قطتي شعراتها ملت البيت ساعدوني : (

[sisi_moon]

وعليكم السسسلام

1/ عندي قطه ذكر و انثى انا احبهم وكذا لكن امي فيها الربو ومره مره اتملى البيت من شعرهم يعني حتى لما نطلع عباياتنا كلها شعر حتى اللبس كل شيء بالبيت امتلى شعر مادري وش اسوي , مرات احط الاستشوار ع البارد واهف عليهم لكن نفس الشيء الشعر يتطاير لما يتمشوا بالبيت , وامي تقول لو استمر الوضع كذا راح نصرفهم ولا نبيعهم ممكن تعطوني حلول ؟

شوفي حبيبتي .. أول شي لو شعرهم طويل مررره .. خففيه لهم شوي ..

واضبطي على التمشيط اليومي .. ولو شعرهم طوويل وكثيف حيل حيل .. مشطيهم باليوم مرتين

ثاني شي .. لو هم بفتره تزاوج .. او الانثى حامل او توها تولد .. طبيعي ان شعرهم يتساقط كذا

بعد ممكن معهم نقص فيتامينات بهالحاله تعطينهم زيت كبد الحوت .. خطيـــــــــــــــــرر

وشيكي عند البيطري لو معهم ديدان او لا .. عشان لو معهم تعالجينهم

المكان الي هم فيه لازم مايكون حار كثيير .. خصوصا القطط ذوات الشعر الطويل والكثييييف لازم مكاان باااارد عشان يحافظ على شعرهم

ولو تعطينهم اكلات بحريه كثير .. حاولي تخففين منها او تقطعيييينها .. انا كلش ماحب اعطي قطاوتي اكل بحري .. الا من فتره لفتره لا سوينا سمك بابا يغسل لهم كميه ويحطها لهم

وترا حتى الحاله النفسيه للقطط مثل الخوووف او التوتر تسبب لهم تساقط شعر ..

اختي واضبي على زيت كبد الحوت .. لانه يساعد في نمو الشعر ويقووويه .. اعطيهم منه مرتين بالاسبوع قد ملعقه صغيرره .. او حتى زيت الزيتون .. مع كل وجبه حطي لهم نقاط من الزيت

وهل كل القطط يتطاير شعرها وينزل ولا لا ؟

اي كل القطط .. لكن بشكل طبيعي مو بشكل زايد عن اللزوم .. المسببات الي ذكرتها في الاعلى تزيييييد من تساقط الشعر

2/ انا بالرياض وكل مارحت لطبيب بيطري ابي اكشف على قططي وكذا ولا لأي شيء وكل ماكشف عليهم يقولي بـ200 وبعدها يقول مافيها شيء ولا زي كذا ويقول الـ 200 حقت الكشف بس , صراحه شغله كل مره نروح يقول كشف 200 بس غير الأدويه وكذا مره كان عندي قطه صغيره اخذ عليها 400 وكانت مريضه والمفروض تجلس عندهم 3 ايام علاج ولكنها اليوم الثاني ماتت وبس قال مافي ترجيع فلوس ماتت هي من نفسها ! مين يدلني على طبيب بيطري كويس واسعاره معقوله ؟

والله ماني من الرياض .. ان شاءالله أهل الرياض يسااعدونج

3/ هل القطط ماتجيب عقم مثلآ ؟ لأني صراحه احبهم ومخليتهم عندي واربيهم وكذا لكن مره مره خايفه لما اتذكر هالشيء وخصوصآ كل من جاء وراح وشافها عندنا يقولون ليه ماتشيلونها ترى تجيب العقم هل هالكلام صحيح ؟

لااااااا كلاااام فاضي ..

القطط ممكن تسبب اجهااض للمرأه مو عقم مره وحده

والفايروس هذا مايجي من الله والطريق .. لازم فيه مسببات

1 - عدم الاهتمام بتطعيم القطط

2 - ترك القطط المنزليه تختلط بقطط الشوارع

3 - اعطاء القطط الأكل النئ

4 - عدم الاهتمام بنظافه القطط وبنظافه صندوق الفضلات خاصه

أيضا هالفايروس ممكن يجي من غير القطط

1 - من الحشرات

2 - أكل الفاكهه والخضار بدون غسلها غسل جييد

3 - شررب اللبن من غير غلييه ( المقصود باللبن هذا الي طوووالي يشربونه من الناقه او البقره مو المعلبات )

وكل هالاشياء احنا مانسويها يعني الفايروس بعييييييد عنا ان شاءالله

وبرضو في موضووع مثبت للأخت ساره شوفيه راح تستفيدين

4/ القطط هل عادي تاكل الرز أو البطاطس المسلوقه أو المكرونه ولا تأثر عليها ؟

لالا بالعكس مرررررره مفييده هالأكلات

وبالتوفيق اختي اموره ولو عندج اسئله ثانيه .. اتفضللي