افاده لو سمحتو يا اعضاء المنتدى

[محب الكاسكو الرمادي]

شباب معليش بطول عليكم الموضوع عشان تفهمو علي


انا عندي كاسكو عمره حوالي سنه وكم شهر اول ما اخدته يجعر كثير خليته حوالي شهر ما اقربه يعني خليته على راحته وبعد شهر بديت امسح على راسه وكان يجعرويعض حوال اسبوع وانا ابي امسح على راسه وبعدين تعود وراح عنه الجعير و لما اقربه ساعات ينزل راسه يبيني احكه وبعد فتره بديت اني اركبه على يدي وركب ما شالله عليه وفيه مره اخدته مزرعه وكان فيه كلب والكاسكو مالي بدء يسوي مثل صوت الكلب بس احلى صاير عنده ههههههههههههه
بس صارله كم يوم ما قام يصفر ولا يتحرك دايم واقف على العصه ودايم اطلعه من القفص ما اخليه داخل كثير

وترى اول مره اربي كاسكو في حياتي ما ربيت


وياريت تفيدوني وبارك الله فيكم

[naasooh]

مبروووك مبروووك
والله يعطيك خيره ويكفيك شره

اخوي لو توضح اكثر

مثال

انت قاص جناحه او اظافره
هل اهو ينهت يعني في صعوبه بتنفسه عن قبل
الفضلات دقق هل فضلاته سائله

واذا عندنا معلومات ان شاء الله الكل بيفيدك



naasooh

[houston]

يمكن مريض ... شوف فضلاته
والله يعافيه

[محب الكاسكو الرمادي]

هلا با اخواني مسالة جناحه من اخدته شهر وقصيته واما اظافره ما قصيتهم حتى من طولهم صار ينتف يدي وصرت البس قفاز بس كان يصفر ويتحرك ماشالله عليه كثير
مسالة الفضلات فيه سائل مثل الماي بكثير ينزل وديته حق البيطري وعطاني ماده مثل البودره وما فيه تغيير

ونشالله وضحت لكم اكثر

[naasooh]

الفضلات اذا كانت دائما سائله في مشكلة بالطير والله يعينك بس اتبع تعليمات الدكتور



وفي طريقه جربتها مع كاسكوي لما شريته صاحب المحل أعرفه رجل شايب ومن عمره في تربية الطيور وبيعها
نصحني بأن أعزل الماء لفترة ساعتين او ثلاث بعدين اعطيه شاي بدون سكر
الشاي العادي ألي نستعمله ، ويشربه
( الشاي فاتر ) ولمدة يوم

الحمدالله انا شفت الطير تحسن

[زياد محمد]

هلا اخوي والله ماودي افتي كثير >>> لكن اذا برآز الطير الله يكرمكم آخضر وومزوج باآبيض طبيعي ياغالي ..؟ وياليت ممكن تصور لنا صور لكي نوضح لك آكثر .... مع انه سؤالك مهو عن اسهال ولا برآز كرمتم ؛؛؛سؤالك عن الطير انه له فترة مايصفر هههههههه