باركولي .. كاسكو جديد في بيتي.. فما رأيكم

[نمط]

مبروك عليك الطير ويتربى بعزك ويعطيك خيره يا رب

طيرك في عمر الزهور مشاء الله عليه
توه فرخ وقرابة سبعة شهور ويمكن أقل لأن كحلته غليظة
واصبر عليه كم يوم يتأقلم عالمكان وراح يصير حبوب ويروح عنه الخوف
ارفع قفصه فوق في زاوية بيت ولا تزعجه كثير
ولا تلعب بريشه الحين ولا تسوي له ولا شي حتى لا تروشه إلين يتأقلم ويعتاد عالمكان
وابدأ بعدين معه حبة حبة , وحاول تهمس له وتكلمه حتى لو من بعيد حتى يتودد لك ويعتاد عليك
وفر له أنواع الأكل الطازجة اللينة في هالعمر , بالنهار لا تبخل عليه بالفواكه وارفعها عنها قبل المساء لانها سريعة التلف
وبالمساء عطه نواشف >>> حبوب
الفواكه قد تجعل من فضلات الطائر أحياناً سائلة لأنها مليئة بالمياه , الرمان ممتاز لوقف الإسهال , الموز لا تعطيه اذا كان مسهل ولا تزيد من التفاح , الخضار زينة
الكاسكو في الاعمار هذي حساس جداً ومناعته ضعيفة , لذلك يحتاج عناية كثيفة
ابعده عن أي هواء سواء حار أو بارد
ولا تقربه يم البرودة أبداً , ابعده عن مكان فيه تكييف بالوقت هذا , ولاتعرضه لأشعة الشمس خصوصاً بعد الساعة ثمان
الشمس الصباحية حلوة
البراز وانت بكرامة قد يختلف لونه وجفافه من خلال الطعام
انا عندي طير لمن أأكله فواكه يكون برازه سائل كأنه سهال لكنه طبيعي
لكن اذا ياكل فقط حبوب وتكون فضلاته سائلة فالطير فيه شي
أما ريش الذيل فيمكن كان سيء وقلعه اللي كان عنده قبل
أو الريش تساقط وفي مرحلة نمو من جديد

سؤال لك : القفص من وين أخدته وبكم سعره لا هنت
عجبني انه اثنين في واحد , استاند وقفص
القفص ينفتح من فوق حتى الطير يطلع على لستاند طوالي؟