آآآآآآه يالمووني

[&رهــف&]

السلام عليكم ورحمه الله وبركاته
بقول لكم قصه حياة كوكاتيلي...اول شي كنا بالشرقيه وشرينا عصفور بس ماكنا ندري وش نوعه شريناه وبس لان شكله كان مررره حلوو..ورجعنا الرياض وتعلقنا فيه وربيناه وحبيناه من كل قلبنا >>الزبده<<
لمونتي بدت تجيب بيض من غير مايكون عندها ذكر وطبيعي البيض راح يكون فاضي
بس جبنا لها ذكر وباضت وباضت وباضت الييييييين قالت آآمين ومافقشت ولا بيضه
والى اليوم هذا ماندري وش المشكله ...وجبنا لها كوكاتيل صديق اخوي ومافاد
والحين عندها حق بنت خالتي بس نفس الشي مافقش
وهم اربع وعشرين ساعه جالسه عليه وتتناوب مع زوجها عليه بس لا حياة لمن تنادي
اتمنى تجاوبوني وتقولون لي وش المشكله
وهل ممكن تكون عقيمه او فيها شي >>بسم الله عليها <<

[الملقوف]

خيتوووو اول شي تئكدي ان الذكر يركبهااا

اثنين وقت التزاوج حطي لهم جرجير وحطي لهم عظم الحبار >>> اهم شيئين للتخصيب


وتئكدي ان اللي معاها ذكر>>> لان اذا اناث ثنتين تبيض بعد


وان شااء الله تشوفين عيالها خيتوووو

[الكروان الصغير]

السلام عليكم

كلام اخوي صح و بعد يمكن الجو مو مناسب لها

تحياتي للجمميع

[منتج طيور]

أنا عندي أنثى نفس المشكله تبيض بس مايفكس

مع أني حاطلها كل شي والأجواز اللي عندي الثانيات ماشاء الله فرخو


بس أتوقع أن الأنثى ماتتلقح من الذكر حاولي أنك تجتيبين ذكر ثاني وجربي إذا ماضبط ممكن تصير من نفس الأنثى

[&رهــف&]

ان شاء الله بسوي اللي قلتوا عليه وان شاء الله يضبط معها
الله يعطيكم العافيه

[الإمـبـراطـور]

اختي &رهــف&

أولا مبروك على الكروانـة الانثى وماشاء الله باين عليها بياضة من الدرجة الأولى ولكن اسمحي لي اقولك بان المشكلة ليست بطيرك ولكن بصاحبة الطير اللي هي أنتي ..ومن غير زعل يجب ان تعرفي اختي طبيعة الكروان ...بأنه من الطيور صعب توليفـة مع طير أخـر يعني أن كان لديك اثنى فلا تظني لو جبتي لها ذكر بأنه يوم وليلة يتزاوجون ... أنتي تربين كروان وليس دجاج ما تفرق مع الديك اي دجاجة كانت ..قد يكون الذكر الذي اشتريتيه متوالف مع انثى غيرها وليس مستعدا نفسيا بأن يتزواج مباشرة مع أنثى جديدة وغريبة عليه ولكن قليل من الصبر يعني مسألة شهرين إو يمكن أكثر سوف يتعود على كروانتك ويتوالف معها أهم شي اثبتي على ذكر واحد واتركيهم واصبري عليهم وان شاء الله يعيشوا بثبات ونبات ويخلفوا كراوين وكروانات...

[&رهــف&]

الله يعطيك العافيه على ردك
بس انا شاريه لها ذكر من زمان عندها يعني يمكن كمل السنه والبيض بعد فاضي واذا اي احد شرا كروان لازم اجيبه عندها علشان اروضه واجرب يمكن تبيض بس صح مثل ماقلت مايتزاوجون
بس انا اظن المشكله من الذكر مو منها ....

[نصراوي11]

اختي رهف اولا/ظعيهم في مكان هادئ ولاتطلعيهم ابدا ثانيا/ظعي لهم الخس بشكل يومي إظافه إلى البيظ بالبقسماط ثالثا/انتي تقولين جبت ذكروبعدين حطيت حق صديق اخوي ومن ثم حق خالتك وهذاخطأ كبيرلازم تحطين ذكرواحدوتنتظرين إذالاحظتي انهم ماتوالفو بعدمرورثلاث اسابيع اعزليهم عن بعظ لمدة يوم واحدثم ادخليهم مع بعض إذاماتوالفوأعزليهم لمدة يومين (ولاتنسين تبشرينن بفراخهم إنشاء الله‏)‏

[PrEsIdEnT]

انا اقترح عليك تشترين له ذكر وتخلينه عندك

[&رهــف&]

الله يعطيكم العافيه على النصايح وان شاء الله بسوي اللي قلتوا عليه
وانا اصلا حاطه في راسي اشتري له ذكر بس ان شاء الله نرجع من السفر واشتري له
اخوي نصراوي تقول حطي لهم خس بس وش فايدته ؟!!