حمام الفوطة وعيالة ..ادخل يالخبير

[الجانب المظ]

السلام عليكم ...
انا هذي اول مشاركة لي بالمنتدى وشفت تعاون الاعضاء ما شاء الله مع بعضهم بشكل موهب موجود بالمنتديات الثانية ...وهذا شجعني اني انضم معكم وودي تقبلوني عضو بينكم .. وودي استشيركم في شي محيرني ...
انا ناوي الصيفية الجاية ان شاء الله اني افتح مشروع وامارس هواية بنفس الوقت ...وهو اني اشتري لي جوز حمام فوطة بمبلغ 1000او 1200ريال .س واشتري معها ثلاث اجواز حمام هندي طبعا القفص الي ابحط فيه الفوطة والهندي ابعادة كالتالي : الارتفاع 2م العرض 1.5م العمق 1.75م
هذا للفوطة وقفص ثاني زية للهندي الخلاصة ان الفوط ذولي ببيعهم بنهاية العطلة الاستفسار هو كالتالي :هل الحمام في هذي الفترة(اربعة شهور) يمدية يتكاثر ويجيب كم دفعة من الفروخ (طبات)
وهل هذي العيال ذولي لو ابيعهم كم يبي يجيبون يعني باختصار كم راح اطلع عقب اربع اشهر لو ابيع الجوز وعيالة ....وطبعا لا نسى الهندي ..
انا من سكان الرياض..
تكفون جاوبوا لأن هذه الفكرة براسي ومتردد فيها تكفون جاوبوا

[الجانب المظ]

ياجماعة تكفون ردووو.....تكفى ترا تكفى تهز الرجاجيل لولا ظروف الوقت ما قلت تكفى
معقولة ما في احد يعرف

[عاشق~الحمام]

اخوي انت متى بتشتري الفوطه إذا معهم فروخهم بيكون احسن ولمدت ارب شهور وكانت النثيه بياضه والذكر حار على النثيه راح يجونك انشاء الله 8 فروخ إذا ما وقفت النثيه عن البيض وإذا الفروخ كبرو كذالك را يبيضو كثير وراح تستفيد منهم لو تبي تبيعهم مع فروخه يجيبو سعر اغلا

[الجانب المظ]

انا بشتريهم الصيفية الجاية
اذا ما عليك امر ودي اعرف المعدل الطبيعي خلال اربع اشهر كم دففعة تجي...ومعليش على الازعاج..

[الجانب المظ]

يا ناس جاوبو...

[الجاكوبين]

هلا بك يالغالي في المنتدى وثاني شي يالغالي والله حرام تشتري جوز بـ 1000 او 1200 وبعدين لا قد الله يموت ولا يصير له شي خذلك جوز على الاقل بـ 200 الى 500 اذا ناوي تشتري بمبلغ غالي والشهر تجيبلك طبتين اي اربع بيضات ( اربع فروخ )اذا انك تحط البيض تحت الحضان اي الباكستانيات يعني اول ماتجيب الانثى بيضتين على طول حطه البيض تحت الحضان ماعنده بيض وبعد تقريباً اسبوعين او اسبوع تجيبلك الانثى بيضتين ثانيه واذا انك تبغا الفوطه ينتج بسرعه حطه في محكر يعني دور وكذالك الحضان افضل لك بس انصحك لا تبدا كذا بتربية الحمام بسعر غالي اسأل مجرب ولا تسأل طبيب ,,,

وسموحه على الاطاله ..

بتوفيق .

[الجانب المظ]

اشكرك اخي الجاكوبين على مشركتك وعلى اقتراحك للحضان ..بصراحة فكرة توني اعارفها....انا كنت ناوي احطة في محكر بس قلت لو احطه بقفص واسع احسن له ولي ..له لأنه راح يكون ما خذ راحته (زي الطبيعة )بس عاد على قولتهم اسال مجرب ولا تسأل طبيب..ولي لأن القفص انا الي بسويه ماني بشاري جاهز وتعرف اسوي وسيع اسهل من اني اسوي محاكر فوق بعض..
وعلى فكرة انا ماني بمتدأ انا قد جربت يوم اني صغير خالي عطاني الظاهر جوزين او ثلاث مدري وش نوعها (كنت صغير ذيك الحزة) ...واكرر شكري لك على نصيحتك..

[سامبل تيود]

بالخير أخوي ..

أقرأ سطورك الرائعة وأتذكر نفسي في رمضان الماضي ، كنت متحمس إني أنتج بلجيكي أبو فوطة بألوان حلوة ومستويات أحلى ..

