مساعدة في طائري البلوفرونتد

[r_3ly]

بسم الله الرحمن الرحيم لدي طائر بلو فرونتد يتكلم قليلا بصوت ضعيف لاكن المشكلة الكبيرة انه يعض ومايجي على اليد
ياريت من خبيري البلوفرونتد تعليمي طريقة توقفيه عن العض وحمله على اليدين

[مجنون عويشق]

السلام عليكم

اخوي الغالي

في البدايه على البركه الطير الجديد ..


واذا تبي النصيحه لاتستعجل على توقيفه على يدك ...فهذا شيء ثانوي ...

فهو اولا واخيرا راح يوقف على يدك ....

ولكن تحتاج الى وقت فقط ....فلابد تعطي طيرك فرصة التعرف عليك ووضع الثقه فيك ...فقد تكون جديد عليه ومالك لا كم يوم فقط ..وهذا شيء طبيعي جدا ....

استمر في جلوسك معه ...حاول تأكله بيدك ...

وبإذن الله بيصير طير مرتب


بالتوفيق

تحيه طيبه


عبدالعزيز

[ابو سفر]

اخوي ان شاء الله الرابط راح يفيدك
http://www.2zoo.com/vb/showthread.php?t=32029

[r_3ly]

مشكوووور اخوي ابوسفر لاكن الصور في ذاك الموقع ماتطلع عندي

[سماوي الجبه]

نصحيه لانا قرات بعض من الموضوع الى حطه لك ابوسفر ، لاتستخدم القفاز بتاتا لانه يضايق الطير وبشده،، استخدم عصى كى يقف عليه الطائر وحاول انك تثبتها ولا تحركها حركات سريعه كي لاتزعج الطائر وبهذه الطريقه سوف يتعود على الركوب على العصاء ومن ثم يدك،،

[سكر]

أخي الكريم البلو فرنت من أجمل الطيور بالنسبة لي

وبصراحه شكله يغري اي احد انه يستعجل لمسه والمسح عليه

لكن مثل ما قال لك اخوي مجنون عويشق لا تستعجل حتى يستكشف المكان ويتعود وبعدين تنمي الثقه فيه.

بالنسبة للعض وطلوعه على اليد, بحكم التجربة أشوفه أسهل طير يقبل الطلوع على اليد في حالة انه اقتنع انك انت مصدر الطعام له ووثق فيك انك لست مصدر للخطر عليه.

يعني لا تخلي الأكل في علبة الأكل في القفص.

اذا يبغى ياكل الله لا يهينه يجي ياكل من يدك بس.

وخلال فترة بسيطة بيصير يقبل انه يطلع على يدك وتلمسه وما بيعضك ان شاء الله

طبعا يمكن في البدايه يرفض ياكل من يدك لكن انت حاول واذا ما جاوب معاك لا تعطيه الأكل في العلبة الا نهاية اليوم يعني في المغرب واعطيه الأكل شوي بس واذا خلصه قوم واعطيه بعد شوي وهكذا.

حتى يصير يتمنى انك تجي عشان تزوده بالأكل.

بالنسبة للكلام (أعتقد ان السبب قي الملقن صوته منخفض) والله أعلم.

استفسارات مهمة : كم عمره وكيف صحته, وهل يطير أم أجنحته مقصوصة؟

تحياتي

[r_3ly]

والله ماعندي خبرة في معرفة عمره ولاكن اجنحته مقصوصة

[مجنون الامازون]

عزيزي .. اول شئ احب اهنئك على هذا الطائر واختيارك له .. ثانيا انا عندي بلو فرونتد عمره خمسة اشهر .. كان بنفس الطريقة (يعض - ما يطلع على اليد - يخاف) بس ما راح تصدق لو قلت لك انو بعد اسبوعين صار يجي الين عندي ويطلع على ايدي و كتفي بدون ما اقوله شئ ..

مثل ما اتفضل الاخ (سكر) اجي عندو وافتح باب القفص واجلس جنبه وما احاول اعطيه وجه واحط الاكل اول مرة جنبي .. وشوي شوي صرت احط زبدية الاكل في حضني .. راح يخاف في الاول وبعدين راح يتعود عليك الين ماراح يحس بالامان صدقني من يوم ما تفتح باب القفص راح يجيك من نفسه ..

تحياتي ..