هامستري ولدت ! والله ولدت ! ايش تنصحوني

[BAHLOOOL]

السلام عليكم
اولا اخواني الاعضاء مافي دليل ابدا يثبت ان الذكر خطر على عياله
بالعكس تماما
وبالذات بالروسي لانه اجتماعي
الذكر مسالم مع عياله ومع امهم لاٌصى الحدود ويساعد الام انه يحافظ على عيالها داخل البيت وما يخليهم يطلعون بعيد
هذا اعتقاد خاطئ جدا وانا مستغرب من الي يقولون ان الذكر ياكل عياله
بالعكس الانثى هي الي تاكل عيالها والذكر مستحيل ياكلهم
ثاني شي
انا اربي هامسترات من 7 سنوات
ما عمري شلت الذكر من زوجته وقت الي تولد
دايما اخليهم يكبرون مع امهم وابوهم
ولا انثى عندي كلت عيالها ولا ذكر عندي أذى عياله
اختي
خلي الذكر عندهم عادي
وخلي الام عندهم
ومثل ما قال اخوي
سويلهم بيض (بدون زين) يعني خلطيه وطبخيه بالمقلى بدون زيت
بس لا تفوحينه مثل ما هو بالماي ماراح ياكلونه
مرتين الى ثلاث مرات بالاسبوع
وخلي الماي دايما نظيف وموجود والاكل متوفر لان الام تبي تغذيه علشان تطلع الحليب وما يصير فيها جفاف وضعف وتموت
والوقت الي تقعد الام تاكل فيه الذكر هو الي يحافظ على العيال.
وبس
سن البلوغ عندهم شهر ونص
وفنرة الي تقدرين تفصلينهم عن امهم وياكلون بروحهم من 3 اسابيع الى 4
بس ما انصحج تفصلينهم قبل
سويتها مره وضعفو وماتو
بس بعد الشهر يحين وقت الفصل لان ممكن (ومو دايما) الذكر يتهاوش مع عياله الذكور
وتصير منافسه على الاناث وتصير المشاكل
في نقطه ثانيه

الاعضاء صح بكلمة فصل الذكر وقت الولاده لسبب واحد بس

هو ان الذكر وقت الي تكون الانثى قاعده ترضع وتربي عيالها يحاول يتزاوج معاها
وهالشي يزعجها ويربكها واذا حملت منه راح تتعب ويصير فيها اجهاد قوي وتموت
لكن غير جذي ماكو سبب يخلي الذكر يكون بعيد عن عياله
وانا اخليه معاها ويحاول يتزاوج معاها وتطرده ويصدع راسها منه
وعادي
يكبرون العيال وبالنهايه تستسلم وتحمل منه بعد شهر من الولاده ومافي شر انشاءالله
وراح تلاحظين ان الذكر دايما يقعد على جنب او برا البيت بروحه زعلان مطرود والام مع الغاليين بروحهم
وآسف على الإطاله.