فروخ الدرة المطوقة

[K-O-H]

أخواني بدل ماأحط موضوع جديد

أسئلتي تتشابه بما تفضل وقاله كاتب الموضوع


ممكن صورة للدرة النيبالة....الهندية؟؟ عشان أفرّق

+

وين أحصل فرخ بالشرقيه

[NSA]

السلام عليكم
اخوي هذي صورة الدرة النيبالية




وهذي صورة الدرة الهندية



والريش الاحمر يظهر على الدرة النيبالية اول مايبدا يطلع الريش

[7amode]

السلام عليكم اخوي

الببغاوات اذا كانو صغار ماتقدر تفرق بينهم

واذا انت مصر على معرفة الجنس غذ الببغاء وحلله dna وشكرااا

[NSA]

انا ما اقول افرق في الجنس اقول افرق في النوع (نيبالية او الهندية) من يوم هو فرخ

[K-O-H]

مشكور أخوي NSA


أنا عندي درة أنثى شكلها هنديه


لكن منقارها برتقالي !

في درة غير النيبالية والهندية؟؟ اذا كان فيه وش فصيلتها

لانها مو متوالفة أبد مع الذكر اللي عندي اللي مربينه رغم انه موافق عليها لكن يغار اذا عطيتها أكل ويحاول ياخذه


ومشكور مرة ثانيه.....

[NSA]

في نوع اخر الي هو الدرة الافريقية لاكن منقارها مو برتقالي تلقى الي عندك هندية بس منقارها متقشر
ومن ناحية التوالف اذا كانت بينهم مشاكل كثير افصلهم عن بعض (اسبوعين) ثم رجعهم مع بعض

[THE WOLFS MASTER]

المشاركة الأصلية كتبت بواسطة هاوي الببغاوات

الدرة الكبيرة يجيك ضخم والدرة الهندي صغير انت قارن بالحجم وهي تسمى بالنيبالية او الكحول او الاسكندرين

اخوي انا قلت - فـــــــــ ـ ـ ـ ــ ـ رخ -

ما اقصد الدرة الكبيرة

[THE WOLFS MASTER]

K-O-H

انا من الشرقية " وافتخر"

بس سؤالي انت من القطيف ولا من الدمام ولا من وين ؟

NSA

اشكرك جزيل الشكر للتوضيحات والصور

صراحة جاوبتني بالي ابيه وشكرا لك...

لكن اذا ممكن ... ايهما افضل النيبالة او الهندية ؟

انا ما شفت احد يربي نيبالية بس شفت الكثير يربوا هندي وكانت واجد لعوبة ومرحة وحبوبة

7amode

شكرا لك اخي بس انا مو مصّر لهالدرجة ثاني شي اسوي تحليل D.N.A ؟؟

وين يسووه ؟

هاوي الببغاوات

شكرا على مرورك العطر....لكن هالكلام يمشي مع الفروخ ؟

[NSA]

والله اخوي انا ماجربت اربي النيبالية
لاكن عندي هندي وهو ذكي ولعوب جدا

[NSA]

اعتقد ان النيبالية افضل من الهندية في الكلام بشي بسيط