ودي اشتري ببغاء افريقي واحتاج شوي معلومات

[انا و سمسم]

المشاركة الأصلية كتبت بواسطة حمد 2

ونوع غبي ونوع ذكي ونوع متوحش ونوع اليف فياليت تبينون لي

هههههههههههههههههههههههههه

اخوي ابششششر بعدد لك الانواع هنا

1-الكونقو
"Congo African Grey parrot, Psittacus erithacus erithacus"
اخوي هذا النوع هو اكثر واحد متعارف عليه
وهو اللي اغلب الاحيان تلاقيه في المحلات يكون كبير وفيه نوع منه يسمونه
جانبو هذ يكون كبييير اكبر من الطبيعي وافتح شوي في اللون
وذيله احمر ومنقاره اسود بالكامل
2-التمنه او الغيني
Timneh African Grey parrot, Psittacus erithacus timneh
هذا النوع هو اصغر نوع في الببغاء الافريقي و يكون لونه
غااامق بعضهم يوصل للسواد ومنقاره من فوق يكون فاتح لو لونه عاجي
ذيله ما يكون احمر يكون اسود
3-هذا النوع اصعب نوع تفريق بينه وبين الكونقو وحتى علميا اصلا
قولون هذا النوع مو موجود بس صنفوه و اسمه البرنسبس
Ghana African Grey ,Psittacus erithacus princeps
هذا النوع مواصفتاته تقريبا قريببببه من الكونقو الا انه اصغر شوي بس
ولونه اعمق شوي وذيله احمر ومنقاره اسود بالكامل

طبعا كلهم لهم القابليه للكلام ويتعلمون الكلام بطلاقه اذا تعلموا صح
بس كل قاعده لها شواذ في بعضهم وهو نادر انهم ما يتكلمون
وكلهم اذكياء بالفطره يعني
ويفضل انك تاخذه فرخ
و يقال انه التمنه او الغيني يكون اروق واحد فيهم في الطبيعه
ويكون اقل عصبيه
واتمنى اكون ساعدتك