اشترك في نشرتنا البريدية ليصلك كل جديد

Luis · 29-06-2006, 09:53 PM

السلام عليكم ورحمة الله وبركاته..

بالأمس قطتي ولدت ولله الحمد....

لكن نصف جسمها متسخ...وأنا خائف على الصغير

من أن يتأذى وهو يزحف حولها...

فقلت متى أستطيع أن أحممها في أقرب وقت ممكن...؟؟

أفيدوني جزاكم الله خير...

Withered Rose · 29-06-2006, 10:01 PM

و عليكم السلام و رحمة الله

من الافضل ترك القطة الى اسبوعين على الاقل يكبرون الصغار ..

لان قبل هذا الوقت القطة ستكون خائفة نوعا ما على صغارها ، اما الوسخ فهي ستنظف نفسها تلقائيا و تنظف اطفالها ..
و اترك باقي الاجابات للأعضاء و المشرفين

twety · 29-06-2006, 10:10 PM

وانا رايي من راي اخوي ويذر ..

بعد اسبوعيـن حممهـا وهي تلقائيا راح تنظف نفسهـا والبيبي =)

والف مبروووكـ ..

ننتظر الصـور

فطوم · 29-06-2006, 10:13 PM

انا بعد اقول نفس الكلام اهي اول ماتولد بتكون ريحتها دم وغرقانه بالوصخ وابعد جم ساعه تشوفه نظيييييييييييييفه واللي اعرفه التحميم يكون بعد سبوعين الى ثلث اسابيع

قطو_Q8te · 30-06-2006, 12:24 AM

الريحه لاشك قاتله
لكن لاتخااف يوم يومين اهي بنفسها رح تنظف نفسها
انت شيل البطانيات واالمنشااف الي كانو معاها واغسلهم وماعليك منها لانها بتنظف نفسها
ولاتسبحها الابعد شهر شهرين
لانه الرحم للحين ماتسكر وخطر عليهاااااااا

قطقوطه · 30-06-2006, 04:38 AM

شوفي اختي عن تجربه الام روشيها بعد اسبوع من الولاده والصغار لا تروشيهم لين ياخذون اول تطعيمه

تحياتي

ابووو^القطاوة · 30-06-2006, 04:54 AM

انا كلامي بالضبط مثل اخوي قطو كويتي شيلي البطانيات و بليلهم بجدد واتركي الام عشان ترتاح واهي بنفسها راح تنظف المكان انشاللة.

Luis · 01-07-2006, 10:57 AM

مشكورييييييييين أخواني على اهتمامكم ...

وان شاء الله راح أحممها بعد اسبوع ونص لأنها مش وصخه من اسفل وبس...

ألا حتى وجهها وصخته بالفحم وهي تحاول تدخل حمام مسدود...

(أعزكم الله)

مشكورين على تواصلكم...

تحياتي لكم...