شريت ثلاث أجواز ( وأنا مبتدئ ) وكلهم ولله الحمد مستويات ومن واحد ثقة معروف بالشيء هذا وكلهن كذلك مختمات ( محجلات ) ، جوز بـ 600 ريال ، وجوزين كل واحد 400 ريال ، وجلسوا عندي كم شهر ، وأنا بصراحة أهملتهم ، ما كنت أحرص على تنظيف القفص بشكل دوري ، ولا كنت حريص بشكل كافي ، فما بيضوا إلا مرة واحدة فقط ، وكلهم بنفس الوقت ما لقحت بيضاتهم ، فكنت مهملهم بقوة صراحة ، نزلت واحد منهم ( رمادي مع أوبل ) للسوق وجاب لي 450 ريال وكان سعر خيالي ما أحد صدق إني بعته بهالقيمة .. وبقى جوزين عندي إلى الحين وكلهم أناثيهم ماتت ، فبقى ذكرين واحد أبيض والثاني أصفر ولكن والله مستويات وما حبيت أصرفهم ، خلهم لين نشوف حل ، وآخر شي طاب خاطري منهم تماما !

أنا ما أثبطك أو أحطمك ، لا والله ،، جرب حظك وشد حيلك وتوكل على الله ، وأوصيك من تجرتبي ومثل ما قال أخوي الجاكوبين :

1 ) احرص على إنك تتطلع اطلاع تام وكافي وشامل على كل ما يتعلق بالجاكوبين أو البلجيكي أو الفوطة ، لأنك راح تستفيد وتخوض تجربة ناجحة إن شاء الله .

2 ) حاول تدبر لك محاكر : دورين أو ثلاثة أدوار أو أربعة أدوار ، بما لا يقل كل دور عن 70 سم طول ، وعرض خمسين أو 60 سم ، وارتفاع 50 أو 60 سم ، واحرص يكون لكل دور حوايف بالأسفل 10 سم ، علشان تحط فيها تراب ناعم وثق إنك ما راح تندم ، منه يستفيد الحمام ويعطيه كالسيوم ، ومنه يسهل عليك التنظيف .

3 ) احرص على مكان المحاكر ، فلا يكون بواجهة هواء قوي أو شمالي ، ويكون فوقه شيء يحميه من المطر ، وابعده عن الصغار والأطفال قدر ما تقدر .

4 ) واعلم إن أسعار الجاكوبين الأيام هذي رخيييصة جدا مع مستويات حلوة ، فحاول تتنقى من السوق ( من الجلابة وليس الشريطية ) جوز حلو بمستواه ولونه وانتاجه ونظافته بسعر رخيص لا ياصل ولا إلى 350 بالكثيييير أو 400 ريال إذا كان توب توب ، واسأل عن الألوان الحلوة ، وبالنسبة للي أنا أشوف ، الرصاصي والأوبل أفضل شيء مع الأصفر التوب ! واعرف وأنا أخوك إنك راعي هواية وتتطيح ما براسك ، فلا تلزم نفسك بأجواز من سلالة الامبراطور مثلا أو غيره ، وخذ أي شيء يعبرك .

5 ) نصيحتي خذ لك جوزين أو ثلاثة .

6 ) جب لك محكر أو عشة مصغرة ، وحط فيها الهنديات اللي تبي ، وحط لك كم جوز زاجل أو فرنسي ، كحضان ، لأن البلجيكي قليل ما يعتمد عليه بعميلة الحضانة أو تأكيل الفروخ بخلاف الزاجل الحنون اللي يشبع الفرخ دفئا وأكلا ما شاء الله .

7 ) توكل على ربك وأنا أخوك ودع عنك كل ما يثبطك أو يثنيك ، وأحلى ما جنيت أنا من تجربتي ( الفاشلة بسبب اهماي وتقصيري ) هو هالخبرة اللي أخذتها من الدروس وكلام أهل البلجيكي !

موفق أخوي وعسى ربي يحفظك ويبارك فيك ..

أخوك سامبل تيود ..

[الجاكوبين]

هذا واجبي يا الجانب

وزي ماقالك اخوي" سامبل تيود " كلامه صحيح بس يالغالي سامبل لو تلاحظ التربه تمملل الشخص يعني لو انكبت المويه على التراب راحي كون تنظيفها شوي صعبه انا اشوف لا تحط شي افضل ويكون التنظيف في الاسبوع مره كذا افضل مع المعقمات بس احسن للحمام الزينه الادوار موب عشه كبيره لان يكون انتاجها اسرع وبتوفيق يالغااالي ...

[الجانب المظ]

يعطيكم العافية...