انا ادور اصحاب الخبره

[صمت القلوب]

السلام عليكم

احب اشكر المنتدى على الجهود الجباره في مجال الطيور بكل انواعها وانا بصراحة استفدت واجد من المنتدى

انا بصراحة عندي طير كاسكو وعيونه رماديه توها بدت تصير فاتحة اشوي ممكن تعطوني الجدول اليومي لجل اعلم الطير الكلام مع ان الحين الطير يقلد اصوات التليفون نغمات الرسائل الجوال صرخة بنت صغيرة عندي بس المشكلة مدري متى يتكلم .

مع ان في واحد قالي الطيور الهولندية ماتكلم يعني خوفني

ابي اصحاب الخبرة ولا يهونون الموجودون في المنتدى يفيدوني في الموضوع

شاكر ومقدر

[حب استطلاع]

إذا سؤالك هل إنتاج المزارع تتكلم ولا لا
يا عزيزي كل الطيور الأفريقية الرمادية الصغيرة بالعمر
إذا وجدت الشخص الذي يتقن التدريب جميعها تتكلم
وطالما إن طيرك بدأ يقلد الأصوات من حوله
أبدأ بتلقينه الكلام من الآن
وأبدأ بالكلمات الخفيفه وأعطيك مثال ( فوفو )
وقس على هذا
وحاول إنك ترددها أمامه قد ما تقدر
ويكون الطير بعيد عن أي مشتتات
يعني ما يسمع إلا أنت

[صمت القلوب]

اشكرك على المرور والاهتمام في سؤالي

يعني رايك انتظر علية طيب عطني الجدول اليومي مثلاَ كم ساعة اجلس عنده يوميا

[حب استطلاع]

يا عزيزي لا تتقيد بوقت معين
ولا تصعب الأمور على نفسك
يعني تدربه على الكلام يوم تشوف الطير نشيط
ما تجي تدربه وهو لاف رقبته ونايم
وعموماً ذروة نشاطهم في الصباح الباكر وعند المغرب
بالتوفيق أخوي

[صمت القلوب]

يعطيك الف عافية على تجاوبك معي

[زياد محمد]

<<< خذ هذي الطريقة وانشاءالله راح تنجح ويبيلها صبر ..؟ >> الببغاء آسَهل الحروف عنَده ..الالف؛؛ والواو >> اول شي كرر الكلمة عليه تكرار دايم يعني مثل يالله .. السلام عليكم ؛؛ ياواد<؛؛الو ...؟ هذي الكلمات غالبا تقولها طيور الكاسكو في بدآية الكلام .. ولاتنسي التكرار هو السر هههههه