عندي فكرة

[كاتي]

كل واحد يقول
موقف طريف مع بسته

[kitten_Q8ia]

انا كتبت موضوع

[i love cats]

والله فكرة حلوة بس انا للاسف ما عندي بسة.

[كاتي]

قلنا موقف طريف مع حيوان ثاني

[قطو_Q8te]

يعطيج العافيه عالموضوع الحلو
عندي هامستر نثيه اسمها بكيزه دايما تفتح القفص الاخت وتنحاش تلعب بالبيت
يوم من الايام شفت قطي سوسي حاملها ونط على ريلي وقطاها على طاولة الكمبيوتر وقعد يطالعني ينطر مكافئه
رحت بسته وقلتله سوسي حبيبي ولمست عليه
تخدر المسكين وطاح عالارض لووول بعدين حطيت بكيزه بالقفص وصار يدور حولين القفص يحرسها =)
وانشالله لي عوده مع مواقف مضحكه مع
اصدقائي ...

[محمد حسين]

والله فكرة جميلة بس للاسف قطتى سرقت منز 3 شهور وانا ابحث عنها

[Dominique]

دومينيكو الخبل العادة لما أنظف حمامه أطلعه بره الغرفة علشان عشتو ما ينقرف ويتعقد
" والله ... حتى بترابي بينبشون ما يخلونلي مكان سري.. حتى ترابي صار حقهم كل هذا علشان أهمه شرولي اياه ... والله "

عاد مرة من المرات يا طويلة العمر.. دخل الغرفو آنه فاتحة راس الصندوق وقاعدة أحرك الشبل الصغير ... تعرفين اللي عيونه طلعت
" أنتي شتسويييييييييييين صكي الصندووووق عييييييييب ... أوووووووووووووه... أقولج صكي الصندووووووووق .. لا تنبشييييين "

وآنه معطيته طاااااااااف ..
بعدين يوم مل مسكين ... دش داخل فتحة غطا الصندوق اللي آنه فصلته عن القاعدة وجابلني وقعد .. تعرفون القطو لما يقعد يصير جنه علبة كلينيكس لووووووول
" آنه بس بشوف انتي ليوين بتوصلين .. آنه بس ناطر .. لا تخافين مو بايق شي وخاشه داخل لا تخافين.. قطيعة "
بعدين يوم خلصت .. عطاني ذيج النظرة اللي فطست ضحك ..
" خلصتي شغلج ألحين هاه؟؟ ارتحتي ؟؟ نبشتي على راحتج ؟؟ أوريج ان ما زدت الوصاخة باجر آنه أعلمج "

بعدين يروح ياكل من الحرة واعليا

لوووووووووووووول آنه الصراحة أحب ويهه واهو بهالمواقف وأحب أتخيل كلامه ..

[برتني]

ما عندي موقف مع قطوتي عندي نكته عن القطط :
فيه قطوه قالت: ميو قالت الثانيه: توني ابقوله؟.... :o
لووووووووول

[Luis]

مرة من المرات كنت حاط بالغرفه كرتون كبير...(ماذكر بالضبط وش له)...!!

وكنت لما اصعد السطح (المكان المتواجد فيه قططي عاده) افتح الباب ويسمعون ويجوني

على طول...عاد هم كل مرة يناظروني بنظرة ترجي وعطف...يبغوني انزلهم تحت بالصاله

بس تدرون...ماقدر االا نادر...بالصبح مثلاً

المهم انا جيت لهم بوقت ليل...وكل مرة اصعد السطح بالليل اعرف انه القطط يسمعون الباب ويجون

وكل مرة اتخبى فيها عنهم...ومايلاقيني الا لويس المحبوب يلقاني ورا الابواب اتخبى...

ومرة من المرات تخبيت ورا الكرتون اللي بالغرفه(اللي سبق ذكره)

وكان كل مرة يجي بالغرفه ينط فوق السرير ويطل بالجه الثانيه من السرير ويشوفني احيانا ورا السرير

بس هالمرة غير...؛)

كنت ناسي حاجيات وأغراض فوق السرير ومنها اسلاك ضعيفه وسماعات اذن صغيره..

وكنت اراقبه من اول مادخل الغرفه بعدها نط فوق السرير ويتفاجأ بالسلك عقب ما لمس رجله...

وينننننننننننننننننننننننننننننقز من الخوف ويحرك رجوله بسرعه وبعدها طل بالجهه الثانيه ولا كأنه

صار شي...وبعدها اكتشفني ورا الكرتون وانا ميييييييييييييييييت فااااااااااااااااااااااااااااااطس من الضحك...:d

الله يحفظه وين ما كان لويس...

والله ذكرياتي معاه لاتنسى..هههههههههههههههه

تحياتي لكم وأشكركم عالموضوع الرايق...

تحياتي..