تكفون ساعدونى يا اهل الخبره

[hamadeen80]

السلام عليكم ويعطيكم العافيه على المنتدى الرائع

انا شريت كنارى صينى بتاريخ 10\4\2009, ماشاء الله عليه مزعج بالتصفير المهم القفص اللى فيه الحجم الصغير العادى المتعارف عليه, فكسر خاطرى هالذكر وحدانى قلت بتشريله انثى من نفس النوع, وشريتها تقريبا 25\6\2008 وحطيتهم بقفص كبير, المهم الذكر حاول انه يفرض شخصيته او يتزواج معاها بس الاثنى ماخلته صارت هوشه باول يوم بعدها خف الهواش,

اللى لاحضته انه الكنارى الذكر ماقام يصفر ابد, قلت اوكى مو مشكله الصدمه اللى ماتوقعتها انه خلال اسبوع من دخول الاثنى القفص بيضت الانثى بيضه بالعش ,وبعدها بيومين بيضت بيضه ثانيه انا بصراحه فرحت كثير, لكن السوال انه ماشوف الانثى ترقد على البيض, بس تاكل وتشرب ماى وتضبط العش فهل الوضع طبيعى ولالا, وانا ماحبيت اتدخل واشوف البيض مخصب او لالا تكفون المساعده

[بوسارة]

السلام عليكم

اخي بالطبع موعادي البيض خربان عزيزي معلش

شيل البيض وان شاءالله ترد تبيض مره اخرة


وبالنسبه للذكر فعادتن الذكر مع الانثى مايغرد الا المتمكن او يكونو عشاق لبعض

موفق عزيزي تحياتي

[habash05]

السلام عليكم

يا خوي اول حاجه انت اخذت قفص جديد و طير جديد و الاثنين غريبين على بعض و حطيت طيرك معاهم و كل هذا غلط واسمحلي يا خوي اقولك ان الاستقرار و الامان و الاطمئنان اهم حاجات لازم توفرها لطيورك لتحصل على افضل انتاج وما يروح عليك موسم بدون فروخ يطيرون حواليك
اخوي التزاوج عند الطيور علامتها ان الذكر يطعم الانثى, والي حصل عندك غير طبيعي و الطبيعي ان الانثى لا تترك العش للاكل الا بامر الذكر لانه المسيطر وهو الي يطعمها
اخوي اترك الطيور تتوالف مع بعض وانشاء الله يعطيك خيرهم وتشوفهم يطيرون حواليك.