نآني تعبآنه ..؟ او دلع

[نآني]

السلآلآم عليكم ورحمه الله ..


أول شيء بأروكي لي .. اشتريت قط،،ـوه ( سيـأميه ,.. عمرها شهرين .,. عيونها زرقا .., ان شاء الله انزل صورها بكره )

سمـيتها نآني ..

المهم اول ما اشتريتها ماكانت عندي فكره ابدا عن تربيه القطاو .,
واخذت لها كل الاغراض اللي تحتاجها ..,

واشتريت لها اكل رويال كانيون لان سمعت انه احسن اكل للقطاو ..,
واخذت حليب لها بودره ..,

المصيييبه اول مادخلت البيت تقول ،، ميـآآو ميـآآإأو وماتسكت
وحطيتها في القفص لان ماكانت تنام في البيت اللي اشتريته
لكنها جلست تبكي وتبكي رحت جبتها تنام عندي وبحضني




والصبح احط لها الاكل ما اكلت من اي شيء بس تشرب ماآي وتقول مـياو .,
ماعرف وش اسوي لها ., والبيت كله متضايق منها وانا ماتوقعت ان تربيتها بهالصعوبه ..





والمصييبه الثانيه انها ماتعرف تروح للحمام الرمل
يعني تتبرز في اي مكان ووصخت السرير ومو عارفه اتصرف معاااااااها ..,/

وحطيت اليوم لها حليب شربت شوي بس قطرتين وخلاص
اتمنى تفيدوني

[عاشقة القطاو]

السلام عليكم

هذا عادي لأنه لسا جديدية على البيت بس خليها انتي تاخذ على البيت ..يعني لا تمسيكها طنشيها..و هي

بروحها تجي عندج ..

و عن الحمام أكرمك الله اذا شفتيها تحفر بالأرض ..عالطول شيليها وو وديها الحمام ..و الأمكان الي كانت تببرز

عليهم اكرمك اللله ...نظفيهم عدل...لأنه اذا بقى فيه ريحة بترجع ..تسوي في نفس المكان ..

و أتمى اكون افدتج.

[نآني]

مشـكوره اختي عـآشقه على المرور ..,/

وافدتييني ..,

هي ماكانت تدخل في بيتها او تقعد فيه لكن طلعت بيتها برا .., وخليتها برا .

ومن البرد دخلت في بيتها وجلست فيه .,/

عندي حليب خاص فيها ., كم وجبه اعطييها فاليوم .,/

وعندي اكل رويال كانيون بسكوت كم مره اعطيها فاليوم ؟..

[عاشقة القطاو]

عندي حليب خاص فيها ., كم وجبه اعطييها فاليوم

اذا مفطومة قطتك فلا تعطيها حليب الى مرة و مرتين بالأسبوع و اذا لا..كل 2 ساعتين ..

وعندي اكل رويال كانيون بسكوت كم مره اعطيها فاليوم ؟..

كل خمس ساعات ..

[آنـــــو]

أيه عادي بالبدايه ماتاكل أو تشرب وتجلس تماوي لأن البيت والوضع جديد عليها

وبالنسبه للحمام معذوره القطوه توها صغيره وماتقدر تمسك نفسها وأكيد مو عارفه وين حمامها

أنتي بس خلي الرمل قريب منها أذا أحتاجت ولو شفتيها تحفر ومستعده تسويها بأي مكان شيليها بسرعه وحطيها فيه

وأصبري عليها توها صغيره كلها فتره وتتعود على البيت وعلى مكان رملها هي يبيلها صبر ..

وياحبيبتي بلاش من الحليب خلاص هي مفطومه من أمها

قريت بموقع أجنبي أن القطط ماتحتاج للحليب بعد الفطام معلومه خاطئه

أن الحليب يفيدهم ولازم تشربه وماأدري أيش .. أعطيها بس بين فتره وفتره جبنه وزبادي قليل الدسم بسس

والأكل بهالعمر تحتاج الى 4 وجبات باليوم ،، وبالتووفيق والله يخليها لك ..

[3o3o]

كلام انو وعاشقة القطاوه صحيح100%

[ichigo]

يع يع يع والله القطاوه وصاختهم وصاخه بس حلووين وطيوبيبن ماظلمهم

[آنـــــو]

^
^
بالعكس القطط أنظف الحيوانات وهي الوحيده بالفطره تسويها بالمكان المخصص بالرمل تحفر وتدفن

لكن أحيان في ظروف غصب عنها تجبرها تسويها بغير مكان

وغير كذا دايم محافظه على نظافتها الشخصيه .. تدرين أن القطط تقضي 30٪ من حياتها في تنظيف نفسها ..
ولعابها يعتبر معقم طبيعي لها من الجراثيم

[sisi_moon]

دللبها

طبيعي في البدايه كذا .. ماتكون مررتااااحه ..

كلها كم يوم وتررتااح للمكان وتجلس تاكل وتلعب وتتصرف طبيعي

وبخصوص الحمام .. ماعليه هي توها جديده عالبيت وماتدل مكان الحمام زين

خلي الحمام قريب منها وبعد كل وجبه وديها للرمل .. ومن تشوفينها تجهز بتعملها عالارض حطيييها بالرمل

ونظفي المكان الي توسخ فيه زين مازين بحيث ماتبقى ريحه وترجع تعلمها من جديد ..

وولا تطلعينها برا في البررد .. حرام توها نونو واكيد مو متعوده على كذا .. حرام بتمرض عليج ..

دخليها دااخل .. ولا تفكرين تطلعينها مره ثانيه ..

والله يحفظها لج .. والقطط السياميه لعووبه وذكيه .. بتستاااانسين معها من قلب ^^

[نآني]

آأبشششركم ناآنو تعودت على البيت وصارت تستانس عليه وعادي تتصرف اوكي وماتخاف ..,/

وتفاجأت يوم شفت انها تبرزت فالرمل الخاص بدون ما اشيلها ولا شيء الحمدالله .:

عطيتها حليب اليوم ..: اكلت لحم مطبوخ ../ لكن الرويال كانيون ماقربت منه


ولا’حظت انها تستانس يوم تطلع برا وطلعت بيتها اليوم برا فالرمل وخليته ../ وخليتها فالحوش .. واستانس كثير لان تمشي ورا اهلي وتروح عند الارانب

لكن سؤال هل خروجها فالجو برا يؤثر عليها ؟... ويخليها تمرض
وبدت تتعود تنام في سريرها .. :$


مششششكورين وماقصرتو على المرور والافآده