تكفون قطتي جننتني .. ينفع اغصبها على التزاوج ..؟؟؟

[لولي100]

السلام عليكم ..

اعجبني منتداكم بصراحه وسرعة الرد فيه ..

مشكلتي مشكله مع قطتي ..

عمرها تقريباً سنه و3شهور ..
وخلال شهر ونص جت لها فترة التزواج 7 مرات
وفي كل مره يجيها الشبق اوديها لمحل الحيوانات واختار لها ذكر وتجلس معه 5 ايام
وكل مره مع ذكر غير بس مافيه فايده اول ماترجع لي تجلس يومين وترجع لها فترة التزاوج

قطتي بطبعها تخاف كثير من كل شي فـ قلت يمكن تخاف وتتوتر من المحل والازعاج وقررت اجيب الذكر عندي بالبيت
والحين اهو عندي وهذا ثالث يوم
اليومين اللي راحوا كانت بس تجلس في زاويه وتطلع اصوات تحسسني انها راح تضاربه بس ماتقرب جنبه ولا يقرب جنبها
اليوم صارت تتقلب وتتدلع وتتمرغ بالارض وتموء بشويش قدام الذكر بس اذا كنت عندها واناديها وادلعها
واول مايشوفها ويقرب منها بسرعه تقوم وتضربه واهو يخاف ويجلس بعيد عنها
وارجع ادلعها واناديها وترجع تتمرغ بالارض بس مايلحق يجيها الا اهي قايمه وتضربه ومعصبه وشرسه حتى علي تصير تمشخني

ماني عارفه وش اسوي فيها تعبتني كثير وماباقي الا يومين ابي استغلها ابيها تحمل ما ابي اوديه من هنا وترجع تصيح من الجهه الثانيه

اليوم اخذتها بحضني وادلعها وبدت ترفع ذيلها وتموء بصوت خفيف وجا الذكر بسرعه من وراها وكان ناوي ينكحها بس انتبهت له وبخت بقوه ومشختني وراحت تتخبى
ما ادري ينفع امسكها اقوى واغطي عيونها واخليه ينكحها وارتاح ولا بيأثر على نفسيتها ..؟؟
انا خايفه انها ماتعرف الطريقه ودي امسكها بالاول علشان تفهم وبعدين اخليها

اذا ماتزوجت هالمره راح اضطر ابيعها

ارجوا الرد بسرعه قبل ماتخلص اليومين الجايه واوديه ..