حيواني المفضل تعبان ساعدوني

[waroda]

السلام عليكم ورحمة الله وبركاته
انا عندي كاسكو عمره شهرين او 3 اشهر تقريبا ، الكاسكو حبوب ياكل من ايدي وعادي وكان اول يطلع أصوات حدها تضحك ، كنا حاطينه بمكان بالبيت وقمنا وغيرنا مكانه والمكان بالصاله بس شوي بعيد عنا ، انا مشكلتي ان الكاسكو صار يرجف بصوره متواصله ، ابوي يقول انه قبل اسبوع تقريبا عطاه أكل واهو نايم وكان المكان مظلم فيمكن خاف ، بس اهو ليلحينه يرجف وهذي المشكله مخوفتني ، هل هذا الوضع طبيعي ولا لازم اشوفله طبيب ، ولا يمكن عشان المكان مو عاجبه ولا شنو مشكلته ،انا احبه حيل وما ابيه يموت بليز ساعدوني . وشكرا ...

[.: الأسيف :.]

انت ملاحظ تغير بالبراز ؟؟

(يمكن بالمكان الجديد يجيه تيار هوائي )

[سماوي الجبه]

يمكن برد في بيتكم، وخصوصا اهو صغير حاول يكون الجو غير بادر جدا،

[guys]

السلام عليكم

1من2
1- يا انك مروشه وبعدها جاء له تيار هوائي بارد وماقدر يتحمله((لانه صغير مررره))
2-انت يوم تغير المحل ممكن في مكيف او شي من هالكلام وجاء له هواء بارد وهو مايتحمل لانه فرخ


في هالحالتين الأمر خطر والكاسكو مناعته ضعيفة جدا مقارنة بالدرة بنوعيها او الامازوني بشكل عام....

والحل والله شوفت عينك انت نوع له في اصناف الاكل و وده لطبيب ((من تجارب اغلب الاعضاء الاطباء البيطريين مو اكفاء))لكن افضل من عمل لاشيء

لكن انا مو خبرة بالعلاج لذا اتمنى احد الاعضاء يفيدك بالـــحل........عـــــــــــــــــــــــــــــــــــــــــاجـــــــــــــــــلا


الله يشافيه ان شاءالله


في امان الله وحفظه

[iam moon]

اخوي لما تغير مكان الكاسكو يسكت شوي عشان يتعود على المكان والكاسكو لما يخاف ما يرجف بس تزيد نبظات القلب ممكن جاله برد

[مطلوب أفريقي]

الحالة استمرت كثير او وقت قليل ؟

انا صارت هالحالة لطيري لكن ما استرت نص ساعه .. وهي اول ما اشتريته

لكن الحمد لله الحين تمام

اذا الحالة طولت يعني يوم كامل وهو ماوقف رجف اكيد فيه مشكله

وفي الغالب انتي لما غيرتي المكان فجأة تغير عليه المناخ فجأة وتعب . لكن الله يشفيه

[waroda]

أول شي مشكورين على ردودكم ثاني شي انا لمن غيرت مكانه ما قام يرجف بالعكس قام يطلع أصوات ويلعب عادي بس عقب فترة بدا يرجف ، احس في تغيير ببرازه قام يصير مثل السائل وفيه لون أخضر ( وانتوا بكرامه ) ، واليوم طلعته بالشمس شويه ما قام يرجف بالعكس قام يلعب ( مادري يلعب لو وده ينحاش ) ويتحرك ( طبعا مطلعته الساعه 12 وشمس الكويت يااا سلااام صار كاسكو مشوي ) عاد بسرعه دخلته والحين غيرت مكانه خليته بمكان عالي ويطالع الأجواء برا البيت ، عاد الحين الرجفه خفت وقام يطلع أصوات عادي بس انا لاحظت بعد شي انه وايد يعاطس ووايد ينتف ريشه ، وعندي بعد سؤال شنو أوكله وهل خطر عليه اني اعرضه للشمس ولا أحسن له ومتى أخليه يطلع من القفص ويتحرك ، اسفه عالإطاله وأرجو الإجابه ...
شكرا

[زياد محمد]

المشاركة الأصلية كتبت بواسطة waroda

السلام عليكم ورحمة الله وبركاته
انا عندي كاسكو عمره شهرين او 3 اشهر تقريبا ، الكاسكو حبوب ياكل من ايدي وعادي وكان اول يطلع أصوات حدها تضحك ، كنا حاطينه بمكان بالبيت وقمنا وغيرنا مكانه والمكان بالصاله بس شوي بعيد عنا ، انا مشكلتي ان الكاسكو صار يرجف بصوره متواصله ، ابوي يقول انه قبل اسبوع تقريبا عطاه أكل واهو نايم وكان المكان مظلم فيمكن خاف ، بس اهو ليلحينه يرجف وهذي المشكله مخوفتني ، هل هذا الوضع طبيعي ولا لازم اشوفله طبيب ، ولا يمكن عشان المكان مو عاجبه ولا شنو مشكلته ،انا احبه حيل وما ابيه يموت بليز ساعدوني . وشكرا ...

آخي تآكد من برودة المكآن واذا طول الوضع وده اقرب بيَطري وبالشفآء هههههه

[مطلوب أفريقي]

اممم

كيف ينتف ريشة يعني يطلع مكاان فاضي ..!؟

ولا بس ينتف ريشة وحدة ويلعب فيها ولا كيف بالضبط

على العموم هو مو مرتاح نفسيا

وطلعيه للشمس اذا كانت بارده شوي مو بأي وقت مثل الظهر

وطبعا لازم تطلعينه برى القفص يلعب ويرتاح شوي ^_^

[waroda]

مادري أحس صار مثل المينون بس طبعا اهو صار يصفر واحسن شوي ، وبصراحه أخاف أبطله القفص يطلع وما يرجع لأنه صغير انا قالولي خليه اهو بروحه يطلع برا القفص انتوا رايكم أطلعه بنفسي ولا أنطره يطلع خصوصا وانه صغيير واحس انه مو متعود علي بعد