عاجل جدا جدا جدا

[قطـوهـ]

السلام عليكم

الحقووني الله يخليكم
القطو الي عندي صار له ثلاث ايام عنده امسااك ما يقدر يخرج
و صاير بطيئ بالمشي و دائما نايم وتعبااان و اليوم مو راضي ياكل
و الامس عطيته ربيان استفرغ و الي استفرغه فيه شعر

اكتبو لي اسم الدوا عشان اشتريه له

[*عاشقة القطط*]

اخوي اظن انو فيه كور شعر عالق بمعدتها

وهذا يشكل خطر كبير لانه يسد القناة

ويسبب مشاكل بالهضم وقيء

واذا ماتقيئت القطه كره الشعر كامله وطولت الكره ببطنها يسبب الموت لاقدر الله

حطلها ملين بأكلها..اتصل بالبيطري وسأله

واذا ماقدرت تعطيها ملين

وقف الوجبات العاديه

وعطيها غير دجاج مسلوق مع كوسه مهروسه

ولا تحممها بهالفتره ولا تخليها تجلس تحت المكيف

ولا تنام على البلاط او بالحمام او بمكان بارد

وإذا مر ثلاثه ايام وفضل معاها الامسااك لاااازم توديها البيطري

[قطـوهـ]

حطلها ملين بأكلها..

ما عندي ملين و ابي اسمه عشان اشتريه له من البيطريه

وعطيها غير دجاج مسلوق مع كوسه مهروسه

رافض ياكل اي شي حتى الماي ما يشربه

ولا تحممها بهالفتره ولا تخليها تجلس تحت المكيف

ولا تنام على البلاط او بالحمام او بمكان بارد

مادري يمكن مرض عشان حممته يومين ورا بعض
لانه جا قطو من الشارع و ضربه صار كله وسخ و رمل و ماي فحممته مره ثانيه

[آنـــــو]

بسيطه أن شاءالله

عطيه زيت خروع شراب من الصيدليه البشريه مقدار أبرتين 1 سي سي بالفم

أو زيت زيتون نفس المقدار ..

وحليب لأنه يعتبر ملين طبيعي .. أو تونه

وخففي من الدراي فوود .. أعطيه أكل يحتوي على سوائل أكثر ..

ماعليه الأمساك يأثر على نفسيته وشهيته ويسبب له أنتفاخ بالبطن وهالشي يضايقه ..

[قطـوهـ]

ماعندي زيت الخروع

عطيته زيت زيتون و ما فاد معاه
و حطيت له بالاكل زيت زيتون بس ما ياكل ولا يشرب يشمه و يروح عنه

و في شي ثاني
القطو الي عندي ذكر شفت انه في شسمه دم

[Nora_M]

شربيه لبن و إنشاء الله تطمنى عليه قريب جدا و الله معك

[toootyme]

شربيه غصب عنه يعني بالقطاره او ابره من غير سن لبن كامل الدسم او زيت زيتون وحاولي تاكليه تونه ريحته هتخليه ياكل ان شاء الله وطمنينا

[قطـوهـ]

ساعدوني القط ما يتبرز ولا يتبول صار له الحين 5 ايام
ولا ياكل بس يشرب ماء و مايقدر يمشي و بطنه منتفخ و خشن

[Luis]

يالله خمس ايام..

أختي لازم البيطري بأقرب وقت..

[قطـوهـ]

رحت البارحه البيطري بس كان مسكر لانه يوم الجمعه
في شي اقدر اعطيه اياه يخفف عليه كاسر خاطري والله
حتى مو قادر يتنفس عدل