كوكي انجن ؟؟

[سويت هارت]

ممكن تساعدوني شوي ؟؟

طيري الكوكاااتو صاير له فترة بس يبي ياكل خشب ..

وهذا السلوك مكان يصاحبه قبل ..

فقالوا لي انه امر طبيعي انه جميع انواع الببغاء تحب تسوي كذا ..

فشريت له اللعاب خشبيه ..

في البدايه كانت تدوم اسبوع الحين يوم ما يمر عليها ..

واذا شلتها منه يبداء يعصب ويصارخ ؟؟

على انه مررررررررررررررررة اليف اليف اليف ..


هل تتوقعون بسبب دخول طير جديد بالبيت ؟؟؟

لأنه هذا هو التغير الوحيد ..


والسؤال الثاني ايش ممكن اعطيه اكل ..

لأنه انا الحين انا اعطيهم بازلا خضراء و ذرة و فلفل و خيار و تفاح و جزر وعنب و الحب الشمسي و الفول السوداني ..

وهل السيريلاك يضره ..
لأنه وانا اكل افروخي الصغار يوقف ينتظر دورة ويكسر خاطري ..

[راينو]

شوفي
تكسير الخشب شي طبيعي
انا طيري جته ذي الحاله
بدا يخرب المجثم حقه
بالنسبة للاكل
انا ما اقدر اقولك الا وكليه السيريلاك
اتوقع انه ينفع انك توكليه سيرلاك
انا انصحك انك تشوفين اراء الاخوان و من ثم تطبقين
و الالعاب لا تحرمينه منها
لانه الحين مستانس ما يبغاك تخربين غليه و يمكن الغرور من الطير الجديد مأثر عليه شوي
بس انتبهي لا تنسينه راح تجيه حالة الاكتئاب و ينتف ريشه
و خاصة الكوكاتو لانها اكثر طير يتعلق بصاحبه
و ان شاء الله اكون افدتك لو بالقليل

[سويت هارت]

صحيح فيه طير جديد لكنه ما اثر على مكانته ..

اساسا وين ما اروح بالبيت وهو يتمشى معاي .. الا الحمام طبعا ههههههههه ..

ياكل من اكلي .. و ينام معاي .. ..

لكن الي تغير طير وماهو لي للوالده ومالي علاقه فيه ..

صحيح ماله فتره عندي لكن ما اتوقع احد يقدر يغطي على مكانته ..

ويسلموو على ردك

[في خاطري شي]

المشاركة الأصلية كتبت بواسطة سويت هارت

صحيح فيه طير جديد لكنه ما اثر على مكانته ..

طبعا انا واثق منك انه مايأثر على مكانته .. لكن وش يضمن له وكيف يقتنع

المشاركة الأصلية كتبت بواسطة سويت هارت

لكن الي تغير طير وماهو لي للوالده ومالي علاقه فيه ..

دعيني اقول لك شيئا :-

الببغاوات يا"سويت".. اذكى من مانتصوره .. ترى وتشاهد وتفهم وتترجم كل مايحدث من حوله او من أي متغيرات.. وربما حالة طيرك الآن .. هي اثبات الذات او الوجود ..وجذب الانظار له ربما يقول (انا الغالي ، انا الملك ، انا الوحيد هنا وبس ) وكون دخول طير غريب بالبيت بالتأكيد له تأثير بتغير سلوك الببغاء ليثبت وجوده حتى يتأكد من عدم مشاركة هالدخيل الى (القفص ، الاستاند ...)


