انا كنت اريد شراء كلب وعندي بعض الاسئلة

[Mr-Razor]

السلام عليكم ورحمه الله وبركاته

ازيكـــمــ يـــا مــنــتـــدي الاخــتـــلافـــ عن الاخــريــن

بــجــد انا عاجبني اوي المنتدي

وعندي اسئلة محتاج اجابه عنها

1-انا كنت اريد شراء كلب بلاك جاك الماني واريد ان اعرف سعره مصري

والاماكن المخصصه لبيعه بمصر لمن يقيم بمصر

2- وكيف اعرف الكلب اثناء شرائه اذا كان جبان ام شرس لاني اريده ان يكون شرساّ

3-انا سوف اربي الكلاب في شقتي مع اسرتي واريد ان اعرف

كيف اجعل حركه الكلاب قليل الي حدا ما ولكن الا يكون جبان

4- اريد معرفه كيف اخلي الكلب حينما يريد عمل حمام ان يقوم

بعمل حمام داخل حمام المنزل او في الخارج

* لان معظم الجاهله قالوا لي ان اضربه علي رأسه بعنف

وبعد اخلي الكلب يشم الحمام

وبجد والله انا مش عارف اقول ايه علي المنتدي اكتر من كده

وطبعا اعضائه

[g.man]

اخوي اول شي انرحب فيك واقولك ان كل الأشياء الي انت تبيهه موجودة في المنتدى

[pitbull terrier]

يا اخوي , انت واضع الاسئلة في قسم التدريب , كان يجب عليك ان تضعه في قسم السؤال والجواب ,
ولكن ما في مشكلة , انا هلكيت راح اجاوب على كل اسالتك باذن الله .
يا اخوي :

اولا , والله انا ما بعرف شو الاسعار عندكم بمصر , ولكن يجب ان تعرف انه كلما كان الكلب على مستوى اعلى كلما زاد سعره .

بالنسبه الى السؤال الثاني , اذا كنت تريد ان تشتري كلب صغير ( جرو) ما راح اتشوف جرو شرس جدا ولكن سوف ترى الشجاع والجبان او الخجول , واذا كنت تريد الجرو الرائع والجرو الشجاع ما عليك سوى ان تتفقد الجراء ( حاول انك تلفت انتباههم الك وحاول ان تعلب معاهم واذا رايت كلب خجول او خايف ما توخذو لانو راح ايظل خجول وخايف طول عمره . وايضا اذا كنت بدك تشتري كلب كبير , انت راح تعرف مين الجبان ومين الشجاع .

وبالنسبة الى السؤال الثالث , اذا كان الكلب كبير , انت راح تتصعب في تدريبه على ان لا تكون حركته قليله لانك لا تعرف كيف كانت تربيته عند صاحبه من قبل... ( لذلك انا انصحك ان تشتري جرو صغير ) واذا كان الكلب صغير , ما عليك سوى ان تدربه . وايضا اذا كنت تريد كلب قليل الحركه فهنالك الروت ويلر والدوبرمان ..... يعني توجد كلاب تحب المرح واللعب وتتجول في البيت بكثره وتوجد كلاب على عكس ذلك . كل كلب وله عاداته وطباعه , ولكن يمكنك تغيير ذلك عن طريق التدريب المتواصل .

وبالنسبه الى السؤال الرابع , يا اخوي هنالك مواضيع كثيرة في المنتدى تتحدث عن ذلك . ( وذا كنت تريد ان يتعلم قضاء حاجته , فما عليك سوى ان تدربه ... ) ومين قلك انك لازم تضرب الكلب , يا اخوي ضرب الكلب فقط بيجعل من الكلب , كلب جباااان وكلب يكره صاحبه لدرجه كبيره .
انشاء الله اتكون استفدت من المعلومات .

[Mr-Razor]

يعني لو من الممكن

ان تجيبوا لي موضوع مشروح فيه

كيف تخلي الكلب يقضي حاجته في مكان محدد

[pitbull terrier]

يا اخوي اسمع :

- مكان قضاء الحاجة:

طبعا أكتر حاجة بيعاني منها أي حد بيربي كلب في بيته هو مكان قضاء الحاجة، خصوصا ان الكلاب مزعجة جدا في الموضوع ده على عكس القطط، وأحب انبه على حاجة ان مفتاح الموضوع ده هو الصبر والصبر ولا شيء غير الصبر. ولتعويد الكلب على قضاء حاجته في الحمام أو في مكان معين مكن نتبع كذا طريقه بس من خلال تجاربي لأني طول عمري كلابي عايشه في البيت وعمري ما ربيت كلب بره البيت بحب اجمع الطرق كلها في طريقة واحده والحمد لله اثبتت نجاحها مع كل الكلاب حتى مع العنيد منها، وبسم الله نبتدي الأول بشوية معلومات ضروريه عن فسيولوجيا الكلاب قبل مناقشة الطرق.

