي الة تصوير









وفيه واحد منهم المستخبي جوا العش الصراحه الى اليوم ماشفت شكله

لانه ماطلع من العش ومايطلع الا لما مايكون احد عند القفص

وهذي صورتهم مع بعض




وهنا صورة القفص حقهم

ولاحظوا الثاني يدخل على طول في العش ولا يطلع



اتمنى اللي عنده خبره او معلومه يقلي

وهل اشيل عنهم العش؟؟ لاني اخاف اللي جوا العش يموت من الجوع

لاني حاطتهم في الصاله معانا بس محد يقربهم

واللي جوا العش مايطلع ياكل او يشرب طول مااحنا موجودين

في انتظاركم