افكر فى اقتناء قفص ادخوا و ساعدونى

[redshark]

اختي الدمية الصغيرة 000

ممكن تشتري من محل فاريتي في شارع بورسعيد سبورتنج

او ممكن تشتري من محل الاسماك والطيور جنب نقطة الابراهيمية او ممكن تلاقي في شارع القطر جنب البوسطه او شارع منشا كل دي محلات للطيور
اما الاسماك فانصحك بمدرن اكواريوم قصاد باب كلية الطب ولو حبيتي ممكن اساعدك لاني كمان من الاسكندريه

ونصيحتي اختي انك تتمرسي في البادجي الاول لان الزيبرا بتحتاج رعاية اكتر من البادجي

وعلى فكرة البادجي في مصر اسمه الاسترالي

[الدمية الصغيرة]

شكرا اخى و يا ريت اعرف الحيوانات الى بتربيها و اماكن شرائها لانى اموت فى الحيوانات

[redshark]

اختي الدمية الصغيرة انا برضو عاشق مجنون لكل انواع الحيوانات 00 وعندي حديقة حيوان على صغير 000 عندي طيور الحب ( الفيشر) وعندي الزيبرا و عندي سنجاب ايراني وعندي تمساح نيلي
وعندي سلحفاه نهاشه

واربع احواض سمك لانواع الاوسكار والباروت والالشيكليد والجولد واليرانا وانا من الاسكندريه فلو احتجتي اي استفسار هناك بس اسالي

[الدمية الصغيرة]

شكرا اخى و عايزة اعرف ايه هى السلحفاة النهاشة و سعرها و ماذا تاكل و عايزة اعرف عيادات بيطرية و صيدليات و احسن محلات تبيع الحيوانات لانى بحب السلاحف و الطيور و القطط و الهامسترز و الكافى و الاسماك و ناوية على تربيتهم بس طبعا مش مرة واحدة و الا كانت ماما سابت لنا البيت و مشيت:-)

[redshark]

اختي العزيزه انا بجهز ملف لكل انواع السلاحف وان شاء الله ارفعه علىالمنتدي وحيعجبك اوي في كل حاجه عن السلاحف بالتفصيل
اما عنالعيادات و والمحلات فحبعتهملك بالتفصيل

[الدمية الصغيرة]

شكرا اخى على ردك و انا منتظرة الموضوع

[الكناري المغرد]

انا عندي بــــــــ الرياض = 250 اما عدكم ماااادري احس انه ارخص