الكلاب يا جماعة لغاية عمر 3 أو 4 شهور مش بتقدر تتحكم في عضلات المثانه أو المستقيم، يعني ببساطه الكلب أول ما بيحس انه محتاج يعمل حمام بيعملها مكانه حتى لو كان بياكل ومش بيقدر يمسك نفسه، ودي نقطه مهمة جدا لان ناس كتير متوقعه ان الكلب علشان شكله كبير -خصوصا مع الكلاب زي الجيرمن- يبقى خلاص لازم يروح الحمام ولو معملش واستجاب للتدريب يبقى غبي، طبعا ده مفهوم خاطئ جدا. ولازم نحط الكلام ده في اعتبارنا قبل اي تدريب.

الكلام ده ميمنعش اننا نعود الجرو من اول يوم ليه في البيت على الحمام، لكن منتوقعش استجابه سريعه الا بداية من عمر 4 شهور أو 5 شهور، وحتى في كلاب بتوصل لسن 6 شهور ولسه ماتعلمتش، ودي كلها متقلقش حد.

حاجة تانيه لازم نعرفها، ان الكلب بيعمل حمام بعد الاكل بفتره تتراوح من 10 ل 30 دقيقه وبيعمل حمام بعد مده من اللعب تستمر 15 ل 30 دقيقه، يعني نتوقع لو لعبنا مع الكلب مده 15 دقيقه انه هيعمل حمام، وعلامات احتياج الكلب لقضاء الحاجة انه تلاقيه بيشمشم في الارض بحركات دائريه وبعدين يقف في مكانه ويبتدي يعمل الحمام. وكمان الكلب اول ما بيصحى من النوم بيعمل حمام وغالبا بيكون بول، ودي حاجة مهمة بردو لازم تكون في بالنا.

طبعا زي ما كلنا عارفين الكلب بيحدد مكان قضاء حاجته بالرائحه، وغالبا بياخد لنفسه مكان يعمل فيه الحمام، وده بنسميه ال hot spot او النقط الساخنه، والمشكلة كلها بتتركز في كيفية تغيير النقط دي، وهشرح ليكم الطريقة اللي جربتها اكتر من مره وجابت نتيجة سريعة.

قبل أي حاجة لازم ننظم مواعيد وجبات الجرو، مع مراعاة ان الوجبات يكون فيها شوربه في الفطار و الغداء علشان زي ما بنقول بالعاميه كده بطن الكلب تمشي، ويعمل حمام بسرعة بعد الاكل، و في العشاء نحاول نخلي الوجبه من غير شوربه لو كنت هتنام على طول بعد اطعام الكلب. تنظيم الوجبات ده بينظم عمليات الايض ( التمثيل الغذائي) و الاخراج عند الكلب وده مهم من نواحي كتير جدا بس حاليا بنتكلم عن الاخراج، بكده انت هتنظم مواعيد الاخراج عند الكلب وده المهم.

أكيد الكلب في المراحل الاولى هيعمل حمام كتير وفي اماكن كتيره و المطلوب اننا نلاحظ الاماكن دي، واول ما الكلب يعمل في مكان ننضف المكان ده كويس، باي مادة تنظيف ميكونش في مكوناتها مادة الامونيا لأن ريحتها زي ريحة البول. في مزيج ظريف كده كنت باستخدمه وكان بيجيب مفعول اكيد، وهو انك تخلط الماء مع شوية كلور وديتول و اي مادة منظفه للارضيات -لو الارض عندك سيراميك- وصابون سائل بس يكون معطر اهم حاجة علشان يزيل الروائح الكريهة، وتنضف المكان اللي عمل فيه الكلب بالمزيج ده. وطبعا لو كان براز تشيل البراز وتحطه في المكان اللي عايز الكلب يعمل فيه وتسيبه هناك.


ولما نحدد اي hot spot ننضفها كويس وبعدين نسمحها كويس بالخل علشان نضمن ان الرائحه راحت منها تماما، وبعدين نرش عليها فلفل اسمر كتير، لان الكلب هيحاول يرجع ليها ولما يشمشم فيها ريحة الفلفل الاسمر هتتعبه اوي وهيعرف ان ده مش مكان قضاء الحاجة.

