اشتريت جوز دره .. والانثى طلعت رجلها مكسوره؟ ايش اعمل؟ ...

[اتعبني غلاه]

السلام عليكم ورحمة الله وبركاته


طبعن انا امس رحت اشتريت ليا جوز دره مهي اليفه


بعد ماشجعني خيو كوالا


في دا الموضوع

http://www.2zoo.com/vb/showthread.php?t=130259


بس بعد ماشتريتهم لقيت ان الانثى رجلها تعبانه


يعني ماتوقف الا على رجل وحده


وانا اخدتها من صديقتي بس انا اشتريت الذكر لكن الانثى كانت هديه منها يعني ماغشتني فيها

بس اتصلت عليها وسئلتها قلتلها وديتوها لبيطري قالت ايوا

بس البيطري قال استحاله ترجع توقف على رجلها الا بالعنايه بيها؟


بس انا مني عارفا القصد ..؟

وانا امس اخدتها ودحين انا فمكه وعندنا زحمه وحج ولا اقدر اروح لبيطري

مع الحال دا ..


ومني عارفا ايش اعمل؟ ...

والمشكله التانيه كل ماحد قرب من القفص يقعدو يدورو

يمشو على الحدايد كلها الى حد انهم يعيدووو الحركه الف مرا

ويمشو فنفس المكان ولا يطفشو


اما الانثى تقعد تطير لانها ماتقدر توقف؟ او توقف على رجل وحده واحسها تتالم ولا تقدر تكمل مشي

ايش اسوي عشان اخليهم يهدأو

مع انهم من اقل حركه ينفجعو

لو مشيت قدامهم انفجعو


وقعدو يدورو ..


وتالت شي

مايرضو ياكلو تفاح ...........!

ومرا استغربت لان الكل يقول عشقهم التفاح ..!

ومني عارفا ايش ااكلهم


جبتلهم كرتون فيلو حبوب خاصه ف البغبغانات ..

يعني منوعه فيها كذا نوع

اكلو بس التفاح لا ومو راضيين ياكلو شي تاني

بس المهم عندي وباختصار


ابغا طريقه تخليهم هادئين

يعني ماينفجعو بسرعه

وطريقه اعالج بيها رجل الانثى ..؟

لاني مو عارفا ايش اعمل معاها

وكيف اخليهم يتقبلو الاكل غير الحبوب؟ .