مافيني صبر اسبوعين

[سلطان البلوشي]

اخوي لا تجوعو اكتر من 3 ساعات انت اعطيه فواكة ولا شي ثاني الي تحس انها الاكلا المفضلا عندة وراح ياكلهت غضبن عنو

[||عشقي الامزون||]

يا هلا ومرحبتين

شف وانا اخوك على حسب شخصية الببغاء
يعني فية ببغاوات ما يحتاج لها مدة ,تلاقيها على طول تتكيف على الوضع وعلى المكان وعلى مربيها
وفية ببغاوات لا إذا تغير عليها المكان

لكن أخذها مني دامه على كلامك اليف بالمحل والكل يمسح علية
توكل على الله وجمد قلبك وحاول تتقرب منة بحركة بطيئة ولا تبين له انك خايف
صحيح بتاكل لك كم عضة منه في سبيل الوصول للي تبية لكن تحمل
والمثل يقول (الي يجي بالسهل يروح بالسهل)

وتراني زيك أذا شريت طير جديد أحاول بشتى الطرق اني امسح علية والعب معها لكن فيه ببغاوات كرهتني ام الطيور من عنادها
وفيه ببغاوات على طول يومين او ثلاثة او بالكثير اسبوع وتقدر بعدين تمسح عليها
واخر تجربة لي مع الامزوني كوكو الي اكلت منه عض الله لا يوريك بس بعدها وصلت للي ابيه
والحين تمسح على جسمه كله ما يقولك شي بالعكس يلعب معك

وانا ضد التجويع ابداً
ولا انصح فية لان الببغاء راح ياكل من يدك صحيح
بس موب حباً فيك بياكل عشان يسد جوعه
وفي هالحالة انت ما كسبت حب الببغاء بس كسبت انك اكلته بيدك



وانا بقولك كم نقطة انشالله تساعدك وتقدر تمسح عليه:

1- اذا حاول يعضك لا تسحب يدك بسرعة لانه بيعرف وقتها أن عضته جابت نتيجة.
2- يفضل انك تمسح علية بيدك بدون قفازات لان بعض الطيور تجيها جلطه اذا شافت القفازات تقوم تناقز يمين يسار.
3- الصبر وهو أهم شي يعني اذا عضك لا تصيح بوجهه لانك بتخوفه بهالطريقه حاول تتحمل وتتعامل معه بلطف.


وصدقني الببغاوات مخلوقات عجيبة وخصوصا اذا حبتك بتشوف كيف تتعامل معك
واذا بغيت شي تلاقينا في الخدمة

أخـــــوك / ||عشقي الامزون||

[حايلي111]

يسلمو (عشقي الامزون) .بحاول . مشكلتي لما يعضني اسحب يدي عفوياً هههههه بس بحاول هالمره لما يعضني ماسحبها .. هل تنصحني استعمل منشفه لما امسكه واحاول امسح عليه ..؟ او استعمل طريقة المكر اقرب ايد له والايد الثانيه اجيبها من وراه والمس راسه ..؟

[Arashi]

انا لما يعضني احاول احرك صبعي خفيف داخل منقاره واطلعه بالشوي شوي...تجي سليمه XD
التجويع بدايته ياكل من غير محبه صحيح وعشان جذي قلت بس كم يوم...لكن عقب ما يتقبل اليد يصير يأكله بانتظام بدون مايجوع ويتعود عليه ^_^

[||عشقي الامزون||]

[CENTER]

يسلمو (عشقي الامزون) .بحاول . مشكلتي لما يعضني اسحب يدي عفوياً هههههه بس بحاول هالمره لما يعضني ماسحبها .. هل تنصحني استعمل منشفه لما امسكه واحاول امسح عليه ..؟ او استعمل طريقة المكر اقرب ايد له والايد الثانيه اجيبها من وراه والمس راسه ..؟

الله يسلمك من كل شر أخوي

هههههههههه كلنا مرينا بهالمرحلة والخوف وارد اكيد
وزي ما قال لك اخونا Arashi اذا حاول يعضك حرك يدك على خفيف بس لا تسحبها بسرعة وحاول تتحمل "وتذكر انك بهالطريقه راح تنال الي تبية"

بالنسبة للمنشفة انا ما جربتها
لكن طريقة المكر حلوة اذا حاول يعضك حط يدك الثانية من وراه

واذا بغيت شي ترانا في الخدمة
والله يوفق الجميع

أخــــــوكم / ||عشقي الامزون||

[عاشق اصوات البلابل]

انا جبتلك هذا الفديو هذا الأول http://www.youtube.com/watch?v=psgEZ...eature=related

[عاشق اصوات البلابل]

وهذا الفديو الثاني هذا عشان معد http://www.youtube.com/watch?v=37j7r...re=relatedيعضك

[عاشق اصوات البلابل]

واتمنى اني افدتك

[حايلي111]

يسلمو حبايب قلبي .. توي جاي منه اكلت كم عضه محترمه بس ماشاء الله تبارك الله بعد عض وصراخ وصياح اتوقع الجيران يدعون علي , تقبل المسح ع راسه وظهره ومشا الحال ولله الحمد ويسلمو كل الاعضاء .

[none!!!]

اخوي مو لازم تصبر اسبوعين طير عن طير يفرق خلك ثلاث ايام تغير الماي وحاول تلمسه او تكلمه وان شاءالله راح يتعود وجرب تعطيه تفاحه من ايدك هيك بيروح الخوف