طائري مريض

[G N o N]

السلام عليكم ........

اليوم قمت الصباح الا والببغاء فيه اسهااااااااااااااااااااااااااااااال

اعطوني علاج فعال الله لايهينكم وافضل تجربه ماودي نخسره ........ تعبنا لين شريناه

انتظررررررررررررررررررررررركم

[بريق العيون]

صباح الخير" أول شي وقف عنه السبال وقم بإعطائه ذرة , بازلا وفاصوليا خضراء في الصباح وفي المساء حب(فصفص)

[G N o N]

يعطيك العافيه على الرد مشوين سلقت بطاطس وخلطته مع شوي لوز وعسل ومويه وكلا شي بسيط تقريبا اقل من ربع ملعقه صغيره

طيب الذره اهرسها ولا حب يعني اعطيها اللي بالعلب الجاهزه

[بريق العيون]

يباع مثلج بدون مواد حافظة ماعليك إلا تغلي من 7-9 دقائق

[zaherdb]

ممكن توضح لنا نوع الغذاء اللي تعطيه لببغائك بالتفصيل الممل من الصباح للمساء بدون تحفظ علشان نقدر نفيدك عزيزي
لأنك طائرك مازال فرخ والفرخ مثل الطفل الصغير ياكل اي شي ولكن في النهاية هو يضر نفسه وانت على بالك انه اكيل الولد
على العموم اكتب لنا برنامجك الغذائي مع الطائر وفالك طيب

[كاجو]

بسررررررررررعه للبيطري لايموت مثل كاسكوي بسبب الاسهال........

وبعدين شف مواضيع الاخ مدريد عن الفروخ وامراضها والاسهال والطريقة لعلاجها مواضيعة مرة حلوة ومفيدة

اسرع ولاتتأخر ترى الوقت مفيد لان التأخير يزيد من المشكلة ثم لاتستطيع حلها..

[G N o N]

يعيطيكم العافيه على المرور .....

انا احطله حب شمسي وفول واكثر ماياكل الفول ومره اكل تفاحه وامس كله لحاله بالبيت وجينا

الساعه 3 الفجر مافيه الا االعافيه ولعبته شوي ويطير واقوله اطلع ويطلع على اليد

وقمت اليوم 6 الفجر يعني 3 ساعات الا وهو نازل تحت بالقفص ومسوي اسهاااااااال ومغمض

عيونه والله كاسر خاااااااطري واحاول انزل لكم صور له

[zaherdb]

المشاركة الأصلية كتبت بواسطة G N o N

يعيطيكم العافيه على المرور .....

انا احطله حب شمسي وفول واكثر ماياكل الفول ومره اكل تفاحه وامس كله لحاله بالبيت وجينا

الساعه 3 الفجر مافيه الا االعافيه ولعبته شوي ويطير واقوله اطلع ويطلع على اليد

وقمت اليوم 6 الفجر يعني 3 ساعات الا وهو نازل تحت بالقفص ومسوي اسهاااااااال ومغمض

عيونه والله كاسر خاااااااطري واحاول انزل لكم صور له

يا عزيزي
الشمسي حاول تخفف منه قدر الإمكان لأن الببغاوات إنتقائية في غذائها
يعني اذا حصلت تشكيله من الحبوب ومن ضمنها الحب الشمسي فعندها من الطبيعي انه سيختار الحب الشمسي ويطنش الباقي وهذا بيأثر عليه سلبا في المستقبل وماراح يرضى بغير الشمسي بديل ودامه فرخ الى الآن فمن الأفضل تعويده على جميع المأكولات الغذائية الصحية وهناك خلطات جاهزه ومن شركات عالمية كبرى وتأتي على فئات عمرية مختلفة يعني لكل عمر خلطته انا الفول السوداني فلا ينصح باكثر من 7 حبات في اليوم لإحتوائه على نسبة عالية من الدهون والإكثار منه مضر ولكن لا مانع من اعطاء الطائر الفول السوداني كحافز على فعل شيء تحبه انت يعني وانت مار عليه وصفر لك تطلع وحده من جيبك وتعطيه ااياها وعلى هذا قيس انت
فنصيحتي لك خفف منهم قدر الإمكان وعوده على الخلطات المنوعه والغذاء المنوع لأن الفرخ كالطفل لا يعرف مالمفيد وما الضار والتفاح انتبه من البذور اللي في التفاح لأنها تكون احيانا قاتله ولا تكثر من التفاح لأنه مسبب رئيسي للإسهال على العموم اذا كانت فيه اعراض خمول اعرضه على بيطري مختص بالطيور لأنه مو كل البياطره لهم خبره بالطيور وخصوصا الكاسكو
وان شاء الله نسمع منك الأخبار الطيبة قريبا....
عموما هذا ملف يبين لك بعض انواع الخلطات لأنواع كثيرة من الطيور بفئاتها العمرية وانواعها المختلفه
http://www.gzmsl.com/pdf/alimentos_pajaros_KIKI.pdf
وهذا رابط لموقع فيه انواع الأغذية
http://www.robharvey.com/parrot-food.html
http://www.babygreys.co.uk/feeding.htm
اسمح لي على الإطالة

[G N o N]

الله يعطيك العافيه ......

راح اخوي الحين يوديه للبيطري والله يكتب اللي فيه الخيرررر

وان شاء الله يطيب وابنوع له بالاكل ولو يبي بوفيه......... بس يتعافى

[G N o N]

الكاسكوا مات ............

عسى الله يعوضنا بس الغريب انه بس اليوم بدى فيه الاسهال