رد: بعض الإستفسارات حول قطي .. :)
صحيح كلام الاخ سنوب
احس انا كمان إنو الانثى متعبه اكتر بالاستحمام غير عن الذكر
انا قطي جدا مطيع وهادي ولا يتحرك كتير وقت الاستحمام ,,
وأما بخصوص الأكل يوجد ماركات كتير زي ماتفضل الاخ سنوب وعرض الصور فـ رويال كانن من أفضل الماركات الموجوده بالدراي فود وإنتا تختار على حسب عمر قطتك تلاقي ورا فوق مكتوب من سن الصغر إلى 12 شهر
وفي من سن السنه وفوق
وجدا جدا مهم تنظر للعمر لأنو الدراي فود يعتمد بشكل رئيسي على العمر بحيث : لو اعطيتها لقطتك دراي فود اكبر من عمرها ماراح تلاقي الفوائد المخصصه لها من بروتين وفيتامين ومعادن --- الخ
بغض النظر عن نوع الماركه أهم شي تنتبه للعمر ,,
وعلى موضوع ويسكاس ليش كتير ناس مايحبو ؟ لأنو يجو يشتكو من رائحة الفم الكريهه وخصوصا لما يكون تعتمد عليه اعتماد رئيسي يسبب اسهال واظطرابات معويه وممكن قيء بسبب كثرة المواد الحافظه فيه
انا ماعمري جربتو ولا حجربو وأشوفو موجود بكل مكان حتى بالبقالات *_* والسوبر ماركت *_* ومحد يشتريه ويجلس بالشهور وأحيانا بالسنين *_* غير الاطعمه والمعلبات التانيه وهادا دليل إنو سمعتو مو كويسه ..
وبخصوص الاستحمام موضوع حيكون صعب بالبدايه وحيكون أسهل مع الوقت إن شاء الله
أهم شي تنتبه ماتدخل المويه للإدن او تجي عالعيون يعني الرأس مايجيه مويه قد ماتقدر وتكتفي بعدين بمنشفه مبلله تمسح رأسها
ويفضل تشتري شامبو نوعيه ممتازه عشان ينعم شعرها ويحسنو وينظفو لأنو في انواع شامبو مابتنظف بفاعليه
ويفضل وقت الاستحمام يكون في احد معاك يمسكها وترش على جسمها المويه وتحط الشامبو وتدلكو على جسمها كلو لمدة نقول دقيقه او دقيقتين بعدها ترش جسمها بالمويه بشويش عشان الشامبو كلو يروح وعلى طول تلفها بالمنشفه وتوديها غرفه مافيها لا مكيف ولا هواء عشان ماتبرد وتنتظر شويه بعدين تاخد السشوار وتجفف شعرها وتاخد المشط وتمشط وكدا يكون بدت هيا تتعود إنو دا الوقت مخصص للإستحمام ومع الوقت ماتسير تخاف من المويه و السشوار
..
|