كيف اعتني ببطتي الصغيرة؟

[نوارة]

السلام عليكم

هذه أول مرة في حياتي أربي حيوانات واللحين صار لي أسبوع من أقتنيت بطة صغيرة وهذه صورتها



المشكلة اني ما اعرف اي معلومات عن البط فبخبركم شلون أعتني ببطتي وانتوا خبروني اذا في اي شي خطأ اسويه أو اذا في نصائح ممكن استفيد منها

اولا انا خليتها في قفص صغير نوعا ما بس اطلعها للمزرعة نصف ساعة كل يوم تقريبا ... لأني ما اقدر أخليها هناك على طول لأن في قطط وأخاف ياكلونها

وأحاول أخليها في بركة صغيرة بين يوم والثاني لكنها ما ترضى تجلس في البركة أبدا دائما تهرب منها

وبالنسبة لأكلها اعطيها حبوب أو خبز

طريقتي صحيحة ؟ اذا في أحد عنده اي معلومة مفيدة لا يبخل علي فيها ومشكورين مقدما

[سمساار]

السلام عليكم
اختي نواره طريقة تعاملك مع هذي البطوطه الحلوه صحيحه ولكن تحتاج بعض التعديلات تكبير القفص لكي تاخذ راحته وبنسب للاكل بامكانك تعطيها خضراوات - رز - خبز
واما النزه اليوميه بالحديقه المزليه فتحتاج منك مده اطول شويه والبطوطه تستاهل
وعلى فكره البط سريع النمو
وبالختام اتمنالك النجاح مع البطبوطه الحلووووه

[نوارة]

شكرا أخوي سمساار على الرد والمعلومات المفيدة ... بحاول أطبقها ان شاء الله

بس ليش البطة ما تحب الماء .. هل هي للحين ما تعرف السباحة؟؟

[hask2004]

في الواقع خبرتي في البط قليلة
ولكن اكتفي بالقول اهم شيء القفص يكون حجمه مناسب والماء متوفر
ويكون في مكان ما فيه شمس قوية، واكيد لازم يكون في بركة تسبح فيها


مشرفة القسم والاخوان الاخرين لهم خبرة واسعة في هذا المجال اتمنى منهم الافادة، كما ان هناك مواضيع في هذا القسم بامكانك البحث عنها ، ممكن تفيدك

[! هاويه الطيور !]

ماقصرو الاعضاء

بخصوص العنايه اختي
شوفي لاتمسكين البطه واايد لانه تتضايق + الاكلات

الذره المطحُون + الخبز ويكون فيه شويه ماي + ازر مطبوخ + جت طري


بخصوص الماي البطه الصغيره تخاف السبب
لازم وجودا الام

لكن ممكن تخلينها في المكان او قريب من القفص وتنزل من نفسه وليس اجباري تنزلنها
واهي خلال اسبوعين راح تنزل من نفسها


وماشاء الله صورتها روعه ^_^

[نوارة]

hask2004 & ! هاويه الطيور !

شكرا على ردودكم واني بدئت فعلا في تطبيق نصايحكم

وان شاء الله مع الايام بتعلم شلون أتعامل مع البطة بطريقة أفضل