على كل حال .. اهتمي به اكثر وحاولي قدر المستطاع ابعاد الطائر الجديد عن نواظره


كل التحايا لك

[سويت هارت]

المشاركة الأصلية كتبت بواسطة في خاطري شي

طبعا انا واثق منك انه مايأثر على مكانته .. لكن وش يضمن له وكيف يقتنع

دعيني اقول لك شيئا :-

الببغاوات يا"سويت".. اذكى من مانتصوره .. ترى وتشاهد وتفهم وتترجم كل مايحدث من حوله او من أي متغيرات.. وربما حالة طيرك الآن .. هي اثبات الذات او الوجود ..وجذب الانظار له ربما يقول (انا الغالي ، انا الملك ، انا الوحيد هنا وبس ) وكون دخول طير غريب بالبيت بالتأكيد له تأثير بتغير سلوك الببغاء ليثبت وجوده حتى يتأكد من عدم مشاركة هالدخيل الى (القفص ، الاستاند ...)


على كل حال .. اهتمي به اكثر وحاولي قدر المستطاع ابعاد الطائر الجديد عن نواظره


كل التحايا لك

في خاطري شيء الببغاوات سبحان الله مثل الاطفال وكلامك صحيخ ..اذكى من اي طير وحيوان و حساسه درجه اولى ..

ممكن على كلامك اثبات وجود لكن للمعلوميه انه ماهو طيري الوحيد عندي امزوني متكلم والكل يحبه و مكاو ..

وانا مدلعه كوكي بزياده عشان ما يحس بنقص ..
الطير لما اخذته مو اليف من كثر الاهتمام فيه لاحظت انه تغير من متوحش لاإليف الفة الحمام ..
(( يمكن محد يصدق لكن هذا اللي صار ))
الهم لا حسد ..

الطير اعطيه اوامر ينفذها يساعدني لما اطلب منه اي شيء لدرجه وين ما اروح يكون معاي يا جالس ياكا الشبشب او على كتفي يحوس بشعري او التوكه هههههههه ..

على انه انا من النوع احب اربي فروخ صغيرة تنغر .. وانت عارف الاهتمام يكون فيها اكثر .. من اي طير .. وكوكي يساعدني بتاكيلهم دايم .. وينتظر دورة بالسيريلاك ..

لكن انا لاحظت تغير خلال فترة وجود الامزوني بحيث انه بدء يصرخ عليه لما يشوفه او الوالده تطلعه يطير على طول له وكأنه نسر ..

لدرجه انه انا والوالده طلعناه من البيت وقررنا نبيع الطير لكن ما يزال ياكل بالخشب بشكل جنوني ..

وبصراحه انا خايفه عليه ..

[شاهيـن]

بصراحة الكوكاتو من زمان ودي فيه و شريته ما كمل معاي أسبوع بعته والله زهقني بسبب أكل الخشب سبحان الله يموت بأي شي خشبي مع أنه أليف جدا و اجتماعي واللي شراه مني اتصل علي معصب مسكين ماكل له السرير وهو بره البيت خخخخ

[سويت هارت]

هههههه الله يعوضه ..

لكنه طير حنون و اجتماعي كثير ..

[صمت111]

ههههههههههههههههههههههههههههه كوكي انجن حلو العنوان

الظاهر انه متأثر بالمسلسلات التركيه

[كوالا]

الكوكاتو معروف انه يحب اللعب كثير ويحب يكسر الخشب ويقطع الاسلاك الكهربائبة

بس انتي جيبي له العاب واشغله عن التكسير بالخشب وطلعه خارج القفص اذا كان اليف

وبالنسبه للاكل لاتكثري من الفلفل

والسيريلاك ما اعتقد يضره

والله اعلم

[سويت هارت]

المشاركة الأصلية كتبت بواسطة كوالا

الكوكاتو معروف انه يحب اللعب كثير ويحب يكسر الخشب ويقطع الاسلاك الكهربائبة

بس انتي جيبي له العاب واشغله عن التكسير بالخشب وطلعه خارج القفص اذا كان اليف

وبالنسبه للاكل لاتكثري من الفلفل

والسيريلاك ما اعتقد يضره

والله اعلم

ممكن اعرف مثل ايش الالعاب ؟؟؟؟؟