هل الببغاء المحجل افضل .. وكيف يعرف ؟؟

[رنــيــن]

مرحبااا

اليوم رحت محل وبعد مااعجبني ببغاء الهادئ

رحت مالقيت ولا شي برجلة

عرفت انه مو محجل هل هذا صحيح ؟؟

وهل اشترية ام اشتري محجل ؟؟؟

وربي يسعدكم

[كاسكـــو]

رنين مافيه فرق بين المحجل وغير المحجل كلها واحد ( فصيله ونوع واحد )

انا اقول لك الفرق بينهم

المحجل تفريخ مزارع وحاطين عليه حجل برجله مكتوب ميلاده ويكون مطعم باليد

ويكون هادي ولا يجعر واليف من يوم فقس من البيضه
.
.

اما الغير محجل فهو ببغاء صيد يعني صايدينه من الغابات وجايبينه على السوق ويكون وحشي ويجعر

الا اذا كان مدرب ومروض هذا شي ثاني يعني فهو افضل

[رنــيــن]

اللي قلت علية هادئ اليوم لما ابي حط يدة قام ينفش جسمة

صار غريب شكلو بس ما صرخ ولا عض لان ابي دخل اصبعه

بس كان مش محجل وعمرة سنة ونص وفوق

ماصورته قلت مش محجل مش راح اشترية << اخواتي خاصموني ليش ما صورتة

التاني متلو مش محجل بس جعيرة خفيف وشكلو بنفس العمر و1000 ريال او اكتر

و بمحل تاني لقيت 7 شهور

بس اووووووووووووف على جعيرة الاصم يسمعو

ومش عارفة

وشكلي راح اصور بكرة ان شاء الله ونشوف

وسؤال تاني : متى موسم الببغاء ؟؟

لاني هالفترة مش لاقية ببغاء كتير

والله يعين

[جداااوي]

كيفك اخت رنين
كلام الاخ كاسكو صحيح 100%
مو شرط يكون الطير محجل او غير محجل
لان المحجل يحطو الحجل له من اول ما يطلع من البيضه على تاريخ ميلاده
والغير محجل يكون مصيود من الغابات وهو الافضل بالنسبه لانو مناعته اقوى من المحجل
حتى اسألي الشباب اذا انا غلطان ولا لا
خذي الهادئ لانو تدريبه رح يكون سهل عليك
خلاص اختي توكل على الله وخذي الطير ويتربى بعزك
وان شاء الله يكون فال خير عليك
تقبلي مروري

[هايدي الصغيره]

مرحبا اخواني كيفكم اسفه على التدخل بس انا بغبغائي محجل اوكي وحجل ذهبي ويجعر طول محد يقرب عليه او يحاول يلمسه ولا يطلع على اليد طيب وش الصرفه معاه حاولت اني اهديه وامسكه بمنشفه بس الله وكيلكم الجيران سمعو صوته وهو يصرخ وخفت قلبه يوقف من كثر الجعير والخوف

[جداااوي]

المشاركة الأصلية كتبت بواسطة هايدي الصغيره

مرحبا اخواني كيفكم اسفه على التدخل بس انا بغبغائي محجل اوكي وحجل ذهبي ويجعر طول محد يقرب عليه او يحاول يلمسه ولا يطلع على اليد طيب وش الصرفه معاه حاولت اني اهديه وامسكه بمنشفه بس الله وكيلكم الجيران سمعو صوته وهو يصرخ وخفت قلبه يوقف من كثر الجعير والخوف

اختي الطير معروف انو الطير المحجل يجي من مزرعته مروض ويمكن هادا الطير بس حطو له حجل وامه وابوه هم اللي اكلوه يعني ما قرب على انسان قبل كدا او انو كان ولوف وتعقد من شي قبل ما يوصل عندك
وانا اشوف انو ترجعي وتروضيه من اول وجديد
امسكي الطير ولفيه زي الطفل المولود وحطيه على حظنك لين ما يوقف تجغير
وامسحي على راسه ومنقاره كرري هادي الحركه يومين وكل كم ساعه
صار دوام كل يوم 3 او 4 مرات في اليوم لين ما تشوفي الفرق اهم شي الصبر ثم الصبر
كم يوم او كم اسبوع ورح يتغير كل شي

[كاسكـــو]

رنين خذي الهادي فهو تقريباً تعود على الناس وهذا افضل لك

والببغاء مالها موسم اللي انا اشوفه تقريباً طول السنه تكون موجوده بالأسواق وخصوصاً الكاسكو
.
.
اما بالنسبه لك ياهايدي والله غريب ببغاءك محجل وحجل ذهبي ويجعر ؟؟!!

ممكن تعرض للأساءه والتخويف والمضايقه هذا هو الاحتمال