إسأل مجرب ولا تسأل خبير ،، قصتي مع الببغاوات ،، وش تنصحوني بأي نوع .؟؟

[ولد الحمائل]

السلام عليكم ..

مساء الخير ..

في الحقيقة ،، هذا أول موقع أدخله مهتم بالحيوانات ..

بصراحة عجبني تنظيمة وستايله ..

فحبيت أسجل وتفيدوني وتراني من جنبها ما أعرف شي في الحيوانات ..

أما قصتي مع الببغاوات فمن يومي صغير ،، كل ما شرى لي الوالد -الله يطول بعمره- ببغاء بعد يومين مختفي .!! الظاهر إني كنت مسيب الدعوى وفاتح البيبان ..
فقرر الوالد عدم المجازفة وشراء المزيد .. وتم إصدار قرار ينص على منع شراء الببغاوات ..
عاد كبرنا وحبينا نعود للهواية ونشتري .. لكن تحيرت .!!

البعض نصحني بالأفريقي و واحد نصحني بنوع (نسيت اسمه) بس يقول لونه أخضر وإنه أفضل أنواع الببغاوات وأذكاها وسعره ياصل إلى 15000ريال سعودية وإنه لقاه بسعر 2500ريال سعودي .!!

بصراحة ما أعرف هذا النوع ،، وما أعرف إلا الأفريقي وهو منتشر عند الناس ..

فيالربع ويالجماعة وش تنصحوني بأي نوع .!؟؟ وكم سعره ؟؟

يعني يكون ذكي ويتعلم بسرعة و وليف و يتكلم بأسرع وقت .!!

وبصراحة شفت مواضيع تتكلم عن أنواع الببغاوات وتذكر ميزات وعيوب ،، وكل الببغاوات فيها ميزات وعيوب .!! لكني بصراحة ما فهمت منها شيء .!! يعني ياليت تفيدوني باختصار ..

[عاشقsoso]

حياك الله بين اخوانك

هه الي لوونه اخضر اسمه (( امزوني))

وحلو مررره

بس برضه الافريقي ذكي ورخيص

تقبل مروووووووووري

[s-k-o]

الببغاء الاخضر اعتقد انه يقصد الامزوني صحيح ان الامزوني ذكي وصوته ابين من الافريقي ولكن الافريقي يعيش الى 70 سنه باذن الله اما الامزوني 30 والافريقي اكبر حجم وممتاز في الكلام ويتولف بسرعة ويتدرب بسرعه
اذا بتشتري افريقي اشتره فرخ يعني 4 شهور اما الامزوني يحتاج عناية اكبر فاشتره وعمره 6 -5 شهور

تقبل مروري

[s-k-o]

نسيت اقول لك ان الافريقي غير متكلم وغير اليف يمكن يكون 1400-2000
او اذا كان متكلم وغير اليف يمكن3000-3500
اذا اليف ومتكلم 4000-4500-3600
اما الامزوني غير متكلم وغير اليف 3000-2700
او اذا كان متكلم واليف 15000-20000-8000-7000-6000

[ولد الحمائل]

شباب الله يعطيكم العافية

سألت خويي يقول الأخضر إسمه (بلوفرنتد)

...

وياليت تنصحوني بلوفرنتد بـ2500ريال وإلا أفريقي .؟؟؟

[s-k-o]

افريقي ولا كلهم
والله حتى محتار وش اقول لك هههه

[كاسكوكيه]

فيه ناس جربت الافريقي.. و عشقته.. بس جربت بعده الامزوني و كرهت الافريقي

و انا عن نفسي بديت بالافريقي.. و الحين اخذت امزوني.. و الامزوني شخصيته تشبه شخصية ثاني ببغاء افريقي اقتنيته.. بالنسبه لي للحين ما في فرق

الافريقيات اخذتهم بـ 2500.. و الامزوني بـ3000

[بويوسف الميلاني]

اخوي انا قريب اخذ لي امزوني بلوفرنتد

لكن الحق يقال الكاسكو شيخ الطيور كلها خاصة في الكلام

حتى اليلوناب ما يوصل للكاسكو... حسب الاحصائيات ( مو مني)....

والله يوفق في الاختيار....

[ابو لمارة]

أخويا انت ايش لقبك زي كني أعرفك

[ولد الحمائل]

المشاركة الأصلية كتبت بواسطة بويوسف الميلاني

اخوي انا قريب اخذ لي امزوني بلوفرنتد

لكن الحق يقال الكاسكو شيخ الطيور كلها خاصة في الكلام

حتى اليلوناب ما يوصل للكاسكو... حسب الاحصائيات ( مو مني)....

والله يوفق في الاختيار....

أخوي تراني ما أفهم في الطيور ..
وش الكاسكو ؟؟ و وش اليلوناب .؟؟

تراني من جنبها