نيجي بقى للشغل العملي، بعد كل وجبه بفتره لا تزيد عن 10 دقايق لازم ناخد الكلب للحمام، ونسيبه هناك لغاية ما يعمل حمام، طبعا مش نسيبه ساعتين تلاته لو معملش، ويفضل انك تدخل الحمام معاه و تشجعه انه يعمل حمام، بانك تقول له "اعمل حمام" او "pee" او اي كلمة تانيه انت حابب تستخدمها، ولما الكلب يعمل حمام نظهر له السعاده ونكافئه باي قطعة بسكوت كلاب او قطعة لانشون مثلا، ونفس الكلام اول ما الكلب يصحى من النوم وبعد كل فتره لعب مدتها 20 دقيقه. ويفضل ان تعود الكلب على كلمه علشان مش يحرجك لما يكبر بانه يعمل حمام مثلا في الشارع او في مكان مش صح.

طيب اكيد هنصادف اوقات كتيره ان الكلب يعمل حمام في خارج الاوقات دي وده طبيعي. لو انت شفت الكلب بيعمل حمام في مكان خطأ اياك و الضرب، كل اللي تعمله لو قفشته بيعملها انك ترفع احد رجليه الخلفيه وتزعق له بصوت حاد يبان فيه الغضب وتاخده فورا على الحمام قبل ما تنضف المكان، وتحمسه انه يعملها في الحمام، ولما يعملها تكافئه وبعدين تنضف المكان وهو مش شايفك.

ولو الكلب عملها وانت مش شايفه اياك و العقاب او التوبيخ لان الكلب مش هيعرف انت بتوبخه ليه، بكل بساطه تنضف المكان زي ما قلت قبل كده، ولو براز تشيله وتحطه في الحمام وتاخد الكلب على الحمام تشممه البراز و تخرجه تاني.

في ناس كتير جربت انها تحط في ال hot spot ورق جرايد ولما الكلب يعملها تشيل ورق الجرايد وتحطه في الحمام علشان الكلب يعرف المكان بالريحه بس بصراحه الطريقه دي عمرها ما نفعت معايا لكن مفيش مانع من التجربه طبعا.

نيجي بقى للجراوي اللي سنهااقل من 4 شهور، في العمر ده هنلاحظ ان الجرو في وسط نومه محتاج يعمل حمام، فبيفضل انك تاخد الجرو بعد ما ينام 5 ساعات وتدخله الحمام علشان يعمل حمام و ترجعه تاني، وبكده نحافظ ان الكلب ميتعودش على اي hot spot او انه يعملها بره الحمام.

في حاجة بقى مهمة، الكلاب لما بتبتدي تتحكم في المثانه هنلاحظ حاجة غريبه شويه، ان الكلب ممكن تلاقيه وهو بيلعب او بيتحرك بينزل نقط من البول، ده طبيعي ومش مقلق خالص لانه بيكون عايز يعمل حمام وبيحاول يمسك نفسه، لو عمل كده مش نقلق خالص ولا ناخده على الحمام في ساعتها، بالعكس نسيبه شويه علشان ننمي جواه الموضوع ده، وبعدين ناخده على الحمام، علشان يتعود يمسك نفسه كويس.

طبعا نفس الكلام ده هنطبقه لو عايزين الكلب يعلمها بره البيت، بدل ما ناخده الحمام هناخده بره البيت، يعني انا مثلا الكلب بتاعي طول ماحنا في البيت بيعمل في الحمام بدون مشاكل، واول ما نخرج متعود يعملها في الشارع قبل ما نركب العربيه، وبردو بيعمل حمام في الشارع قبل ما نطلع، هو الموضوع موضوع صبر ومثابره لا اكثر ولا اقل.

انشاءء الله اتكون استفدت من ردي

[Mr-Razor]

اكيد طبعا استفدت كتير يازعيم

وتسلم ايدك وبجد انت فنان في التعامل

مع الكلاب

[Max power]

شو ها الكلام لما الاخ pitbull terrier يضع موضوع ما في نقاش كلام 100 % صحيح.
دائما متالق يا pitbull terrier

[pitbull terrier]

شكرا لكم على كلامكم الرائع معي , وانشاء الله استطيع ان اساعد كل شخص في هذا المنتدى باذن الله .