رد: اريد اعرف كيف افرق بين الذكر من الانثى في سمكة الديسكاس؟!
أنا متأكد انو الديسكاس عندك هلأ لونو أسود و حركتو كتير قليله و السبب بهاد الشي هوه المي
لأن الديسكاس ما بيتحمل درجة قساوة المي هاد من ناحيه و من ناحيه تانيه في بكتريا بتكون بالمي بضر الديسكاس و في كتير عوامل بضر الديسكاس فاذا بدك تهيئي الجو المناسب أنا بعتقد انو لازم تجيبي حوض جديد و تبدي معي خطوه خطوه حتى تهيئي جو مناسب بالحوض الجديد و رح تتعزبي شوي لأن أنا كنت متلك و مفكر ان الديسكاس متل أي سمك نهري بس للأسف طلع حساس جدا و بدو عزاب كتير ليئدر يعيش و على كل مشان تأنقذي الي عندك هلأ بين ما تعملي الحوض الجديد جيبي أي حوض صغير و وضعي فوق الحوض الي فيه الديسكاس و سحبي مي من الحوض الي فيه الديسكاس شوي شوي و ضيفي بدالها مي مقطره أو مي مطر أو المي الي بتطلع من المكيفات لأن ما بكون فيها معادن و أملاح معدنيه مؤقتا بس بين ما تنقليهم على الحوض الجديد و تحياتي الك أخ ريد شارك و للأخت بسبوسه
__________________
توقيع مخالف - يرجى قراءة شروط التوقيع في قسم الدعم الفني *
|