الرجاء من اهل الخبره و الدكاترة البيطريه الدخول

[مشاعل الكويت]

السلام عليكم ورحمة الله وبركاته

تحيه طيبه وبعد :-

حابه اسأل اذا كنت اقدر افقس بيض امازون او كاسكو او مكاو ؟؟

انا لقيت عرض في احد الدول الاجنبيه ان عندهم بيض للبيع ( امازون + كاسكو + مكاو )

وحابه اشتري الفقاسه المخصصه لها

ممكن احد يقدملي النصايح ؟؟

وشاكرة لكم

[مجنون فلته]

السلام عليكم

اكثر مواقع بيع البيض مواقع نصب واحتيال

وحاسبي لاتقطين روحج بيد ناس نصابين

اشتري لج طير افضل من ماتكونين ضحيه

[مشاعل الكويت]

عفوا اخوي مجنون فلته

المصدر موثوق فيه 100%

لأنه الشراء يدوي مو عن طريق الانترنت

لا تخاف

ولا تحرمونا من ردودكم وملاحظاتكم

[كوالا]

طيب انتي تعرفي تفرقي بين بيض الكاسكو والمكاو والمازون ؟؟

ولازم تعرفي اذا كانت البيضه فاسده او لا يمكن تكون فاسده

لانه مع كثرة اللمس بالايدي تفسد

لازم يكون عندك خبرة كبيره في هذا الشي

اذا تعرفي تفرقي بين اشكال البض وتعرفي الفاسد من الطبيعي في احتمال تفقس بالفقاسه

[ابو محمــد]

المشاركة الأصلية كتبت بواسطة مشاعل الكويت

السلام عليكم ورحمة الله وبركاته

تحيه طيبه وبعد :-

حابه اسأل اذا كنت اقدر افقس بيض امازون او كاسكو او مكاو ؟؟

انا لقيت عرض في احد الدول الاجنبيه ان عندهم بيض للبيع ( امازون + كاسكو + مكاو )

وحابه اشتري الفقاسه المخصصه لها

ممكن احد يقدملي النصايح ؟؟

وشاكرة لكم

وعليكم السلام ورحمه الله وبركاته

فكره ممتازه وبنفس الوقت اكتساب خبره,,

اول حاجه تأكدي ان البيض مو فاااسد ,,

وتأكدي ان البيض للطائر اللي ناويه تفرخينه (مكاو أو كاسكو)

في شغله مهمه حاولي تأخذين بيض لطيور سبق لها الانتاج لتضمنين لقاح البيضه.

بالتوفيق.

[شاهيـن]

أنا بصراحة ما أنصح أبدا بهذا الموضوع لنفترض أن البيضة فقست و تمام التمام هل عندك القدرة على الاهتمام بفرخ عمره ساعات وا طعامه ؟ لا أعتقد لأني شفت ناس محترفين يومت عندهم فروخ بعمر 4 و خمس شهور فما بالك بأيام أو ساعات؟؟

أنتي جربي خذي بيضة كوكتايل مثلا أو طيور حب و شوفي النتيجة وحطي ببالك أن الاهتمام فيها أسهل بكثير من الاهتمام بفروخ الافريقي أو المكاو.

[مشاعل الكويت]

الف شكر لكم جميعا

واتمنى النصايح تجيني من الدكاتره البيطريه واهل الخبره

ومو عيب التجربه يا اخواني اللي ما تنصحوني

واللي فقسو مو احسن مني

^_^

شاكره لكم تفهمكم

[بندولة حب]

شدي حيلك وموفقه

بس انصحك ماتتوهقي بهذي التجربه

ولوفكرتي شوي بسالفة انك تشتري بيض

وانتي ماتدري هو مخصب او فاسد او يكون لطير مكاو اامزوني بصدق

انصحك تشتريلك فرخ جاهز اضمن لك ويكون عنده مناعه من والديه

واوفرلك باالوقت ولفلوسك

والفروخ صعب جدا تعيش بعيد عن امها في بدايت حياتها