أرجوا المساعدة شريت كاسكو صار لي 4 أيام الرجاء الدخول؟؟

[سكر]

اختي أوتار.

ببغائك وضعه خطير جداً

عنده مرض خطير والى الآن لم يجدو له علاج.

هذا المرض اذا أصاب الببغاء يتحول بعد ثلاث أسابيع إلى ضفدع


أمزح معاك,,,

مافي شي يدعو للخوف او القلق, كل مافي الموضوع انك مستعجلة شوي وسقف التوقعات عالي عندك بزيادة.

تخيلي أوديك ورشة سيارات وأعطيك مفك وعدة, وأقولك يالله استلمي سيارة وفكي مكينتها ووضبيها ونظفيها وغيري قطع الغيار وصلحيها!!!!؟؟

تقدري بكل بساطة؟

اكيد ما تقدري لأنك ما تعرفي ولا عندك أي فكرة عنها.

ببغائك نفس الشي, ايش دراه عن شي اسمه طلوع على اليد.

يحتاج فترة أول شي عشان يفهم الطلوع على اليد.

والحمد لله ما دام عضته خفيفه معناها انه ما يعض أصلا, لكنه يلمس اصبعك فقط.

أسهل طريقة, هي الطريقة المعروفة انك تجيبي له عصا وتخليه يطلع عليها وتجيبي عصا ثانيه وترفعيها عند صدرة وتهزي الببغاء عشان يطلع على الثانية,

وترجعي تقربي العصا الثانية من صدره وتهزيه وهكذا.

ومع كل مرة تقوليله اطلع بصوت واضح.

خلال ربع ساعه يصير يطلع على العصا.

ومرة قربي يدك وبيطلع عليها كانها عصا عادية وكرري نفس الحركة حتى يتقنها.

أما المسجل, ينفع لكن مو فعال بشكل مناسب. يعني ممكن يتعلم لكن بشكل بطيء جداً.

التلقين مع الفعل أفضل, يعني تربطي فعل معين بكلمة معينه, وبعد فترة يققولها ببساطة.

بالنسبة لمعرفة مدربه, ما يحتاج يعرف مدربه.

اهم شي انه يصير أليف أكثر وبس, وبعد فترة بيعرف الشخص اللي يهتم فيه أكثر.

اذا كان كبير, أكبر من سنه, أفضل شي الدش بشكل عادي.

أما اذا كان صغير في العمر, يكون عن طريق الرش على شكل رذاذ كل عشرة أيام.


أما الألعاب فهي ضروريه له, وتقدري تشوفي الموضوع هذا ممكن يفيدك


http://www.2zoo.com/vb/showthread.php?t=94740


تحياتي